Марков, Никифор Николаевич

Никифор Николаевич Марков
Никифор Николаевич Марков
Шачмы кечӹ	10 март 1916
Шачмы вӓр	Чуваш Отар[d], Воскресенск волость[d], Чебоксар уезд[d], Азан губерни[d], Российский импери[d];
Колымы кечӹ	11 август 1997 (81 и)
Колымы вӓр	Наро-Фоминск[d], Москва область[d], Россий;
Пырымаш	СССР
Звани	изирӓк сержант
Кредӓлмӓш/вырсы	Кого Отечественный вырсы

Кого Отечественный вырсы жепӹштӹшӹ фотографи

Никифор Николаевич Марков (1916–1997) — Кого Отечественный вырсын салтакшы, Совет Союзын Геройжы, Степной фронтын 46-шы армин 236-шы стрелковый дивизин 496-шы пасна разведротын разведчикшӹ, изирӓк сержант.

Ӹлӹмӓш корныжы

1916 ин 10 мартын Чуваш Отар солаэш, кӹзӹт Мары Эл Республикӹн Звенигово районжы, хресӓнь семняэш шачын. Суасламары.

5 классым, ФЗУ школым дӓ Вӹд транспортын инженервлӓн Горьковский институт (кӹзӹт ВГУВТ) сагашы рабфакын 2 курсшым тымень пӹтӓрен. Йылышты матросын пӓшӓм ӹштен, пакыла Мары АССР-ын хала сӹнӓн Звенигово посёлкышты «Якшарь Волгарь» судным тӧрлӹшӹ заводын качмы вӓрӹштӹжӹ калькулятор семӹнь пӓшӓлен.

Якшар Армиштӹ 1939 и гӹц. Кого Отечественный вырсын фронтыштыжы — 1942 и январь гӹц. 1945 и гӹц КПСС/ВКП(б) членжӹ ылын.

496-шы пасна разведротын разведчикшӹ, изирӓк сержант Никифор Марков 1943 ин 26 сентябрь йӹдеш Украинӹн Днепропетровский областьшын Верхнеднепровский районын Сошиновка сола кымдыкышты разведчиквлӓн тӹшкӓ доно иквӓреш Днепр ӓнгӹрӹм ванжен. Плацдарм гишӓн кредӓлмӓштӹ сарзӹ разведчик кӓндӓкш тышман салтакым, ик офицерӹм пӹтӓрен, пулемётым роалтен нӓлӹн.

1943 ишток кредӓлмӓшвлӓ логӹц иктӹштӹ Н. Н. Марков нелӹн шушырген. Тилец вара тӹдӹлӓн кужы жеп лицӓлтӓш келеш ылын. 1944 ин, госпиталь гӹц лӓкмӹкӹ, лӱддӹмӹ разведчикӹм демобилизуенӹт.

Татарин тӹнг халаштыжы — Азан халашты ӹлен дӓ пӓшӓм ӹштен, а 1952 и гӹц — Москваштышы областьышты Наро-Фоминскӹштӹ. Заслуженный кӓнӹшӹш лӓкмӹ анзыц Наро-Фоминскӹштӹшӹ парсын комбинатышты пӓшӓлен.

1997 ин 11 августын колен.

Наградывлӓ

СССР Кӱшӹл Советын Президиумын указшы доно немецко-фашистский роалтышывлӓ доно кредӓлмӹ фронтышты командованин боевой заданижӹм яжон шоктымы гишӓн дӓ тенгеок лӱддӹмӓшӹм, героизмӹм анжыктымы гишӓн, изирӓк сержант Марков Никифор Николаевичлӓн Совет Союзын Геройжы званим пумы дӓ Ленин орден дон «Шӧртньӹ Шӹдӹр» медальым кычыктымы.
Отечественный вырсын 1-шӹ степенян дӓ Якшар Шӹдӹр орденвлӓ, медальвлӓ доно награждайымы ылын.

Примечани

Литература

Марков Никифор Николаевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 527. — 872 с. — 3505 экз. — ISBN 978-5-94950-049-1.
Марков Никифор Николаевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 145—146. — 374 с. — 500 экз. — ISBN 978-5-94950-070-5.
Мочаев В. А. Марков Никифор Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 272. — 606 с. — 1500 экз. — ISBN 978-5-905314-35-3.

Ссылкывлӓ

Никифор Николаевич Марков (руш.). Сайт «Герои страны».