Мир вӹлнӹшӹ халыквлӓн блогер кечӹ
| Мир вӹлнӹшӹ халыквлӓн блогер кечӹ | |
|---|---|
 | |
| Тип | Профессиональный |
| Официально | International Weblogger’s Day |
| Ӹштӓлтӹн | 2004 |
| Пӓлемдӓт | и йӹде |
| Кечӹ | 14 июнь |
| Кӹлдӓлтӹн | блоггинг |
Мир вӹлнӹшӹ халыквлӓн блогер кечӹ (англ. International Weblogger’s Day, тенгеок InWeDay семӹнь пӓлӹмӹ) — и йӹде 14 июньын пӓлемдӹмӹ айо. Кечӹ цилӓ мирӹштӹшӹ интернет авторвлӓ лӹмеш ӹштӓлтӹн, тӹдӹ нӹнӹм ушаш, блогингӹм ӹшке шанымашым лыктын келесӹмӹ дӓ шамакым вашталтымы йӧн семӹнь виӓнгдӓш манын ӹштӹмӹ.
Професси гишӓн
Блогер — блогым видӹшӹ эдем, седок сирӹмӹжӹм публикуя, ӹшке шанымашыжы, опытшы дӓ пӓлӹмӓшӹжӹ доно йӓлӹм пӓлдӓрӓ. Блогым видӹмӓш хобби семӹнят, тенгеок профессиӓт лин кердеш.
Профессиональный блогервлӓ ӹшке блогышты доно сакой йӧнвлӓ палшымы доно оксам ӹштен кердӹт:
- Реклама: блогышты сакой реклама баннер дон контекстӓн рекламым вӓрӓнгдӹмӓш.
- Партнёр программывлӓ: вес компанивлӓн продуктыштым дӓ палшыкыштым виӓнгдӹмӓш гишӓн окса.
- Спонсор: спонсируйымы поствлӓм лыкмы гишӓн компани гӹц палшык.
- Ӹшке товар дон услугывлӓм выжалымаш: книгӓвлӓ, курсвлӓ, консультацивлӓ дӓ блогерӹн ӹштӹмӹ молы хӓдӹр. Шӹренок профессиональный блогервлӓн текствлӓм сирӹмӓштӹ, маркетингӹштӹ дӓ социальный кӹлвлӓм виктӓрӹмӓштӹ опытышты кого. Нӹнӹ аудитроим аздарышы дӓ кычышы контентӹм ӹштӓт, блогым анжымын статистикӹм ланзылат дӓ кого сӹнгӹмӓшӹш шоаш манын, ӹшке мыштымашыштым яжоэмден шалгат[1].
Истори
Мир вӹлнӹшӹ халыквлӓн блогер кечӹм ӹштӹмӓш 2004 ин блогинг дон занимайышы цилӓ эдемӹм цымыраш шанышы блогервлӓн тӹшкӓштӹ шачын. Анзыц 40 утла сӓндӓлӹк гӹц 500 нӓрӹ блогер тидӹн верц ылыныт, дӓ 2004 ин 14 июньын пӹтӓришӹ гӓнӓ Мир вӹлнӹшӹ халыквлӓн блогер кечӹм пӓлемденӹт[2]. 2007 ин ти шанымашым блогвлӓн вес хозавлӓӓт яжоэш шотленӹт, ӹшке страницешӹштӹ коллегывлӓштӹ доно келшӹмӹ гишӓн уверӹм сиренӹт[3].
Ти айон тӹнг шанымашыжы блогервлӓлӓн ӹшке пӓшӓ лӓктӹшӹштӹм анжыкташ, керӓл ядмашвлӓм кӓнгӓшӓш дӓ интернет-авторвлӓн глобальный тӹшкӓштӹ ылмыштым пӓлемдӓш манын лӹмӹн ик кечӹм ӹштӹмӓш ылын. Цельвлӓ лошты тенгеок: интернетӹм дӓ медиам виӓнгмӓштӹ блогервлӓн вкладыштым признаяш, у авторвлӓм блогвлӓм ӹштӓш дӓ мыштымашыштым виӓнгдӓш кымылангден шалгаш, блогервлӓн анжыктымы керӓл темывлӓлӓн вниманим айыраш.
Пӹтӓришӹ ин блогер кечӹм пӓлемдӹмӹкӹ, нӹнӹ ӹшке онлайн-дневниквлӓэшӹштӹ лӹмӹн поствлӓм лыктыныт, а юж халашты офлан-вӓшлимӓшвлӓм эртӓренӹт, тӹштӹ блогервлӓ пӓлӹмӹ лин дӓ ӹшке проектвлӓштӹм ланзылен кердӹнӹт[4].
2000 ивлӓ покшалны Мир вӹлнӹшӹ халыквлӓн блогер кечӹ блогосферӹштӹ кого событи лин. Ти кечӹн улы мир гӹц блогервлӓ ӹшке лӹмӹн поствлӓштӹм лыктыныт, ӹшке шанымашышты дӓ мыштымашышты доно пӓлӹмӹм ӹштенӹт, тенгеок сакой онлайн дӓ офлайн мероприятивлӓштӹ участвуенӹт.
Овуца
Ти кечӹн блогервлӓ икӹжӓк-иктӹштӹлӓн кымылангдышы шамаквлӓм сирӓт, яратымы канал дӓ ресурслвӓштӹм пӓлемдӓт, тенгеок аудитори дон интерактиввлӓм эртӓрӓт. Юж сӓндӓлӹкӹштӹ айо лӹмеш блогервлӓн офлайн вӓшлимӓшвлӓ эртӓрӓлтӹт, тӹштӹ контентӹм ӹштӹшӹвлӓ коллегывлӓштӹ доно пӓлӹмӹ лин кердӹт. Российӹштӹ тенгеок ти кечӹн и йӹде блогервлӓн «живой» вӓшлимӓшвлӓ эртӓрӓлтӹт.
Мир вӹлнӹшӹ халыквлӓн блогер кечӹ гӹц пасна мирӹштӹ эче Блог кечӹ улы (англ. Blog Day). Тӹдӹм 31 августын пӓлемдӓт[5].
Мир вӹлнӹшӹ халыквлӓн блогер кечӹм хоть-махань интернет-контентӹм ӹштӹшӹ пӓлемден кердеш, маняр подписчикшӹ улы ӓли блогын темыжы шотыш ак нӓлӓлтеп[6].
Тенгеок анжы
Примечани
- ↑ Международный день блогера. ast.ru (14 июньын 2023). Тергӹмӹ кечӹ: 29 майын 2024.
- ↑ «Международный день блогера» час общения. ФКУ «Цифровая культура» (14 июньын 2024). Тергӹмӹ кечӹ: 29 майын 2024.
- ↑ Международный день блогера. «Тюменская областная научная библиотека имени Дмитрия Ивановича Менделеева». Тергӹмӹ кечӹ: 29 майын 2024.
- ↑ Wayback Wednesday: International Webloggers Day 2004. Cosmic Observation. Тергӹмӹ кечӹ: 29 майын 2024.
- ↑ 14 июня отмечается Международный день блогера. Информационный портал «РЕВИЗОР.РУ» (14 июньын 2022). Тергӹмӹ кечӹ: 29 майын 2024.
- ↑ Международный день блогера в 2023 году — история и особенности праздника. «МИЦ «Известия» (13 июньын 2023). Тергӹмӹ кечӹ: 29 майын 2024.