Меркушев, Иван Иванович

Ирӹкӓн энциклопеди Википеди гӹц материал
РУВИКИ-штӹ техень фамили доно вес эдемвлӓ гишӓн статьявлӓ ылыт Меркушев.
Иван Иванович Меркушев
Иван Иванович Меркушев.jpg
Шачмы кечӹ 1923 и 23 июль(1923-07-23)
Шачмы вӓр Кӱшӹл Сенда сола, Мари-Турек район, Мары Эл
Колымы кечӹ 1999 и 26 ноябрь(1999-11-26) (76 и)
Колымы вӓр Алчевск хала, Луганский область
Пырымаш  СССР
Войскан йиш артиллери
Служымы жеп 1942—1977
Звани
Полковник
Кредӓлмӓш/вырсы Кого Отечественный вырсы
Награда дӓ преми
Герой Советского Союза
Орден Ленина Орден Отечественной войны I степени Орден Отечественной войны II степени Орден Красной Звезды
Медаль «За боевые заслуги» Медаль «За победу над Германией в Великой Отечественной войне 1941—1945 гг.» Медаль «За взятие Берлина» SU Medal For the Liberation of Warsaw ribbon.svg

Иван Иванович Меркушев (1923–1999) — Совет Армин полковникшӹ, Кого Отчественный вырсын салтакшы, Совет Союзын Геройжы (1945).

Ӹлӹмӓш корныжы

[тӧрлӓтӓш | вики-текстӹм тӧрлӓтӓш]

Иван Меркушев 1923 ин 23 июльын Кӱшӹл Сенда солаэш (кӹзӹт Мары Эл Республикӹн Мари-Турек районжы) шачын. Кӹдӓлӓш школым тымень пӹтӓрӹмӹкӹ, сола хозанлык техникумышты тыменьӹн. 1942 ин февральын Меркушев Пӓшӓзӹ-хресӓнь якшар Армиш служаш нӓлӹнӹт. 1943 ин тӹдӹ Краснодарский пулемётно-миномётный училищӹм тӹмень лӓктӹн. Тӹ инок август гӹц Кого Отечественный вырсын фронтыштыжы лин[1].

1945 ин апрельӹн когорак лейтенант Иван Меркушев 1-шӹ Белорусский фронтын 3-шы ударный армин 4-шӹ артиллерийский корпусын 5-шӹ артиллерийский дивизин 1-шӹ миномётный бригадын 106-шы миномётный полкын 120 миллиметрӓн миномёт дивизин командиржӹн обязанностьшым жеплӓн шоктен. Берлинӹм штурм доно нӓлмӹ годым айыртемӓлтӹн. 1945 и апрель мычашын «Шёнхаузен-Аллее» метро станци кымдыкышты Меркушевӹн тӹшлӹмӹ пунктшым тышман ӓрен нӓлӹн, тӹдӹ ӹшке вӓржӹм коден кеде, дивизионын действижӹм пакыла вуйлатен дӓ тенге тышманын тылжым ӹшке вӹкӹжӹ виктӓрӹктен[1].

СССР Кӱшӹл Совет Президиумын 1945 иӓш 31 маяш указшы доно «немецкий роалтышывлӓ доно кредӓлмӹ фронтышты командованин военный заданижӹм яжон шоктымы гишӓн дӓ тидӹн годым лӱддӹмӓшӹм дӓ героизмӹм анжыктымы гишӓн» когорак лейтенант Иван Меркушев Совет Союзын Геройжы званим, Ленин орден дӓ 6762 номерӓн «Шӧртньӹ Шӹдӹр» медальым нӓлӓш яралеш толшеш шотлымы ылын[1].

Вырсы пӹтӹмӹкӹ, Мерушев Совет Армиштӹ служен. 1956 ин тӹдӹ офицер составым яжоэмдӹмӓш шотышты курсым тымень лӓктӹн. 1977 ин Меркушев полковник звани доно запасыш колтымы ылын. Пӹтӓри Донецкӹштӹ, вара тӹ жепӹн Украинӹш пырышы Луганский областьын Алчевск халашты ӹлен дӓ пӓшӓм ӹштен. 1999 ин 26 ноябрьын колен, Алчевскеш тайымы ылын[1].

Тенгеок Отечественный вырсын 1-шӹ дӓ 2-шы степенян орден дӓ Якшар Шӹдӹр доно, икманяр медаль доно награждайымы ылын[1].

Ӓшӹндӓрӹмӓш

[тӧрлӓтӓш | вики-текстӹм тӧрлӓтӓш]
  • Меркушевӹм ӓшӹндӓрӹмӹ лӹмеш Российӹштӹшӹ военно-исторический общество тӹдӹн тыменьмӹ Мари-Турек районыштышы Мари-Билямор кӹдӓлӓш школ стенӓэш мемориальный хангам вӓрӓнгден.

Примечани

[тӧрлӓтӓш | вики-текстӹм тӧрлӓтӓш]
  1. ↑ 1 2 3 4 5 Иван Иванович Меркушев. Сайт «Герои страны».

Литература

[тӧрлӓтӓш | вики-текстӹм тӧрлӓтӓш]
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Меркушев Иван Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 539. — 872 с. — 3505 экз. — ISBN 978-5-94950-049-1.
  • Меркушев Иван Иванович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 149—153. — 374 с. — 500 экз. — ISBN 978-5-94950-070-5.
  • Колесников А. Ю. Меркушев Иван Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 279. — 606 с. — 1500 экз. — ISBN 978-5-905314-35-3.
«https://mrj.ruwiki.ru/w/index.php?title=Меркушев,_Иван_Иванович&oldid=176286» гӹц нӓлмӹ