Мигрантвлӓн международный кечӹ
Мигрантвлӓн международный кечӹ ( ООН-ын вес официальный йӹлмӹвлӓ доно: англ. International Migrants Day, араб. اليوم الدولي للمهاجرين, исп. Día International del Migrante, кит. 国际移民日, франц. la Journée internationale des migrants ) — ООН-н Генеральный Ассамблейӹн шанымашым пумыжы семӹнь (A/RES55/93 №-ӓн Резолюци), 2000-шӹ и гӹц тӹнгӓлӹн, и йӹде 18 декабрьын пӓлемдӓлтеш. Ти кечӹн ООН-н Генеральный Ассамблей Цилӓ труйӹшӹ мигрантӹн дӓ нӹнӹн семняшӹн праваштым перегӹмӹ гишӓн Международный конвенцим пыртен.
ООН-н Генеральный Ассамблейӹн резолюциштӹ ООН-ыш пырышы кугижӓншӹвлӓлӓн, правительственный дӓ правительственный агыл организацивлӓлӓн Мигрантвлӓн международный кечӹм, эдемвлӓн правашты дӓ мигрантвлӓн ирӹкӹштӹ гишӓн информацим кымдан шӓрӹмӹ негӹцеш, опыт дӓ нӹнӹм перегӹмӹ шотышты пӓшӓ доно вашталтмаш негӹцеш, пӓлемдӓш шанымашым пумы.
ООН-ын Генеральный секретарьжӹ Мигрантвлӓн кечӹ лӹмеш послаништӹжӹ цилӓ кугижӓншӹм мигрантвлӓн праваштым перегӹмӹ шотышты конвенциш ик гӓнӓ агыл ушнаш ӱжӹн. Тӹдӹ анжыктен: мировой экономика трудовой мигрантвлӓ гӹц утларак дӓ утларак шалга, мигрантвлӓн вкладышты гӹц пасна общество незер лин кердеш ыльы.