Краснов, Зосим Алексеевич

Зосим Алексеевич Краснов
Зосим Алексеевич Краснов
Шачмы кечӹ	1924 и 2 август
Шачмы вӓр	Кутюк-Кинер сола, Моркинский район, Мары Эл
Колымы кечӹ	1984 и 5 октябрь (60 и)
Колымы вӓр	Донецкыште, Ростов область
Пырымаш	СССР
Войскан йиш	пехота
Служымы жеп	1942—1945
Звани
Кредӓлмӓш/вырсы	Кого Отечественный вырсы

Зосим Алексеевич Краснов (1924 и 2 август, Моркинский кантон — 1984 и 5 октябрь, Донецк, Ростов область) — Пӓшӓзӹ-хресӓньӹк Якшар Армин старшина, Кого Отечественный вырсын участникшӹ, Совет Союзын Геройжы (1945).

Ӹлӹмӓш корныжы

Зосим Краснов 1924 ин 2 августын Кутюк-Кинер солаэш шачын (кӹзӹт — Мары Элӹн Моркинский район). Тӹнгӓлтӹш школым тымень пӹтӓрӹмӹкӹжӹ, колхозышты пӓшӓлен. 1942 ин августын Пӓшӓзӹ-хресӓньӹк Якшар армиш служаш нӓлӹнӹт. Тӹ инок декабрь гӹц — Кого Отечественный вырсын фронтвлӓштӹ. Ленинградым блокадым кӹрмӓштӹ дӓ тӹдӹм карангдымашты ылын. Кок гӓнӓ нелӹн шушырген. Варарак Эстони ССР дон Польшым ытарымашты ылын. 1945 и январеш якшарармеец Зосим Краснов 1-шӹ Украин фронтын 21-шӹ армин 120-шы стрелковый дивизин 543-шы стрелковый полкын снайпержӹ ылын. Польшым ытарымашты айыртемӓлтӹн^[1].

1945 ин 19 январьын бойышты Краснов тышманын 3 салтакым пӹтӓрен. 1945 ин 21 январьын, ӹшке взводшы доно окружениш попазымыкы, тӹдӹ тышманын пулемётный расчётым дӓ 14 нарӹ салтакым пӹтӓрен, тидӹжӹ окружени гӹц лӓктӓш йӧнӹм ӹштен. Оппель верц бойвлӓштӹ Краснов тенгеок ик гӓнӓ агыл айыртемӓлтӹн, паштекшӹ салтаквлӓм атакын нӓнген. Краснов пакыла анзык эртӹмӹ жепӹн Одер гач ванжен дӓ вадывел сиреш тышманын 4 салтакым пӹтӓрен^[1].

СССР Кӱшӹл Советӹн Президиумын 1945 и 10 апреляш «Висло-Одерский операциштӹ лӱддӹмӓшӹм дӓ патыр ылмыжым анжыктымы гишӓн» Указ доно якшарармеец Зосим Краснов Советский Союз Герой кӱшӹл званим нӓлӹн дӓ тӹдӹлӓн Ленин Орден дон 6031 номерӓн «Шӧртньӹ шӹдӹр» медальым кычыктенӹт^[1].

Вырсы пӹтӹмӹкӹ, старшина звани доно Красновым демобилизуенӹт. Ростовский областьышты Донецк халашты ӹлен дӓ пӓшӓлен, 1984 ин 5 октябрьын колен^[1].

Тенгеок икманяр медальым кычыктенӹт^[1].

Донецкышты Краснов лӹмеш ӧлицӓм лӹмденӹт дӓ Моркиштӹ бюстым шагалтенӹт^[1].

Примечани

↑ ¹ ² ³ ⁴ ⁵ ⁶ Зосим Алексеевич Краснов (руш.). Сайт «Герои страны».

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Наши Герои. — 2-е изд., перераб. и доп. — Йошкар-Ола, 1985.
Краснов Зосим Алексеевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 454. — 872 с. — 3505 экз. — ISBN 978-5-94950-049-1.
Краснов Зосим Алексеевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 118—119. — 374 с. — 500 экз. — ISBN 978-5-94950-070-5.
Мочаев В. А. Краснов Зосим Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 224. — 606 с. — 1500 экз. — ISBN 978-5-905314-35-3.

[wh-1] ¹ ² ³ ⁴ ⁵ ⁶ Зосим Алексеевич Краснов (руш.). Сайт «Герои страны».

[1]