Матвеев, Владимир Николаевич

РУВИКИ-штӹ техень фамили доно вес эдемвлӓ гишӓн статьявлӓ ылыт Матвеев.

Владимир Николаевич Матвеев
Шачмы кечӹ	1946 и 13 июнь(1946-06-13)
Шачмы вӓр	Грозный[d], РСФСР[d], СССР[d]
Колымы кечӹ	2023 и 21 январь(2023-01-21) (76 и)
Пырымаш	СССР,  Россий
Войскан йиш	СССР-ын Военно-воздушный силажы[d]
Служымы жеп	1963—1971
Звани	Капитан (воинский звани)[d]
Награда дӓ преми
Отставкышты	А. Н. Туполев лӹмӓн ОКБ-ын лётчик-испытатель

Владимир Николаевич Матвеев (1946 и 13 июнь, Грозный, РСФСР, СССР — 2023 и 21 январь) — советӹштӹшӹ дӓ российӹштӹшӹ лётчик-испытатель, Россий Федерацин Геройжы.

Ӹлӹмӓш корныжы

1946 ин 13 июньын Грозный халашты шачын. Руш. 1958 и гӹц Йошкар-Олашты ӹлен. 1961–1963 ивлӓн Йошкар-Олаштышы аэроклубышты планерный спорт доно кӹлӹм кычен.

1963 и август гӹц армиштӹ. 1967 ин Оренбургский кӱшӹл авиаци училищӹм тымень пӹтӓрен, тӹштӹ лётчик-инструктор семӹнь кодын. 1971 и сентябрь гӹц капитан В. Н. Матвеев запасышты. 1973 ин Лётчик-испытательвлӓн школым тымень лӓктӹн, 1975 ин — Москваштышы авиаци институтым.

1973—1999-шӹ ивлӓн А. Н. Туполев лӹмӓн ОКБ-шты чонгештӹлмӹ-тергӹмӹ пӓшӓм шоктен. Ту-160 икшӹ серийный сверхзвуковой стратегический бомбардировщикӹм дӓ Ту-204 икшӹ серийный пассажирский самолётым пӹлгомыш лӱктӓлӹн дӓ тергӹмӓшӹм эртӓрен. Ту-22М3 сверхзвуковой бомбардировщикӹм, Ту-134 дӓ Ту-154 реактивный пассажирский самолётвлӓм, Ту-144 сверхзвуковой пассажирский самолётым тергӹмӓштӹ участвуен. 1990 ин Ту-160 самолётышты кокшы пилот семӹнь скорость шотышты цилӓ сӓндӓлӹк мычкы 9 авиационный рекордым ӹштен.

Московский областьышты Жуковский халашты ӹлен. Совет Союзын Геройвлӓн, Россий Федерацин Геройвлӓн дӓ Слава орденӹн цилӓ кавалерӹн Москваштышы клубышты председательӹн вашталтышыжы семӹнь пӓшӓм ӹштен.

Владимир Николаевич Матвеев 2023 ин 21 январьын колен.

Награда дӓ званивлӓ

• Россий Федерацин Геройжы (РФ Президентӹн 1996 ин 23 августын лыкмы указшы), у авиаци техникӹм ланзылен тергӹмӓштӹ лӱддӹмӓшӹм дӓ героизмӹм анжыктымы гишӓн.
• СССР-ын заслуженный лётчик-испытательжӹ
• «Почёт Знак» орден, медальвлӓ

Примечани

Литература

• Афанасьев П. П., Русланов В. И. Выпускники Московского авиационного института (К 80-летию МАИ). Москва: МАИ-принт, 2009. — 100 с. илл. ISBN 978-5-7035-2106-9.