Матросов, Александр Матвеевич

Ирӹкӓн энциклопеди Википеди гӹц материал
РУВИКИ-штӹ техень фамили доно вес эдемвлӓ гишӓн статьявлӓ ылыт Матросов.
Александр Матвеевич Матросов
Alexander Matveyevich Matrosov.jpg
Шачмы годшы лӹм руш. Александр Матвеевич Матросов
Шачмы кечӹ 5 февраль 1924(1924-02-05)[1]
Шачмы вӓр
Колымы кечӹ 27 февраль 1943(1943-02-27) (19 и)
Колымы вӓр
Пырымаш  СССР
Войскан йиш Пӓшӓзӹ-хресӓнь Якшар Арми[d]
Служымы жеп 1942—1943
Звани якшарармеец
Кредӓлмӓш/вырсы Кого Ӓтямӱлӓндӹ вырсы
Награда дӓ преми
Герой Советского Союза
Орден Ленина
Логотип РУВИКИ.Медиа Медиафайлы на РУВИКИ.Медиа

Александр Матвеевич Матросов (1924 и 5 февраль, Екатеринослав — 1943 и 27 февраль, Чернушки, Калинин область) — Совет Союзын Геройжы (1943 и 19 июнь), якшарармеец, Калинин фронтын 6-шы Сталин Сибирь добровольческий стрелковый корпусын И.В. Сталин лӹмӓн 91-шӹ пасна добровольческий бригадын генетрал М. Н. Герасимовын оперативный группын стрелок-автоматчикшӹ, ВЛКСМ член. 19 иӓш колен, немӹц ДЗОТ амбразурым ӹшке онгжы доно питӹрен, тенге ӹшке взводшын салтаквлӓлӓн тышманын тыл точкыжым темдӓлӓш йӧнӹм ӹштен. Тӹдӹн подвигшӹ гишӓн газетвлӓштӹ, журналвлӓштӹ, книгӓвлӓштӹ сиренӹт, киновлӓм анжыктенӹт, дӓ тӹдӹ руш йӹлмӹштӹ вашталтдымы шая сӓрӓлтӹш лин («Подвиг Александра Матросова» / «Александр Матросовын подвигшӹ», «Подвиг Матросова» / «Матросовын подвигшӹ»).

Ӹлӹмӓш корныжы

[тӧрлӓтӓш | вики-текстӹм тӧрлӓтӓш]

Официальный верси семӹнь, Александр Матвеевич Матросов 1924 ин 5 февральын Украина ССР-ӹн Екатеринослав губернин Екатеринослав халаэш шачын[2].

1942 и 30 сентябрь гӹц Краснохолмс пехота училищӹштӹ 5-шӹ ротын курсантшы семӹнь тыменяш тӹнгӓлӹн. 1942 ин ноябрьын комсомолыш пырен. 1942 ин декабрьын училищӹн курсантвлӓ доно иквӓреш тӹдӹм Астраханьыш (ӓль Астрахань областын Харабалиш) погымы пунктыш тыменяш колтенӹт.

1943 ин 18 январьын Чкалов (кӹзӹт Оренбург) областьын Платовка станци гӹц училищӹн курсантвлӓ доно иквӓреш доброволец семӹнь Калинин фронтыш тӓрвӓнен. 1943 и 12 февральын Матросов частьыш толын шон, И. В. Сталин лӹмӓн 91-шӹ пасна Сибирь доброволецвлӓн бригадын (варарак Калинин фронтын 56-шы гвардин стрелковый дивизин 254-шӹ гвардин стрелковый полк) 2-шы пасна стрелковый батальонышты (вес данныйвлӓ семӹнь, 3-шы батальонын 1-шӹ ротышты) служен, тӹдӹм групкомсоргеш айыренӹт дӓ взвод агитатореш шагалтенӹт. 1943 ин 15 февральын 18:00 цӓшӹн 91-шӹ бригада Земцы станци гӹц Локня хала монгырышкыла тӓрвӓнен.

Фронтышты

[тӧрлӓтӓш | вики-текстӹм тӧрлӓтӓш]

1943 и 25 февральын 91-шӹ бригада кок батальон дон Чёрное дӓ Брутово солавлӓ верц анзыкы кемӹ кредӓлмӓшвлӓм виден. 1943 ин 26 февральын 91-шӹ бригада 2-шы батальонын икманяр салтак вижӹ доно Чернушка Северная солан ирвец каштын сӓрнӹшӹлӓжӹ, Плетень (Северные) сола докы толын лӓктӹн, тӹдӹн задачыжы Чернушки дӓ Чёрная солавлӓм перегӹшӹ флангым рашкалтен, тышманым пӹтӓрӓш дӓ солавлӓм нӓлӓш ылын. Фронт гӹц Чернушкыш 4-шӹ батальон тӓрвӓнен. Маршым ӹштӹмӹ годым, тышманын тылжы батальоным кым лаштыкеш шӓлӓтен шуэн. Кого кредӓлмӓш паштек, батальон группывлӓ угӹц пижӹнӹт, тӹгодым батальон капитан Афанасьев шушырген. Тышман нигыцеӓт цӓкнӹде, икпоратка миномёт, артиллери дӓ нелӹ миномёт гӹц тылым виден шалген.

Подвиг

[тӧрлӓтӓш | вики-текстӹм тӧрлӓтӓш]

1943 ин 27 февральын 2-шы батальон Калинин область Локня сола лишнӹшӹ опорный пунктым атакуяш приказым нӓлӹн[lower-alpha 1]. Совет салтаквлӓ шӹргӹшкӹ пыренӹт дӓ, шӹргӹ тӹрӹшкӹ лӓкмӹкӹштӹ, тӧрӧк тышманын кого тыл лӹвӓкӹ попазенӹт — ДЗОТ-влӓштӹшӹ кым пулемёт сола лишкӹ пыраш корным питӹренӹт. Тыл точкывлӓм пӹзӹрӓлӓш кок эдемӓн штурмуйышы тӹшкӓвлӓм колтенӹт. Нӹнӹ фалангыштышы кок ДЗОТ-ым пӹтӓрен кердӹнӹт. Но ӹрдӹ ДЗОТ-ыштышы пулемёт Плетень сола анзылнышы лапатам цӓрнӹде лӱлӹн. Тӹдӹм нигыцеӓт пӹтӓрӓш лиде.

Тӹнӓм ДЗОТ монгырышкыла якшарармеецвлӓ Пётр Александрович Огурцов (1920-шы ин Саратов областьыштышы Балаково солаэш шачын) дӓ Александр Матросов авалянен кенӹт. ДЗОТ докы шомашты Огурцов нелӹн шушырген, дӓ Матросов операцим ӹшкетӹнок пӹтӓрӓш решен. Тӹдӹ фаланга монгыр гӹц амбразура докы миэн дӓ кок гранатым шуэн. Пулемёт шӹплӓнен. Но салтаквлӓ атакышкы тӓрвӓнӹмӹкӹ, ДЗОТ гӹц эчеӓт тылым пачыныт. Тӹнӓм Матросов кӹньӹлӹн, ДЗОТ докы кыргыжын дӓ ӹшке кӓпшӹ доно амбразурым питӹрен. Ӹшке ӹлӹмӓшӹжӹн ӓк доно подразделенин сӓр задачым ӹштӓш палшен.

Тышман тыл изиэиммӹкӹ, батальон тӧрӧк анзыкыла тӓрвӓнен. Плетень солам 4-шӹ батальонын фронтальный дӓ 2-шы батальонын фаланговый атака доно нӓлмӹ. Чернушка сола докы корны пачылтын, дӓ 13:00 цӓшӹн 4-шӹ батальонын вижӹ доно солам нӓлмӹ. Когорак лейтенант Пётр Ильич Волков, 91-шӹ пасна стрелковый бригадын политика отделӹн агитаторжы, А. Матросовын подвигшӹ гишӓн политика отделлӓн увертӓрен. Тӹдӹн докладыштыжы Матросов Калинин областьышты Локня районын Чернушки сола лишнӹ кредӓлмӓштӹ герой семӹнь колен манын пӓлемдӹмӹ ылын[3]. Кӹзӹт сола пӹтен, Плетень солан мӱлӓндӹжӹ Михайловск волостьыш пыра, а Чернушка солан — Псков областьын Локня районыштышы Самолуково волостьыш.

Чернушки сола донышы немӹц ДЗОТ, тӹдӹн амбразурыжым ӹшке кӓпшӹ доно Александр Матросов питӹрен

Подвигӹм ӓшӹндӓрӹмӓш

[тӧрлӓтӓш | вики-текстӹм тӧрлӓтӓш]

Пецӓтӹштӹ Матросовын подвигшӹ доно пӹтӓришӹ совет журналист Михаил Бубеннов пӓлдӓрен[4]. Совет сӹлнӹшаяшты Матросовын подвигшӹ патырын дӓ сӓр сӹрӹн, лӱддӹмӓшӹн дӓ Родиным яратымашын символжы лин.

Александр Матвеевич Матросовым сек анзыц Чернушки сола лишнӹ таенӹт ылын, а 1948 ин тӹдӹн пыракшым Великолукский областьын Великие Луки солаэш тайымы[lower-alpha 2].

Чернушки сола лишнӹ Александр Матросовым пӹтӓри тайымы вӓр

СССР-ӹн Кӱшӹл Кӓнгӓшӹн Президиумжын «Якшар Армин вуйлатышы дӓ рядовой составлан Совет Союз Герой лӹмӹм пумы гишӓн» 1943 и 19 июняш указшы доно «немӹц тышманвлӓ доно кредӓлмӹ фронтышты командовани пумы сӓр пӓшӓм яжон ӹштӹмӹ гишӓн дӓ тӹгодым ӹшкӹмжӹм патыр дӓ герой семӹнь анжыктымыжы гишӓн» Совет Союз Герой лӹмӹм колымыкыжы пуэнӹт[5][6].

Великие Луки халашты Александр Матросовын мыгилӓжӹ вӹлнӹшӹ памятник, 1954 ин 25 июльын пачылтын.

СССР Оборонын халык комиссариатын 1943 и 8 сентябряш 162 №-ӓн приказыштыжы сирӹмӹ: «Матросов тӓнгӹн кого подвигшӹ Якшар Армин цилӓ салтаклан сӓр сӹрӹн дӓ патырын примержӹ семӹнь лишӓшлык». Ти приказ донок 254-шӹ гвардин стрелковый полклан А. М. Матросовын лӹмӹм пумы, а тӹдӹ ӹшкежӹ курымеш ти полкын икшӹ ротын спискӹш пырталтан[7].

Александр Матросов часть спискӹш пырталтшы пӹтӓришӹ совет салтак лин.

Вес шанымашвлӓ

[тӧрлӓтӓш | вики-текстӹм тӧрлӓтӓш]

Разведротын молнамшы командиржӹ Л. И. Лазаревӹн шанымыжы семӹнь, Матросов гранатым шуаш манын шагалмыкыжы, тӹдӹн вӹкӹ пулемёт церот попазен, а шайылныжы ылшы салтаквлӓлӓн тидӹ ӹшке кӓпшӹ доно нӹнӹм тыл гӹцӹн питӹрӓш цацымашла чучын.

Сирӹзӹ-фронтовик Виктор Астафьев событим ужшывлӓн сирмӓшвлӓм ланзылымы негӹцеш техень иктешлӹмӓшӹм ӹштен: Матросов амбразура вӹкӹ кӱшӹцӹн вален, пулемётын кужы стволжым икмӓгӓлеш ӱлӹкӹлӓ ӓйӹнежӹ ылын, тӹ жепӹн полкшын салтаквлӓ атакыш тӓрванен шоктат ылын, но немӹцвлӓ стволым шыпшыл колтенӹт дӓ Матросовым пуштыныт[8]. Матросов доно иквӓреш немӹц ДЗОТ-ым пӹтӓрӓш цацышы Пётр Огурцов дӓ 4-шӹ батальонын военфелдшержӹ Галина Суднова тӓнгӹштӹн подвигшӹн официальный версим тӹрӹснек пингӹдемдӓт.

Башкир историк Айрат Багаутдинов совет сӓр частьвлӓн дӓ вермахтын немӹц пумагавлӓм шӹмлен, тӹдӹн результатшы семӹнь, Александр Матросов ӹшке подвигшӹм пӹтӓришӹ дӓ остатка кредӓлмӓшӹштӹжӹ 1943 ин 25 февральын ӹштен (27 февральын агыл). 93-шы немӹц пехота дивизин сӓр действивлӓн журналжы Чернушка (южная) солан кечӹвӓлвел-ирвелнӹ ирок немӹц оборона линим совет войскавлӓ эртӹмӹм пингӹдемдӓ. Александр Матросовын 2-шы стрелковый батальонжы 25 февральын йымын ирокок Чёрное сола гӹц 2 уштышеш йыдпелвел-ирвелнӹ немӹцвлӓн оборона линим кӹрӹн. Александр Матросовын подвигӹм ӹштӹмӹ вӓржӹм совет дӓ немӹц пумагавлӓ негӹцеш мон кердмӹ — Чернушка (южная) сола гӹц 1 уштыш дӓ 200 метреш ирвелнӹрӓк, ирвел шӹргӹ тӹрӹштӹ. Тӹдӹ немӹцвлӓн оборонын опорный пунктшын вӓрлӓнӹмӹ доно иктеш толеш[9].

Айрат Багаутдинов вермахтын пумагавлӓм шӹмлен дӓ пӹтӓришӹ Чернушка (южная) дӓ Чернушка (северная) солавлӓм 1943 и 27 февраль гӹц немӹцвлӓн 285-шӹ перегӹшӹ дивизин 113-шы перегӹшӹ полкын 3-шы батальонжын 11-шӹ ротыжы перегӹмӹм пингӹдемден, тӹдӹ Тиманын Тӹшкӓ кӹшкӓрӹштӹ кредӓлӹн, 93-шы пехота дивизин вулатымашты дӓ оперативный подчинеништӹжӹ ылын. 3-шы батальонын командиржӹ майор Теодор Ванке ылын. 11-шӹ рота командир — гауптман Роберт Стратман. 11-шӹ рота кӹшкӓрӹштӹ кок взвод ылын. Икшӹ взводшын командиржӹ обер-лейтенант Макс Доринг, а кокшыжын — лейтенант Макс Рабл ылын. Ти кок взвод гӹц иктӹжӹн личный составшы Чернушка сола донышы ДЗОТ-влӓштӹ ылын[9].

Техеньок подвигӹм ӹштӹшӹ эдемвлӓ

[тӧрлӓтӓш | вики-текстӹм тӧрлӓтӓш]

Вырсы жепӹн техеньок подвигӹм 400 утла эдем ӹштен[10]; шӹмлӹзӹ Н. Н. Смирновын 2000-шӹ иэш увержӹ семӹнь, тӹдӹ техень подвигӹм ӹштӹшӹ 402 салтак гишӓн пӓлен нӓлӹн[11].

Наградывлӓ

[тӧрлӓтӓш | вики-текстӹм тӧрлӓтӓш]
  • Совет Союзын Геройжы лӹм (колымыкыжы) — 1943 и 19 июньын пумы[12].
    • Ленин орден
    • «Шӧртньӹ Шӹдӹр» медаль

Ӓшӹндӓрӹмӓш

[тӧрлӓтӓш | вики-текстӹм тӧрлӓтӓш]
Алесандр Матросован почта конверт (1983)
Почта маркышты (СССР, 1944 и)
Почта маркышты (СССР, 1963 и)
Санкт-Петербургышты А. Матросов ӧлицӓштӹ мемориал анга
Александр Матросовын пӹтӓришӹ тайымы вӓржӹн схема

Вырсы ивлӓн «ТАСС окнявлӓ», «Комсомолец Александр Матросовын подвигшӹ» агитациӓн плакатвлӓм лыкмы.

  • Матросовын Великие Луки халаштышы мыгилӓштӹжӹ памятникӹм скульптор Е. В. Вучетич дӓ тӹнг архитектор В. А. Артамонов ӹштенӹт. Бронза скульптурын кӱкшӹцшӹ — 4,2 метр, гранит постаментшӹн — 4,32 метр. Негӹцшӹм полируйымы лабрадорит плитӓвлӓ гӹц ӹштӹмӹ. Памятникӹм 1954 ин 25 июльын пачмы. Геройын пыракшым тайымы площадым тӹдӹн лӹмеш лӹмдӹмӹ[13].
  • Петропавловск-Камчатский МПК-332 53129 сӓр частьын спискӹш пырталтын.
  • 1943 ин 8 сентябрьын 56-шы гварди стрелковый дивизин 254-шӹ гварди стрелковый полклан Матросовын лӹмжӹм пумы, тӹдӹ ӹшкежӹ курымеш ти частьын 1-шӹ ротын спискӹш пырталтын. Кого Ӓтямӱлӓндӹ вырсы пӹтӹмӹкӹ, полк Таллинӹш ванжен (92953 сӓр часть). 1994 ин Совет Союз Герой Александр Матросов лӹмӓн 254-шӹ гварди стрелковый полкым Смоленск областьыштышы Ельня халаш ваштымы дӓ 2000-шӹ и якте пӹтӓрӹмӹ. 2004 ин 23-шы февральын Нижний Новгородыштышы 3-шы мотострелковый дивизин 752-шы мотострелковый полкшылан Александр Матросов лӹмӓн 254-шӹ гварди мотострелковый полк лӹмӹм пуэнӹт, вара тӹдӹм 9-шӹ пасна мотострелковый бригадым ӹштенӹт (54046 сӓр часть), 2010 ин тӹдӹм пӹтӓренӹт. 2019 ин ӹштӹмӹ Вадывел сӓр округын гварди мотострелковый полклан 2020-шы ин «Александр Матросов лӹмӓн» почётан лӹмӹм пуэнӹт, тӹдӹм 254-шӹ гварди стрелковый полкын вашталтышыжы семӹнь увертӓрӹмӹ[14].
  • Александр Матросов колымы вӓреш мемориал комплексӹм ӹштӹмӹ.
  • Российӹн шукы халашты дӓ СНГ-н юж сӓндӓлӹкӹштӹ Александр Матросовын лӹм доно ӧлицӓвлӓм дӓ парквлӓм лӹмдӹмӹ. 2015 ин Александ Матросовын барельефшӹм Пионер-геройвлӓн Аллейӹштӹ шагалтенӹт (Ульяновск)[15].
  • Александр Матросовын лӹм доно Пассажирречтранс компанин пассажирвлӓм шыпштышы теплоходым лӹмденӹт, тӹдӹ Енисей мычкы Красноярск-Дудинка лиништӹ рейсвлӓм ӹштӓ. Александр Матросовын лӹм доно Ивановка солаштышы тетя пӧртӹм лӹмдӹмӹ (1960 и гӹц), тӹдӹ тӹштӹ 1937-1939 ивлӓн ӹлен[16].
  • 1978 и гӹц Ульяновск областьышты традици семӹнь Совет Союз Герой А. Матросов лӹмеш куштылгы атлетика кыргыжмаш эртӓ[17].
  • Совет Союз Герой А. Матросов лӹмӓн шулыкым цаткыдемдӹшӹ тетя лагерь (Охотничья станци)[18].
  • РСФСР министрвлӓн Кӓнгӓшӹн 1973 и 27-шӹ февраляш Пынзалтышыжы доно Александр Матросовын лӹмжӹм Ульяновск областьыштышы «Баратаевский» совхозлан пумы — Совет Союз Герой Александр Матросов лӹмӓн совхоз[19].
  • Александр Матросов лӹмӓн Комсомол славын музей (Великие Луки). Совет Союз Герой А. Матросовын мемориал музей (1960 ин Ивановка солашты пачылтын). Музейӹм Москвашты Поклонный кырыкышты сӓр дӓ пӓшӓ славын музейвлӓн спискӹш пыртымы[20]. 1958 ин 8 февральын Саша Матросов ӹлӹмӹ пӧртеш мемориал ангам пачмы (Ивановка сола)[16]. СССР почта 1944 дӓ 1963 ин почта маркывлӓм лыктын (фотовлӓм анжы). 1973 ин СССР-ӹн Кӹл министерствыжы ХМК-м лыктын, тӹштӹ «Совет Союз Герой Александр Матросовын подвигшӹ» скульптура анжыкталтын, Ульяновск область, Ивановка сола[21]. 1983 ин Александр Матросовын колымыжылан 40 и теммӹ лӹмеш художественный маркировкан почта конвертӹм лыкмы.

Памятниквлӓ

[тӧрлӓтӓш | вики-текстӹм тӧрлӓтӓш]

Александр Матросовлан памятниквлӓм техень хала дон солавлӓштӹ пачмы:

  • Анжеро-Суджинск;
  • Барнаул;
  • Великие Луки;
  • Днепропетровск (2023 ин 3-шы ӓль 4-шӹ январьын урыктымы);
  • Дюртюли;
  • Ишеевка — посёлкын ик паркыштыжы;
  • Ишимбай — А. Матросов лӹмеш Культура дӓ кӓнӹмӹ паркышты (памятникӹн кымшы версижӹ)[22];
  • Коряжма[23];
  • Краснодар — тӹдӹн лӹмжӹм намалшы 14-шӹ №-ӓн школышты;
  • Красноярск;
  • Курган — Матросов лӹмӓн молнамшы кинотеатр сага (кӹзӹт Toyota техцентр), памятник (1987 и, скульптор Г. П. Левицкая)[24];
  • Октябрьский — Нарышево посёлкышты Александр Матвеевич Матросовлан памятник, тӹдӹн лӹмжӹ доно халашты ӧлицӓм лӹмдӹмӹ;
  • Салават — Матросовын бюстшы (1961 и), скульптор — Л. Ю. Эйдлин;
  • Ленинград (кӹзӹт Санкт-Петербург) — Москваштышы Сӹнгӹмӓш паркышты дӓ Александ Матросов ӧлицӓштӹ;
  • Сибай;
  • Севастополь;
  • Стерлитамак;
  • Тольятти;
  • Ульяновск;
  • Ивановка (Ульяновск область);
  • Охотничья станци[18];
  • Баратаевка[25];
  • Высокий Колок сола поселени — стела (2016 и)[26];
  • Уфа — Ленин лӹмеш паркышты памятник (1951 и, скульптор — Л. Ю. Эйдлин[27]); Уфаштышы Юридический институт территориштӹ бюст; Сӹнгӹмӓш паркышты А. Матросовлан дӓ М. Губайдуллинлӓн мемориал (1980 и, скульпторвлӓ — Л. Кербель, Н. Любимов, Г. Лебедев);
  • Харьков: Харьковышты ик ӧлицӓм Александр Матросов лӹм доно лӹмдӹмӹ;
  • Галле (Саксония-Анхальт) — ГДР (1971 и, Матросовлан Уфаштышы памятникӹн копижӹ)[27];
  • Ӓштӹмӹ знак: Михайло-Коцюбинское[28];
  • Оренбург областьын Платовка сола — А. Матрсов лӹмӓн Платовка СОШ-ышты бюст (скульптор — Николай Игнатьевич Колесников).

Галерей

[тӧрлӓтӓш | вики-текстӹм тӧрлӓтӓш]
  • А. Матросовын бюстшы, Армавир, Краснодар край

    А. Матросовын бюстшы, Армавир, Краснодар край

  • А. Матросовлан памятник, Галле, Германи

    А. Матросовлан памятник, Галле, Германи

  • А. Матросовлан памятник, Днепропетровск, Украина

    А. Матросовлан памятник, Днепропетровск, Украина

  • А. Матросовын бюстшы, Дятковичи, Брянск область

    А. Матросовын бюстшы, Дятковичи, Брянск область

  • А. Матросовын бюстшы, Ельня, Смоленск область

    А. Матросовын бюстшы, Ельня, Смоленск область

  • А. Матросовлан памятник, Краснодар

    А. Матросовлан памятник, Краснодар

  • А. Матросовын бюстшы (Ш. Мухамедьянова), Кунакбаево, Башкортостан

    А. Матросовын бюстшы (Ш. Мухамедьянова), Кунакбаево, Башкортостан

  • А. Матросовын бюстшы, Резекне, Латви

    А. Матросовын бюстшы, Резекне, Латви

  • Салаватышты А. Матросовын бюстшы, Башкортостан

    Салаватышты А. Матросовын бюстшы, Башкортостан

  • А. Матросовлан памятник, Санкт-Петербург

    А. Матросовлан памятник, Санкт-Петербург

  • Санкт-Петербургышты А. Матросовлан памятник

    Санкт-Петербургышты А. Матросовлан памятник

  • Александр Матросовын барельефшӹ (Пионер-геройвлӓн аллей, Ульяновск)

    Александр Матросовын барельефшӹ (Пионер-геройвлӓн аллей, Ульяновск)

  • А. Матросовлан памятник, Ульяновск

    А. Матросовлан памятник, Ульяновск

  • А. Матросовлан памятник, Уфа

    А. Матросовлан памятник, Уфа

  • А. Матросовын бюстшы, Харьков, Украина

    А. Матросовын бюстшы, Харьков, Украина

Искусствышты

[тӧрлӓтӓш | вики-текстӹм тӧрлӓтӓш]

Фильмвлӓ[тӧрлӓтӓш | вики-текстӹм тӧрлӓтӓш]

Произведенивлӓ[тӧрлӓтӓш | вики-текстӹм тӧрлӓтӓш]

  • Анвер Бикчентаев. Колыдымашлан права. – М.: Советский писатель, 1950. – 288 с.
  • Багаутдинов Айрат Маратович, Багаутдинов Рушан Айратович. Александр Матросовын подвигшӹ: совет дӓ немӹц пумагавлӓн анализ. Монографи. Уфа. РИЦ БашГУ.2021. – 223 с. ISBN 978-5-7477-5317-4.
  • Биксентаев А. Г. Кучкыж чонгештӹмӓштӹ кола. – Уфа, 1966.
  • Журба П. «Александр Матросов»
  • Пантелеев «Гвардин рядовой»

Музыкышты[тӧрлӓтӓш | вики-текстӹм тӧрлӓтӓш]

  • Александр Матросов «Гражданская Оборона» группын «Ирӹк» («Свобода») мырыштыжы ӓшӹндӓрӓлтеш («И чему посмеивался Санька Матросов…»)

Примечани

[тӧрлӓтӓш | вики-текстӹм тӧрлӓтӓш]

Комментари[тӧрлӓтӓш | вики-текстӹм тӧрлӓтӓш]

  1. ↑ 1957 и 2 октябрь гӹц Чернушки сола Псков областьыш пыра
  2. ↑ 1957 и 2 октябрь гӹц Великие Луки хала Псков областьыш пыра

Источник[тӧрлӓтӓш | вики-текстӹм тӧрлӓтӓш]

  1. ↑ Aleksandr Matveyevich Matrosov // TracesOfWar
  2. ↑ Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  3. ↑ Семен Экштут, доктор философских наук. Километры и секунды Александра Матросова. Полная реконструкция подвига, совершенного 75 лет назад. Публикуется впервые.
  4. ↑ Память народа
  5. ↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 19 июня 1943 года // Ведомости Верховного Совета Союза Советских Социалистических Республик : газета. — 1943. — 23 июньын (№ 23 (229)). — С. 3.
  6. ↑ Наградной лист в электронном банке документов «Подвиг народа».
  7. ↑ О ПРИСВОЕНИИ 254-му ГВАРДЕЙСКОМУ СТРЕЛКОВОМУ ПОЛКУ ИМЕНИ АЛЕКСАНДРА МАТРОСОВА. Дата обращения: 14 июльын 2022. Архивировано 15 октябрьын 2019 года.
  8. ↑ Ужасная правда о войне без вымысла и мифов от писателя-фронтовика: Беседа В. Астафьева с кинорежиссёром Н. Михалковым. Дата обращения: 2 июньын 2019. Архивировано 9 ноябрьын 2018 года.
  9. ↑ 1 2 Багаутдинов, А. М. Подвиг Александра Матросова: анализ советских и немецких документов // Проблемы востоковедения : журнал. — 2021. — № 3 (93). — doi:10.24412/2223-0564-2021-3-15-23.
  10. ↑ «Герои Советского Союза» (По материалам книги: Иванов Г. Знаменитые и известные бежечане. В 3-х книгах. — М.: Вече, 2005.). Информационный сайт города Бежецк. Дата обращения: 8 январьын 2016. Архивировано 13 мартын 2010 года.
  11. ↑ Возможно, выйдет новая книга о героях. Об актах самопожертвования советских воинов в годы Великой Отечественной войны. // Военно-исторический журнал. — 2001. — № 3. — С.9.
  12. ↑ Наградной лист в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 30. Л. 228).
  13. ↑ Подвиг Александра Матросова.
  14. ↑ Единственному в ВС РФ гвардейскому мотострелковому полку ЗВО вернут почётное имя Александра Матросова и вручат и боевое знамя нового образца / mil.ru, 28 декабря 2019. Дата обращения: 29 декабрьын 2019. Архивировано 29 декабрьын 2019 года.
  15. ↑ В Ульяновске открыли Аллею пионеров-героев. Официальный сайт полномочного представителя Президента Российской Федерации в Приволжском федеральном округе. Дата обращения: 4 ноябрьын 2020. Архивировано 24 июньын 2020 года.
  16. ↑ 1 2 История детского дома - Ивановский детский дом. i-detdom.ru. Дата обращения: 8 октябрьын 2020. Архивировано 24 октябрьын 2020 года.
  17. ↑ Главная - Ивановский детский дом. i-detdom.ru. Дата обращения: 8 октябрьын 2020. Архивировано 14 октябрьын 2020 года.
  18. ↑ 1 2 О лагере. www.lagermatrosova.ru. Дата обращения: 8 октябрьын 2020. Архивировано 15 октябрьын 2020 года.
  19. ↑ Ульяновская правда, 27.2.1973 г. Совхозу - имя героя.
  20. ↑ История детского дома - Ивановский детский дом. i-detdom.ru. Дата обращения: 8 октябрьын 2020. Архивировано 24 октябрьын 2020 года.
  21. ↑ с.Ивановка СКУЛЬПТУРА МАТРОСОВА 1973 ХМК КТ9 конверт Ульяновск.область. meshok.net. Дата обращения: 8 октябрьын 2020.
  22. ↑ Никулочкин, Д. В. Хранители истории Ишимбая : ч. VI-II // Подметки+ : газ. / ред. Г. Р. Ямалова. — Ишимбай : РИК «Аспект», 2018. — № 20 (16 май). — С. 2. — ISSN 2220-8348.
  23. ↑ Коряжма. Памятники Архивный копи от 26 сентябрьын 2016 на Wayback Machine.
  24. ↑ Фотография памятника Александру Матросову в Кургане Архивный копи от 22 июньын 2015 на Wayback Machine.
  25. ↑ 2GIS Captcha. captcha.2gis.ru. Дата обращения: 11 октябрьын 2020.
  26. ↑ В Ульяновской области открыли памятный знак Александру Матросову. 1ul.ru. Дата обращения: 11 октябрьын 2020. Архивировано 17 октябрьын 2020 года.
  27. ↑ 1 2 Изобразительное искусство. Дата обращения: 12 январьын 2013. Архивировано 25 октябрьын 2012 года.
  28. ↑ Информация о памятнике. Дата обращения: 24 апрельӹн 2013. Архивировано 24 июльын 2013 года.

Литература

[тӧрлӓтӓш | вики-текстӹм тӧрлӓтӓш]
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Золотые звёзды Оренбуржья: биографический справочник / В. П. Россовский; ред. Е. А. Урбанович; рец. У. А. Батыров, Н. М. Румянцев. — изд. 2-е, перераб. и доп. — Оренбург: ИПК «Южный Урал», 2005. — С. 382—383. — 595 с. — ISBN 5-94461-009-3.
  • Оренбуржцы — Герои Советского Союза: библиографический указатель / Библиогр. отд.; сост. Н. А. Кузнецова. — 1. — Оренбург: Областная научная библиотека имени Н. К. Крупской, 1987. — С. 81—82. — 155 с.
  • Бикчентаев А. Г. Орёл умирает на лету. — Уфа : Башкирское книжное издательство, 1966. — 262 с. — 100 000 экз.
  • Бондаренко-Снитин О. Правда и вымысел // Ватандаш : журнал. — 2005. — № 2. — С. 107—112. — ISSN 1683-3554.
  • Бо­ри­сов Н. Бро­сок в бес­смер­тие // Жи­вая па­мять: Ве­ли­кая Оте­че­ст­вен­ная: прав­да о вой­не. М., 1995. Т. 1.
  • Вклад за­клю­чен­ных ГУЛага в по­бе­ду в Ве­ли­кой Оте­че­ст­вен­ной вой­не // Новая и новейшая история. 1996. № 5.
  • Коваленко А. П., Сгибнев А. А. Бессмертные подвиги. — М.: Воениздат, 1980. — 351 с.
  • Ко­ва­лен­ко А. П. Прав­да о Мат­ро­со­ве и мат­ро­сов­цах. М., 1994
  • 2194579 / Колганов А. М. // Маниковский — Меотида [Электронный ресурс]. — 2011. — С. 382. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 19). — ISBN 978-5-85270-353-8.
  • Легостаев И. Т. Бросок в бессмертие: к 40-летию подвига А. Матросова / предисл. И. С. Медникова. — 2-е изд., перераб. — М.: Молодая гвардия, 1983. — 111 с. — (Герои комсомола).
  • Имя с первой полосы. — М., 1985. — С. 540—548.
  • Молодые герои Великой Отечественной войны. — М., 1970. — С. 141—153.
  • Славные сыны Башкирии. — Уфа, 1965. — Т. 1. — С. 19—28.
  • Шкадаревич И. И. Подвиг Матросова. — М.: Воениздат, 1961. — 104 с.
  • Шкадаревич И. И. Бессмертный подвиг Александра Матросова. — М.: Просвещение, 1973. — 192 с.
  • Матросов, Александр Матвеевич // Золотые Звёзды : Книга о дважды Героях и Героях Советского Союза, уроженцах Днепропетровщины / сост. Н. С. Головин, В. Н. Петрищева ; при участии Ф. А. Матюшко, А. И. Посаднев ; ред. М. А. Штейн. — Днепропетровск : Промiнь, 1967. — С. 245—247. — 432 с. — (Герои Советского Союза).
  • Матросов, Александр Матвеевич // И генерал, и рядовой… : Очерки о Героях Советского Союза, уроженцах Днепропетровской области / Н. И. Воробьёв, С. А. Герасименко, В. Л. Головко и др. ; сост. А. Ф. Снитко ; ред. Г. В. Николенко, К. К. Чернышев. — Днепропетровск : Промiнь, 1983. — С. 313—317. — 567 с. — (Герои Советского Союза). — ББК 63.3(2Ук)722.78.
«https://mrj.ruwiki.ru/w/index.php?title=Матросов,_Александр_Матвеевич&oldid=178851» гӹц нӓлмӹ