Логинов, Михаил Николаевич

Ирӹкӓн энциклопеди Википеди гӹц материал
РУВИКИ-штӹ техень фамили доно вес эдемвлӓ гишӓн статьявлӓ ылыт Логинов.
Михаил Николаевич Логинов
Михаил Николаевич Логинов.jpg
Шачмы кечӹ 1921 и 15 ноябрь(1921-11-15)
Шачмы вӓр Кузнецово сола, Мары автономный область, РСФСР
Колымы кечӹ 1982 и 23 январь(1982-01-23) (60 и)
Колымы вӓр Йошкар-Ола, Мары АССР, СССР
Пырымаш  СССР
Войскан йиш авиаци
Служымы жеп 1941—1975
Звани Прапорщик ВВС СССР
Часть 139-шӹ стрелковый дивизи
Кредӓлмӓш/вырсы Кого Отечественный вырсы
Награда дӓ преми
Герой Советского Союза — 1945
Орден Ленина Орден Отечественной войны II степени Орден Отечественной войны II степени Орден Красной Звезды
Орден Славы III степени Медаль «За боевые заслуги» Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» Медаль «За победу над Германией в Великой Отечественной войне 1941—1945 гг.»
SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg SU Medal Veteran of the Armed Forces of the USSR ribbon.svg SU Medal 40 Years of the Armed Forces of the USSR ribbon.svg
SU Medal 50 Years of the Armed Forces of the USSR ribbon.svg SU Medal 60 Years of the Armed Forces of the USSR ribbon.svg Медаль «За безупречную службу» 1-й степени Медаль «За безупречную службу» 2-й степени

Михаил Николаевич Логинов (1921 15 ноябрь, Кузнецово сола, Мары автономный область, РСФСР, кӹзӹт Россий Федерацин Мары Эл Республикӹн Медведево район — 1982 23 январь, Йошкар-Ола) — Кого Отечественный вырсын салтакшы, 2-шы Белорусский фронтын 50-шӹ армиштӹшӹ 139-шӹ стрелковый дивизин 162-шы пасна разведка ротын отделенижӹн командир, сержант, Совет Союзын Геройжы (1945). СССР-ын Кӱшӹл Советӹн 2-шы созывын депутатшы (1946-1950).

Ӹлӹмӓш корныжы

Хресӓнь семняэш шачын. Руш ылеш. Кӹдӓлӓш образованижӹ пӹтӓрӹдӹмӹ ылеш. Йошкар-Олаштышы МТС-шты тракторист семӹнь пӓшӓм ӹштен.

1941 и апрель гӹц Якшар Армиштӹ.

1941 ий июль гӹц Кого Отечественный вырсын салтакшы лин, Вадывел фронтышты кредӓлӹн, а 1944 и 21 февраль гӹц Белорусский фронтышты кредӓлмӹжӹ годым кым гӓнӓ шушырген.

1944 ин мартын Белорусский наступательный операци годым 2-шы Белорусский фронтын 50-шӹ армиштӹшӹ 139-шӹ стрелковый дивизин 162-шы пасна разведка ротын отделенижӹн командир, изирӓк сержант Логинов, разведгруппа доно командуен, 3 немец салтакым пленӹш нӓлӹн дӓ шергӓкӓн документвлӓм роалтен, ти операциштӹ тӹдӹ пиш нелӹн шушырген. Якшар Шӹдӹр орден доно награждайымы ылын[1] (139-шӹ стрелковый дивизин 24.07.1944 лыкмы 024/Н №-ӓн указшы семӹнь).

1944 ин 26 июнь гӹц 18 июль якте 2-шы Белорусский фронтын 50-шӹ армиштӹшӹ 139-шӹ стрелковый дивизин 162-шы пасна разведка ротын отделенижӹн командир, сержант Логинов ӹшке отделенижӹ доно тӹшлен кӹчӓлмӹ годым тӹнг пленнӹйӹм нӓлӹн, 9 немец салтакым пуштын, тышманын кок пулемёт точкыжым пӹтӓрен, Неман ӓнгӹр гач ванжен дӓ тышманын вӓржӹм, шотшым тӹшлен нӓлӹн. Техень боевой айыртем гишӓн III степенян Славан орден доно награждайымы ылын[2] (139-шӹ стрелковый дивизин 06.11.1944 лыкмы 040/Н №-ӓн указшы). Тидӹ жепӹшток Логинов подвигӹм ӹштен, седӹндоно Геройын Шӧртньӹ Шӹдӹржӹм нӓлӹн.

1944 ин 15 июльын сержант Логинов 139-шӹ стрелковый дивизин нелӹ кредӓлмӓш доно Ковшово сола кымдыкышты Неман ӓнгӹр докы кемӹжӹ годым (кӹзӹ Мостовский район, Гродненский область, Белорусси), тышманын виӓн пулемётно-артиллерийский тыл лӹвӓлнӹ разведрота гӹц пӹтӓришӹ кок сапёр доно иквӓреш коаш вӓрӹм тӹшлӓш кеен. Тышман салтаквлӓн вӓрлӓнӹмӹ островыш толын лӓкмӹкӹ, Логинов тӓнгвлӓ доно иквӓреш автомат доно лӱӓш тӹнгӓлӹн. Тидӹм ужын, тышман ваштареш сир гӹц лӱддӹмӹ разведчиквлӓм кым пулемёт гӹц лӱэн. Тӹнӓм Логинов дон тӹдӹн салтакшывлӓ оружи доно вӹд гач тышманын пулемёт вӹкӹ шынгалтыныт, тенге куд немец салтак ӹшкӹмӹштӹн пулемёт точкыштым шуэн коден, шайыкыла цӓкнен. 139-шӹ стрелковый дивизин командованижӹ Логиновлан Совет Союзын Геройжы званим пуаш представляйен[3].

1944 ин 17 ноябрьын 139-шӹ стрелковый дивизин 162-шы пасна разведротын отделенижӹн командиржӹ, сержант Логинов разведчиквлӓн тӹшкӓ доно иквӓреш Нарев ӓнгӹр гач ванжен, тышманын пулемёт точкыжы докы авалянен лишемӹн, тӹшкӹ гранатывлӓм кышкен, тидӹн годым 5 немец салтакым пӓтӓрен дӓ «йӹлмӹм» нӓлӹн, ти гишӓн 70-шы стрелковый корпусын 10.12.1944 ишӹ 60/Н-шы №-ӓн указшы семӹнь II степенян Отечественный вырсын орден доно награждайымы ылын[4].

1944 ин 30 ноябрьын разведтӹшкӓн когоракшы семӹнь сержант Логинов ӹшке салтакшывлӓ доно угӹц Нарев гач ванжен. Яжон йӓмдӹлӹмӹ схема семӹнь действуен, угӹц тышманын боевой перегӹмӓшӹш гранатым кӹшкен, 4 немец салтакым пулемёт доно пӹтӓрен, тӹнг пленнӹйӹм, шергӓкӓн документвлӓм роалтен, тидӹ гишӓн Якшар Знамя орденӹм нӓлӓш представляйӹмӹ ылын[5]. Ти шанымашым 139-шӹ стрелковый дивизин дӓ 70-шы стрелковый корпусын командованивлӓ яжоэш шотленӹт, но 49-шӹ армин 23.12.1944 лыкмы 0157/Н №-ӓн указшы семӹнь Логинов угӹц II степенян Кого Отечественный вырсын орден доно награждайымы ылын.

1944 и мычашты ВКП(б) пырен.

1945 ин 24 мартын СССР Кӱшӹл Совет Президиумын указшы семӹнь немецко-фашистский захватчиквлӓ доно кредӓлмӹ дӓ тидӹн годым лӱддӹмӓшӹм дӓ героизмӹм анжыктымы гишӓн сержант Логинов Михаил Николаевичлан Совет Союзын Геройжы званим пумы дӓ Ленин орден дон «Шӧртньӹ Шӹдӹр» медальым кычыктымы.

Вырсы паштек шачмы кымдемӹшкӹжӹ пӧртӹлӹн. «МАО-лан 15 и» промартель председательӹн вашталтышыжы семӹнь цацен, СССР-ын Кӱшӹл Советӹн 2 созывын депутатшы лин. Вара угӹц военный службышты шалген. Данилово авиагарнизонышты (Йошкар-Ола Мары АССР) 20-шы пасна радиотехнический батальонын перегӹшы взводшын командиржӹ семӹнь служен[6].

1975 и июль гӹц 156-шы аэродромно-технический обслуживанин пасна батальонын прапорщикшӹ (в/ч 31557) Логинов запасыш лӓктӹн[7].

Ӹлен дӓ пӓшӓлен Йошкар-Олашты.

1982 ин 23 январьын колен, Йошкар-Олашты тайымы ылын.

Наградывлӓ

  • Совет Союзын Геройжын «Шӧртньӹ Шӹдӹр» медаль (1945 и 24 март);
  • Ленин орден (1945 и 24 март);
  • Отечественный вырсын II степенян кок орден (10.12.1944, 23.12.1944);
  • Якшар Шӹдӹр орден (24.07.1944);
  • III степенян Славан орден (06.11.1944).
  • Медальвлӓ:
    • «Боевой заслугывлӓ гишӓн»;
    • «Владимир Ильич Ленинӹн шачмыжылан 100 и теммӹ лӹмеш воинский доблесть гишӓн»;
    • «1941–1945 ивлӓштӹшӹ Кого Отечественный вырсышты Германим сӹнгӹмӹ гишӓн»;
    • «1941–1945-шӹ ивлӓштӹшӹ Кого Отечественный вырсышты Сӹнгӹмӓшлӓн коклы и»;
    • «1941–1945-шӹ ивлӓштӹшӹ Кого Отечественный вырсышты Сӹнгӹмӓшлӓн кымлы и»;
    • ««СССР Вооружённый Вин ветеранжы»;
    • «СССР Вооружённый Вилӓн 40 и»;
    • «СССР Вооружённый Вилӓн 50 и»;
    • «СССР Вооружённый Вилӓн 60 и»;
    • I степенян «Яжо служба гишӓн»;
    • II степенян «Яжо служба гишӓн».

Ӓшӹндӓрӹмӓш

  • М. Н. Логиновын лӹмжӹм Кузнецово кӹдӓлӓш школ намалеш, школ сага Геройын бюстшым вӓрӓнгдӹмӹ[8].
  • М. Н. Логиновын лӹмжӹ доно Мары Эл Республикӹн Медведево посёлкын районыштышы центрӹштӹ ӧлицӓм лӹмдӹмӹ.
  • Логиновым ӓшӹндӓрен, Российӹштӹшӹ военно-исторический общество Медведево районын Кузнецово кӹдӓлӓш школын стенӓэш, кышты тӹдӹ тыменьӹн, мемориальный хангам вӓрӓнгден.

Примечани

  1. ↑ Сайт Подвиг народа — Наградной лист1 на Логинова М. Н. Тергӹмӹ кечӹ: 29 апрельӹн 2022. Архивируйымы 11 сентябрьын 2018 года.
  2. ↑ Сайт Подвиг народа — Наградной лист2 на Логинова М. Н. Тергӹмӹ кечӹ: 29 апрельӹн 2022. Архивируйымы 11 сентябрьын 2018 года.
  3. ↑ Сайт Подвиг народа — Наградной лист3 на Логинова М. Н. Тергӹмӹ кечӹ: 29 апрельӹн 2022. Архивируйымы 11 сентябрьын 2018 года.
  4. ↑ Сайт Подвиг народа — Наградной лист4 на Логинова М. Н. Тергӹмӹ кечӹ: 29 апрельӹн 2022. Архивируйымы 11 сентябрьын 2018 года.
  5. ↑ Сайт Подвиг народа — Наградной лист5 на Логинова М. Н. Тергӹмӹ кечӹ: 29 апрельӹн 2022. Архивируйымы 11 сентябрьын 2018 года.
  6. ↑ Военная безопасность России: Монография Архивный копи от 5 февральын 2015 на Wayback Machine.
  7. ↑ Части обеспечения и обслуживания полка — 156 ОБАТО и 1254 ОБСРТО Архивный копи от 15 майын 2015 на Wayback Machine.
  8. ↑ Официальный сайт МОУ «Кузнецовская СОШ» Архивный копи от 22 сентябрьын 2013 на Wayback Machine.

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Логинов Михаил Николаевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 490. — 872 с. — 3505 экз. — ISBN 978-5-94950-049-1.
  • Логинов Михаил Николаевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 139—140. — 374 с. — 500 экз. — ISBN 978-5-94950-070-5.}
  • Мочаев В. А. Логинов Михаил Николаевич} // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 257. — 606 с. — 1500 экз. — ISBN 978-5-905314-35-3.

Ссылкывлӓ

«https://mrj.ruwiki.ru/w/index.php?title=Логинов,_Михаил_Николаевич&oldid=311604» гӹц нӓлмӹ