Леухин, Никанор Андреевич

Ирӹкӓн энциклопеди Википеди гӹц материал
РУВИКИ-штӹ техень фамили доно вес эдемвлӓ гишӓн статьявлӓ ылыт Леухин.
Леухин Никанор Андреевич
Леухин, Никанор Андреевич.jpg
Шачмы кечӹ 1918 и 22 июль(1918-07-22)
Шачмы вӓр Антоново сола, У Торъял район, РСФСР
Колымы кечӹ 1944 и 18 июнь(1944-06-18) (25 и)
Колымы вӓр Язвин сола, кӹзӹт Светлогорский район, Гомельский область, Беларусь
Пырымаш Флаг СССР СССР
Войскан йиш артиллери
Служымы жеп 1939—1944
Звани Гвардин сержант
Кредӓлмӓш/вырсы Кого Отечественный вырсы
Награда дӓ преми
Герой Советского Союза
Орден Ленина Орден Красной Звезды

Леухин Никанор Андреевич 1918—1944 — Кого Отечественный вырсын салтакшы, Тӹнг фронтын 60-шы армин 30-шы стрелковый корпусын 75-шӹ гвардейский стрелковый дивизин 241-шӹ гвардейский стрелковый полкшын 76-мм орудиӓн батарейӹн командиржӹ, гвардин сержантшы, Совет Союзын Геройжы (1943).

Ӹлӹмӓш корныжы

1918 ин 4 августын Мары Эл Республикӹн У Торъял районыштышы Масканур сельсоветӹш пырышы Тоски солаэш шачын (кӹзӹт Сернур район), кым иӓш годымжы семняжӹ доно иквӓреш Алтайыш ванжен[1], (Ӱлӹл Ненинка сола, Солотонский район). 1921 и гӹц Алтайышты[2][3][4][5][6]). Кӱшӹл Ненинка солашты ӹлен, колхозышты, сельпошты, вара Кемеровский областьыштышы киндӹ заводышты пӓшӓлен.

1939 ин октябрьын Якшар Армиш нӓлӹнӹт.

Кого Отечественный вырсын фронтыштыжы 1943 и март гӹц, 75-шӹ гвардейский стрелковый дивизин 241-ше гвардейский стрелковый полкын 76-мм орудиӓн артиллерийский батарейӹн командиржӹ.

Поныри районыштышы Ольховатка солашты кешӹ Курск кредӓлмӓштӹ участвуен, анзыц немецвлӓн наступленим цӓктӓрен, а вара Орловский наступательный операциштӹ тышманым шин шӓлӓтен дӓ паштек поктен. Курский дугашты кредӓлмӹжӹ гишӓн, боевой заданим яжон шоктымы гишӓн дӓ тидӹн годым мужеством дӓ героизмӹм анжыктымы гишӓн Леухин Н. А. Якшар Шӹдӹр орден доно награждайымы ылын[7].

Гвардин сержант Леухин Н. А. Киев дорц йыдпелвелнӹрӓк Днепр ангӹрӹм пӹсӹн ванжымы годым, 1943 ин шӹжӹм Глебовка дон Ясногородка солавлӓ кымдыкышты (Киевский областьын Вышгородский районжы) Днепр ӓнгӹрӹн вургымла сирӹштӹ плацдармым роалтен нӓлмӹ дӓ тӹдӹм переген кодымы годым осовын айыртемӓлтӹн. Полкын командиржӹ, гвардин подполковникшӹ Бударин Н. П. награждайымы листӹштӹ сирен[8]:

«24.9.43 ин йыдым Днепр ӓнгӹрӹн шалахай сержӹ докы кредӓлӹн лишемӹн, орудим Днепрӹн вургымла сирӹшкӹжӹ вашташ сек пӹтӓришӹ ӹшке вуя решен. 2 преням кӹлден, пушкым частьын-частьын пыжен, кок цӓш йыд жепӹштӹ, виӓн артиллерийский дон миномёт тыл лӹвӓлнӹ, ӹшке ӹлӹмӓш гишӓн шаныде, орудим дӓ, маняр келеш, тӹнӓр боеприпасым ваштен.

Вадывел сирӹш ванжышы стрелковый подразделенивлӓм салтак дӓ техника шот доно когон анзылтышы тышман контратака доно вӓшлин ылын. Леухин тӓнг орудижӹм виш вӓрӹш лыктын, виӓш наводка доно тышманын 1 танкшым дӓ ӹшке каштшы пушкыжым лӱэн колтен, кого контратака цӓктӓрӹмӹ ылын, тидӹн годым тышманын пехотыжы рота якте пӹтен.»

СССР Кӱшӹл Советӹн Президиумын 1943 ишӹ 17 октябряш указшы семӹнь Киев дорц йыдпелвелнӹрӓк Днепр ангӹрӹм яжон ванжымы гишӓн, Днепр ӓнгӹрӹн вадывел сирӹштӹжӹ плацдармым цаткыдын пингӹдемдӹмӹ гишӓн дӓ тидӹн годым мужеством дӓ героизмӹм анжыктымы гишӓн гвардин сержант Никанор Андреевич Леухинлан Совет Союзын Геройжы званим пумы дӓ Ленин орден дон «Шӧртньӹ Шӹдӹр» медальым кычыктымо[9].

Леухин Н. А. Украинӹм, вара Белорусский ССР-ым ытарымашты участвуен. 75-шӹ гвардейский стрелковый дивизин пӧртӹлтӓш лидӹмӹ ямшы салтаквлӓн спискӹштӹ 1944 ин 18 июньын противоипритный ярыш доно отравлялт колен[10]. Пӹтӓри Паричский районыштышы Язвин солаэш[11] (кӹзӹт Светлогорский) таенӹт. Варарак Гомельский областьыштышы Паричи посёлкыштышы ӹзӓ-шоля шӹгерӹш угӹц таенӹт[12].

Наградывлӓ

  • Совет Союзын Геройжы ---- №-ӓн «Шӧртньӹ Шӹдӹр» медаль (1943 и 17 октябрь)
  • Ленин орден
  • Якшар Шӹдӹр орден

Ӓшӹндӓрӹмӓш

  • Светлогорск халашты дӓ Светлогорский районын Паричи посёлкышты, тенгеок Алтай кымдемӹн Ельцовкий районын Ельцовка солаштат Геройын лӹмжӹ доно ӧлицӓвлӓм лӹмдӹмӹ[13].
  • Тӹдӹн лӹмжӹм Барнаул халашты Слава мемориалеш курымеш сирӹмӹ[14].

Примечани

  1. ↑ Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  2. ↑ Герои Советского Союза Лебедев, Бастраков, Громов, Загайнов, Леухин Архивный копи от 28 октябрьын 2013 на Wayback Machine.
  3. ↑ Деревня Антоново // Новоторъяльский район. — Йошкар-Ола, 2005. — С. 112—113. — 304 с. — (История сёл и деревень Республики Марий Эл). — 1500 экз. — ISBN 5-87898-297-8.
  4. ↑ Энциклопедия Республики Марий Эл, 2009, с. 484.
  5. ↑ Мочаев, 2017, с. 353.
  6. ↑ История Марийского края в лицах, 2015, с. 136.
  7. ↑ Приказ 75-й гвардейской стрелковой дивизии № 16-н от 15.7.1943 года.
  8. ↑ ЦАМО, ф. 33, оп. 793756, д. 27, запись 150018798, стр. 508.
  9. ↑ ЦАМО, ф. 33, оп. 682525, д. 48, запись 12057300.
  10. ↑ Информация из списка безвозвратных потерь.
  11. ↑ Леухин Никанор Андреевич Архивный копи от 24 декабрьын 2014 на Wayback Machine.
  12. ↑ Паричи. Справочно-информационный портал г. п. Паричи. Реквием Архивный копи от 24 сентябрьын 2015 на Wayback Machine.
  13. ↑ Реферат по Истории Алтайского края Архивный копи от 4 мартын 2016 на Wayback Machine.
  14. ↑ AMIC.RU: Информационное агентство «АМИТЕЛ» Архивный копи от 24 декабрьын 2014 на Wayback Machine.

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — 607 с. — 65 000 экз.
  • Днепр — река героев. — 2-е изд., доп. — Киев: Изд. полит. лит Украины, 1988. — ISBN 5-319-00085-5.
  • Леухин Никанор Андреевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 484. — 872 с. — 3505 экз. — ISBN 978-5-94950-049-1.
  • Леухин Никанор Андреевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 136—138. — 374 с. — 500 экз. — ISBN 978-5-94950-070-5.
  • Сергеев М. Т., Мочаев В. А. Леухин Никанор Андреевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 253. — 606 с. — 1500 экз. — ISBN 978-5-905314-35-3.

Ссылкывлӓ

«https://mrj.ruwiki.ru/w/index.php?title=Леухин,_Никанор_Андреевич&oldid=309444» гӹц нӓлмӹ