Лебедев, Михаил Васильевич
| Лебедев Михаил Васильевич | ||||
|---|---|---|---|---|
 | ||||
| Шачмы кечӹ | 1921 и 10 октябрь | |||
| Шачмы вӓр | Немда-Обалыш сола, Мары автономный область, РСФСР | |||
| Колымы кечӹ | 1945 и 2 январь (23 и) | |||
| Колымы вӓр | Польша | |||
| Пырымаш |
 СССР |
|||
| Звани |
Лейтенант  |
|||
| Кредӓлмӓш/вырсы | Кого Отечественный вырсы | |||
| Награда дӓ преми |
|
|||
Михаил Васильевич Лебедев (1921, 10 октябрь — 1945, 2 январь) — Кого Отечественный вырсын участникшӹ, Совет Союзын Геройжы.
Ӹлӹмӓш корныжы
РСФСР-ын Мары автономный областьышты, Сернур кантонышты, Немда-Обалыш солашты 1921 ин 7 октябрьын шачын.
У Торъял педагогический училищӹм 1939 ин тымень лӓктӹн. РОНО инспекторын пӓшӓм ӹштен, 1940 ин комсомольский путёвка дене Забайкальеш кеен (5-шӹ стройпоезд, Монголин мӱлӓндӹштӹ пӓшӓлен).
1941 ин апрельӹн Чита областьыштышы Борзянский ГВК РККА-шкы нӓлӹн. Кого Отечественный вырсым Шяуляйӹштӹ (Литва) вӓшлин ылын. Южы данныйвлӓ семӹнь Тӹнг командованин Резервӹн 1-шӹ гвардейский истребительно-противотанковый артиллерийский полкышты (Вадывел дӓ йыдпелвел-Вадывел фронтвлӓ) лин. 1942 и мычашты Днепропетровский артиллерийский училищӹм (Томскышты вӓрлӓнен) тымень лӓктӹн.
78-шӹ гвардейский стрелковый дивизин, 158-шӹ гвардейский артиллерийский полкын 8 батарейӹн управленин взвод командиржӹ, гварди лейтенант Михаил Лебедев 1943 ин сентябрьын Днепр гишӓн кредӓлмӓштӹ айыртемӓлтӹн. 26 сентябрьын тӹдӹ штурмуйышы тӹшкӓ доно Днепрӹм Домоткань сола кымдыкышты (Кӱшӹлднепровский район, Днепропетровский область) форсируен. Плацдарм гишӓн кредӓлмӓштӹ пехота рӓдӹштӹ лин, тышманын лӱӓлтшӹ вӓржӹм раскыдемден, ӹшке батарейӹн лӱлмӓшӹм мыштен виктӓрен, тидӹн доно плацдармым перегӓш дӓ полкын подразделенивлӓм ӓнгӹр гач ванжаш йӧнӹм ӹштен. Икманяр гӓнӓ шушырген, но кредӓлмӹ нырым кодыде.
Тӹдӹ Бессараби, Румыни, Польша мӱлӓндӹ доно кредӓлӹн эртен. Михаил Васильевич Лебедев Сандомиров плацдармышты нелӹн шушыргымыжы паштек 1945 ин 2 январьын, госпитальышты колен. Польшышты, Мелец халан тӹнг площадьышты тайымы.
Наградывлӓ
- СССР Кӱшӹл Советӹн Президиумын 1943 ишӹ 26 октябрьыштышы Указшы семӹнь лӱддӹмӓшӹм, доблестьӹм дӓ героизмӹм анжыктымыжы гишӓн М. В. Лебедевлӓн Совет Союзын Геройжы званим пумы.
- Ленин орден, 1-шӹ степенян Отечественный вырсын орден, медальвлӓ.
Ӓшӹндӓрӹмӓш
- Герой лӹмеш мемориальный хангавлӓм Йошкар-Олашты, Немда-Обалыш солаштышы школын дӓ У Торъял хала сӹнӓн посёлкын молнамшы педагогический училищӹн стенӓвлӓэш вӓрӓнгдӹмӹ.
- Лебедевӹн лӹмжӹ доно Йошкар-Олашты дӓ У Торъялышты ӧлицӓвлӓм лӹмдӹмӹ.
- Шачмы Немда школ тенгеок Геройын лӹмжӹм намалеш[1], 1976 ин школышты М. В. Лебедевӹн музейжӹм пачмы.
- М. В. Лебедевӹн ӹлӹмӓшӹжӹ дӓ боевой подвигшӹ гишӓн мары писатель-фронтовик, Мары АССР-н заслуженный культура пӓшӓзӹ Б. Г. Данилов «Миша-артиллерист» документальный повестьӹм сирен (1968).
Примечани
- ↑ Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 майын 1967). Тергӹмӹ кечӹ: 18 апрельӹн 2019. Архивировано из оригинала 17 апрельӹн 2019 года.
Литература
- Лебедев Михаил Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 210. — 2032 экз. — ISBN 5-87898-357-0.
- Лебедев Михаил Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 478. — 872 с. — 3505 экз. — ISBN 978-5-94950-049-1.
- Лебедев Михаил Васильевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 131—133. — 374 с. — 500 экз. — ISBN 978-5-94950-070-5.
Ссылкывлӓ
- Игорь Сердюков. Лебедев Михаил Васильевич (руш.). Сайт «Герои страны». Тергӹмӹ кечӹ: 18 мартын 2015.
- Герои Советского Союза — Михаил Васильевич Лебедев.