Мороз, Терентий Филиппович

Терентий Филиппович Мороз
Терентий Филиппович Мороз
Шачмы кечӹ	10 ноябрь 1924
Шачмы вӓр	Полянецкое[d], Савранский район[d], Одесский область[d];
Колымы кечӹ	24 март 2006 (81 и)
Колымы вӓр	Полянецкое[d], Савранский район[d], Одесский область[d], Украина;
Пырымаш	СССР
Войскан йиш	артиллери
Служымы жеп	1942—1947
Звани
Кредӓлмӓш/вырсы	Кого Отечественный вырсы

Терентий Филиппович Мороз (1924 и 10 ноябрь, Полянецкое, Савранский район — 2006 и 24 март, Полянецкое, Одесский область) — Пӓшӓзӹ-кресӓньӹк Якшар Армин сержантшы, Кого Отечественный вырсын салтакшы, Совет Союзын Геройжы (1945).

Ӹлӹмӓш корныжы

1921 ин 10 ноябрьын Одесский губерни Балтский округын Савранский районыштышы Полянецкое солаэш (кӹзӹт Украинӹн Одесский областьшын Савранский район) шачын. Шӹм классым дӓ 6 №-ӓн Одесский ремесленный училищӹм тымень пӹтӓрен. Кого Отечественный вырсы тӹнгӓлтӹштӹ эвакуациш колтымы ылын, Йошкар-Олашты заводышты слесарь дӓ испытатель семӹнь пӓшӓм ӹштен. 1942 ин октябрьын Пӓшӓзӹ-кресӓньӹк Якшар Армиш налӹнӹт. Тӹ инок ноябрь гӹц Кого Отечественный вырсын фронтышты 2-шы артиллерийский дивизин 20-шы куштылгы артиллерийский бригадын 258-шӹ куштылгы артиллерийский полк сага лин. Волховский фронтын кредӓлмӓштӹ участвуен, 1943 ин январьын Ленинград блокадым кӹрӹлтмӓштӹ кредӓлӹн, Эстоним ытарен. 1944 ин июньын шушырген^[1].

1945 и январеш сержант Терентий Мороз 1-шӹ Украинский фронтын 4-шӹ танковый армин 200-шӹ куштылгы артиллерийский бригадын 258-шӹ куштылгы артиллерийский полкын орудижӹ доно командуен. Сандомирско-Силезский операци годым айыртемӓлтӹн. 1945 ин 12 январьын Терентий Морозын командуйымыжы доно расчёт семӹнь 2 миномётым, 6 пулемётым, 1 артиллери орудим, 2 реактивный установкым пӹтӓрен, тенгеок ӹшке орудижӹн тылжы доно кӹртни ваштыр межӓштӹ коклы метр кымдыкан корным пачын.

1945 ин 15 январьын Коньце хала сага кредӓлмӓштӹ, Морозын командуйымыжы доно расчёт немецкий колонным шӓлӓтен, 15 автомашинам дӓ тышманын 30 салтак дон офицержӹм пӹтӓрен. Халан ӧлицӓвлӓштӹ кешӹ кредӓлмӓштӹ тӹдӹ 2 противотанковый орудим, 3 БТР-ым, тышманын 50 нӓрӹ салтак дон офицерӹм пӹтӓрен, 40 автомашинам, 3 танкым роалтен нӓлӹн, 18 салтак дон офицерӹм пленӹш нӓлӹн. Немецкий контратакым цӓктӓрӹмӹ годым 2 танк дон 3 БТР-ым шӓлӓтен^[1]^[2].

СССР Кӱшӹл Совет Президиумын 1944 ишӹ 10 январьыштышы «Якшар Армин генерал, офицер, сержантский дӓ рядовой составлан Совет Союзын Геройжы званим пумы гишӓн» указшы доно «немецко-фашистский захватчиквлӓ доно кредӓлмӹ фронтышты командованин боевой заданижӹм яжон ӹштӹмӹ гишӓн дӓ тидӹн годым лӱддӹмӓш дон патыр ылмым анжыктымы гишӓн» Ленин орден дон 6721 номерӓн «Шӧртньӹ Шӹдӹр» медальым кычыктымы доно^[1] Совет Союзын Геройжы кӱкшӹ званим нӓлӓш стойышеш шотлымы ылын^[3].

Одер ӓнгӹр сага кредӓлмӓштӹ пиш когон шушырген. 1947 ин тӹдӹ демобилизуялтын. Шачмы солаштыжы ӹлен, колхозышты, вара Савранский ГЭС-ӹштӹ пӓшӓм ӹштен. Педагогика училищӹштӹ тыменьӹн. Школышты военрукын, пакыла тымдышын пӓшӓм ӹштен^[1].

2006 ин колен, Полянецкое солашты таенӹт^[1].

Наградывлӓ

Отечественный вырсын I степенян кок орден, Якшар Шӹдӹр дӓ Славын III степенян орденвлӓ доно награждайымы ылын, икманяр медальжы ылын, ӹшке частьшын почётан салтакшы ылеш^[1].

Ӓшӹндӓрӹмӓш

Йошкар-Олан Машиностроительный заводын территориштӹжӹ Герой лӹмеш мемориальный хангам вӓрӓнгдӹмӹ.
Одессӹштӹ Театральный площадьышты мемориалеш Герой-землякын лӹмжӹм сирӹмӹ.
Лӹмжӹм Ленинградский областьын Луга халаштышы 9 гвардейский артиллерийский бригадын (в/ч 02561) лӹм спискӹш пыртымы.

Примечани

↑ ¹ ² ³ ⁴ ⁵ Терентий Филиппович Мороз (руш.). Сайт «Герои страны».
↑ Когда танки противника создали панику в нашей пехоте, сержант Терентий Мороз увлек бойцов за собой и отбил контратаку (неопр.). www.marpravda.ru. Тергӹмӹ кечӹ: 11 апрельӹн 2020. Архивируйымы 11 апрельӹн 2020 года.
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьын (№ 3 (263)). — С. 1.

Литература

Мороз Т. Ф. // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — С. 112. — 863 с. — 100 000 экз. — ISBN 5-203-00536-2.
Лелюшенко Д. Д. Москва-Сталинград-Берлин-Прага. — М.: Наука, 1987.
Подвиг во имя жизни: Очерки о Героях Советского Союза, уроженцах Одесской области. / Сост.: Абрамов А. Ф., Бульба А. И. — Одеса: Маяк, 1984. — С. 210—213.
Педагогічний Олімп Одещини. — Одесса, 2008.

[wh-1] ¹ ² ³ ⁴ ⁵ Терентий Филиппович Мороз (руш.). Сайт «Герои страны».

[2] Когда танки противника создали панику в нашей пехоте, сержант Терентий Мороз увлек бойцов за собой и отбил контратаку (неопр.). www.marpravda.ru. Тергӹмӹ кечӹ: 11 апрельӹн 2020. Архивируйымы 11 апрельӹн 2020 года.

[3] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьын (№ 3 (263)). — С. 1.

[1]

[2]

[3]