Новосёлов, Кузьма Васильевич

Кузьма Васильевич Новосёлов
Кузьма Васильевич Новосёлов
Шачмы кечӹ	8 февраль 1919
Шачмы вӓр	Уржум уезд[d], Вятка губерня[d], РСФСР[d];
Колымы кечӹ	20 март 1985 (66 и)
Колымы вӓр	Луганск[d], СССР[d];
Пырымаш	СССР
Войскан йиш	военно-воздушный сила[d]
Служымы жеп	1939—1953
Звани
Часть	146-шы истребительный авиаци полк
Кредӓлмӓш/вырсы	Кого Отечественный вырсы,; Корейский вырсы

Кузьма Васильевич Новосёлов (1919 и 8 февраль, Уржум уезд, Вятка губерня — 1985 и 20 март, Ворошиловград) — Кого Отечественный вырсышты истребительный авиацин советский лётчик-асшы, Совет Союзын Геройжы (27.06.1945). Подполковник.

Ӹлӹмӓш корныжы

1919 ин 8 февральын Вятка губернян Климино солашты^{[К 1]} руш хресӓнь семняэш шачын. 1920 ин тылыкеш кодын — ӓвӓжӹ тиф доно колен, а ӓтяжӹ Мӹндӹр Ирвелӹм японецвлӓ дорц ытарымы годым колен. Киров областьын Уржум халан тетя томашты анжен куштымы ылын, тӹшток кӹдӓлӓш образованим нӓлӹн. Школым тымень пӹтӓрӹмӹкӹ, Азан халашты кожевенный фабрикӹштӹ пӓшӓм ӹштен.

1939 ин майын Якшар Арми рӓдӹш нӓлӹнӹт, Срочный службыжы Украинский ССР-ын конвойный войскаштыжы эртен. Кого Отечественный вырсышты 1941 и гӹц кредӓлӹн.

Борисполь сага кредӓлмӓштӹ фашистский знамӹм дӓ автомобильӹм роалтен нӓлӹн, тишец вара Днепр гач ванжымы годым шушырген дӓ госпитальыш колтымы ылын. Госпитальым тышманын роалтымыжы паштек пленӹш вӓрештӹн, кыргыж шӹлӓш цацен, но кычалтын, мычашеш кыргыж ытлен, 1941 и 7 ноябрьын советский войскавлӓн шалгымы вӓрӹш миэн шон. Шоды пуалмым паремдӓш госпитальыш колтымы ылын.

Пареммӹ паштек Иркутский военный авиационный училищӹш тыменяш колтенӹт, тӹдӹм 1941 ишток тымень лӓктӹн дӓ запасной авиаполкыш вӓрештӹн, тиштӹ виктӓрӹшӹ звенон командиреш шагалтенӹт. Пӹтӓри У-2 самолёт доно чонгештӹлӹн, а 1942 ин кӓнгӹжӹм Ян-1 истребитель доно чонгештӹлӓш тыменьӹн. Лётчик-инструкторын пӓшӓм ӹштен, звено командирвлӓн курсым тымень пӹтӓрен. Фронтыш 1943 ин 146-шы истребительный авиаци полкыш (Брянский фронт 15-шӹ воздушный арми, 2-шы истребительный авиаци корпус, 7-шӹ гвардейский истребительный авиационный дивизи) вӓрештӹн.

1943 ин шӹжӹм, Кузьма Васильевич Орловский область Мценск хала лишнӹ патрулируйымы годым, эче кым Як-1Б советский самолёт доно иквӓреш Ме-109 самолет доно ыжатымы немецкий Ju-88 тӹшкӓ доно кредӓлӓш пижӹн. Изирӓк лейтенант Новосёлов кок «Юнкерсым» дӓ ик «Мессершмиттӹм» кенвацтарен.

Тӹдӹн атакуйымы ресторанышты ылшы тышманын 300 нӓрӹ офицержӹм пӹтӓрӹмӹ гишӓн, Якшар Знамя орден доно награждайымы ылын. Икманяр кечӹ гач Me-109 пӹдештӓрӹмӹ самолётын командиржӹм ытарымы гишӓн лейтенант званим нӓлӹн.

1945 иэш Кузьма Васильевичӹн 235 боевой чонгештӹлмӓш, южышты 37 кредӓлмӓш, тышманын 17 кенвацтарымы самолёт лин^[2].

1945 ин 27 июньын гвардин когорак лейтенантшы К. В. Новосёловлан Совет Союзын Геройжы званим, Ленин орденӹм дӓ «Шӧртньӹ шӹдӹр» медальым (6519 №) пумы.

Вырсы пӹтӹмӹкӹ, Кузьма Васильевич военный службым пакыла нӓнген. 1952 и июль мычаш гӹц 224-шӹ истребительный авиаци полкын подполковникшӹ, чонгештӹлӓш йӓмдӹлӹшӹ командирӹн вашталтышыжы подполковник К. В. Новосёлов Корейский вырсышты лин дӓ икманяр гӓнӓ кредӓлмӹ монгырыш чонгештӹлӹн. 1952 ин 11 октябрьын южышты кредӓлмӹ годым тӹдӹ кенвазын, самолёт гӹц парашют доно тӹргештен, но кырыкан вӓрӹш вален вазмыж годым нелӹн шушырген, тилец вара шулыкшы тӧрлӓнӹде. Корейӹштӹ сӹнгӹмӓшӹжӹ лиде^[3].

Подполковник К. В. Новосёловын церлӓнӹмӹжӹ гишӓн 1953 ин 7 июльын запасыш лӓктӹн. 1985 ин 20 мартын Ворошиловградышты колен.

Наградывлӓ

Совет Союз Геройын Шӧртньӹ Шӹдӹр
Ленин орден
Якшар Знамӹн кок орден
Отечественный вырсын I степенян орден
медальвлӓ

Ӓшӹндӓрӹмӓш

Кузьма Васильевичӹн лӹмжӹ доно Азан халан Кировский районыштышы ӧлицӓм лӹмдӹмӹ.

Ынгылдарымаш

↑ Уржум уездӹн Климино сола пӹтӓри Косолаповын пакыла Сернур районын Кугушенский сельсоветӹш пырен; пӹтӹшӹ сола, кӹзӹт — Мары Эл Республикӹн Сернур районын территорижӹ^[1].

Примечани

↑ Климино (руш.). Родная Вятка (31 мартын 2018). Тергӹмӹ кечӹ: 9 сентябрьын 2019. Архивируйымы 27 майын 2021 года.
↑ М. Ю. Быков. Все Асы Сталина 1936—1953 гг.. — Научно-популярное издание. — М.: ООО «Яуза-пресс», 2014. — 1392 с. — (Элитная энциклопедия ВВС). — 1500 экз. — ISBN 978-5-9955-0712-3.
↑ Игорь Сейдов. Советские асы корейской войны. — Москва: Фонд содействия авиации «Русские витязи», 2010. — С. 404, 426. — 451 с. — ISBN 978-5-903389-35-3.

Ссылкывлӓ

Кузьма Васильевич Новосёлов (руш.). Сайт «Герои страны».(Дата обращения: 29 октябрьын 2011)

[2] Уржум уездӹн Климино сола пӹтӓри Косолаповын пакыла Сернур районын Кугушенский сельсоветӹш пырен; пӹтӹшӹ сола, кӹзӹт — Мары Эл Республикӹн Сернур районын территорижӹ^[1].

[1] Климино (руш.). Родная Вятка (31 мартын 2018). Тергӹмӹ кечӹ: 9 сентябрьын 2019. Архивируйымы 27 майын 2021 года.

[3] М. Ю. Быков. Все Асы Сталина 1936—1953 гг.. — Научно-популярное издание. — М.: ООО «Яуза-пресс», 2014. — 1392 с. — (Элитная энциклопедия ВВС). — 1500 экз. — ISBN 978-5-9955-0712-3.

[4] Игорь Сейдов. Советские асы корейской войны. — Москва: Фонд содействия авиации «Русские витязи», 2010. — С. 404, 426. — 451 с. — ISBN 978-5-903389-35-3.

[К 1]

[2]

[3]

[1]