Меценат дон пурым ӹштӹшӹн кечӹ
| Меценат дон пурым ӹштӹшӹн кечӹ | |
|---|---|
 "Мастерская добрых дел" благотворительный проект — тетявлӓлӓн Тетя пӧртӹш колташ шанымы подаркавлӓм оформляйӹмӹ шотышты мастер-класс (Красноярск) | |
| Ӹштӹшӹ | Эрмитаж |
| Кечӹ | 13 апрель |
Меценат дон пурым ӹштӹшӹн кечӹ — Российӹштӹ и йӹде 13 апрельӹн пӓлемдӹмӹ айо[1][2].
Истори
Айон историжӹ Гая Цильний Меценатын шачмы кечӹжӹ доно кӹлдӓлтӹн (13 апрельӹн мӓмнӓн эра гӹц 70 и ирӹрӓк — мӓмнӓн эра гӹц 8 и ирӹрӓк) — пӓлӹмӹ римский аристократ, художник, артист, музыкантвлӓм перегӹшӹ.
Российӹштӹ Меценат дон пурым ӹштӹшӹн кечӹм первый гӓнӓ 2006 ин 13 апрельӹн пӓлемденӹт[3], хоть икшӹ акци 2005 ин эртен.
Пӓлемдӹмӓш
Айо, тӹнг шотышты, культура, наука, образовани, шулыкым перегӹмӓш сферӹвлӓштӹ благотворительный проектвлӓм анжыктымаш доно эртӓ. Мероприяти пиш шукы тӹрлӹ благотворительный инициатива доно эртӓ — формат донат, тематика шотыштат, масштаб монгырымат[4][5]. Кугижӓншӹ деятельвлӓ благотворительный организацивлӓм айо доно кымылангдат[6]. Ты кечӹн утларак кымдан шӓрлӹшӹ мероприятиэш подарымаш акци, социальный дӓ благотворительный проектвлӓн презентаци, подарышывлӓм мактымаш шотлалтыт.
Овуца семӹнь музейвлӓ ӹшкӹмӹштӹн пурым ӹштӹшӹвлӓлӓн таум ӹштӓт[7][8].
Эрмитаж
Айон тӹнг мероприятижӹ Санкт-Петербургышты «Эрмитаж» музейӹштӹ эртӓ. Тьеполон «Меценат Августлан у ирӹкӓн искусствым анжыкта» картин сага культурный дӓ социальный проектлӓн вим, жепӹм дӓ оксам ӹжӓлӓйӹде пушывлӓм мактат.
Ти вӓшлиймӓшӹм Эрмитаж ӹшкеок, Санкт-Петербург правительствын культура шотышты комитетшӹ, «Руш меценат» социальный партнёрствын альманахын редакцижӹ эртӓрӓт. Эрмитаж директор Михаил Пиотровский айолан кокшы, официальный агыл лӹмӹм пуэн — «Таун кечӹ». Тидӹн доно тӹдӹ анжыкта: Российӹштӹ закон гӹц меценат пӓшӓлӓн палшык ак ситӹ годым мӓмнӓн власть дӓ общество пурым ӹштӹшвлӓлӓн хоть таум ӹштӓш тыменьшӓш ылыт.
Тенгеок анжы
Примечани
- ↑ Дарья Елина. День мецената и благотворителя-2024: дата, история и суть праздника. ДОБРО.ЖУРНАЛ (12 апрельӹн 2024). Дата обращения: 12 апрельӹн 2024.
- ↑ Роман Илющенко. От Гая Цильния до наших дней. МВД Медиа (15 апрельӹн 2022). Дата обращения: 12 апрельӹн 2024.
- ↑ Ольга Фетисова. В России отмечается День мецената и благотворителя. Информационное агентство Взгляд-инфо (13 апрельӹн 2022).
- ↑ В тамбовском Доме малютки отметили День благотворителя. Тамбовское областное государственное бюджетное учреждение «Телевизионная и радиовещательная компания «Тамбовская губерния» (12 апрельӹн 2024). Дата обращения: 12 апрельӹн 2024.
- ↑ Марина Хорошевская. В Норильске по инициативе фонда «Наш Норильск» отметили День мецената. Медиакомпания «Северный город» (14 апрельӹн 2022). Дата обращения: 12 апрельӹн 2024.
- ↑ Сергей Собянин поздравил москвичей с Днем мецената и благотворителя. Официальный портал Мэра и Правительства Москвы (13 апрельӹн 2021). Дата обращения: 12 апрельӹн 2024.
- ↑ 13 апреля в России отмечается день мецената и благотворителя. ФГБУК «Государственный историко-культурный музей-заповедник «Московский Кремль». Дата обращения: 12 апрельӹн 2024.
- ↑ 13 апреля в России отмечается День мецената и благотворителя. Государственный музей изобразительных искусств имени А.С. Пушкина (13 апрельӹн 2021). Дата обращения: 12 апрельӹн 2024.