Митюк, Игнатий Трофимович

Игнатий Трофимович Митюк
Шачмы кечӹ	январь 1883
Шачмы вӓр	Пӹнгель Парнингӓш, Цикмӓ уезд, Азан губерни[d], Российский импери[d]
Колымы кечӹ	июль 1939 (56 и)
Колымы вӓр	СССР[d]
Пӓшӓн типшӹ	тымдышы, редактор, писатель-документалист, просветитель

Игнатий Трофимович Митюк (1883, Йынгы Парнингӓш – 1937 ин репрессируйымы, 1939 ин тюрьмӓштӹ церлӓнен колен), халыкнам соты корнышкы лыкташ цацышы, педагог. Пӧртнырышты тыменьӹн дӓ тидӹм пӹтӓрӹдеок, Азаныштыш тымдышывлӓм йӓмдӹлӹшӹ семинарыш пырен. 1902-шы ин дипломым нӓлӹн. Астрахань губерништӹ Черноярск уездӹштӹ тӹмден. 1922-шы ин Митюкым Кырык мары педтехникумын вуйлатышеш шагалтенӹт. Ти техникум тӹнӓм Ӓвӓсирӹштӹ ылын. 1920-30-шы ивлӓн кырык марла тымдымаш материалвлӓн авторжы. Рушла гӹц кырык марла пулӓ сӓрен. 1930-шӹ ивлӓн Йоласал роном вуйлатен.