Красилов, Алексей Александрович

Алексей Александрович Красилов
Алексей Александрович Красилов
Шачмы кечӹ	22 март 1929
Шачмы вӓр	Яран уезд[d], Угарман область[d], РСФСР[d], СССР[d];
Колымы кечӹ	1 август 1992 (63 и)
Колымы вӓр	Йошкар-Ола, Мары АССР[d], Россий;
Сӓндӓлӹк	СССР[d]; Россий;
Пӓшӓн типшӹ	фрезеровщик

Алексей Александрович Красилов (1929-шӹ и 22-шы март, Яран уезд, Угарман область — 1992-шы и 1-шӹ август, Йошкар-Ола, Мары ССР) — советский оборона промышленностьын анзыц кешӹ эдемжӹ, СССР радиопромышленность министерствын Мары машиностроительный заводшын фрезеровщикшӹ (Йошкар-Ола), Социалистический Пӓшӓ Герой (1971).

Ӹлӹмӓш корныжы

1929-шӹ ин Изи Юхтунур солашты шачын^{[К 1]}. Кӹдӓлӓш школын 7 классшым тымень пӹтӓрен.

1947-шӹ и гӹц 297-шӹ №-ӓн Мары машиностроительный заводышты фрезеровщикеш пӓшӓм ӹштӓш тӹнгӓлӹн. Активный новатор дӓ рационализатор, 10 авторский свидетельствӹжӹ дӓ ӹшкӹмжӹн тӹшлӹк клемӓжӹ ылын.

СССР-ӹн Верховный Советшӹн Президиумжын 1971-шӹ иӓш 26-шы апреляш питӹрӹмӹ Указшы доно Алексей Александрович Красиловлан вӹциӓш планым ӹштен шоктымашты дӓ у техникӹм ӹштӹмӓштӹ кого заслугыжылан Социалистический Пӓшӓ Герой лӹмӹм пумы, Ленин орден дон «Сарла дон Молот» медальым кычыктымы.

1985-шӹ гӹц 1990-шы и якте Мары АССР-ын Верховный Советшӹн депутатшы ылын.

1991-шӹ ин сылен нӓлмӹ кӓнӹшӹш лӓктӹн.

Остатка ивлӓн Йошкар-Олашты ӹлен. 1992-шы ин 1-шӹ августын колен.

Награда дон лӹмвлӓ

«Сарла дон Молот» шӧртньӹ шӹдӹр (26.04.1971)
Ленин орден (26.04.1971)
вес медальвлӓ
Йошкар-Олан почётан гражданинжӹ

Ӓшӹндӓрӹмӓш

Мары машиностроительный заводын здаништӹжӹ Суворов ӧлицӓ, 15-шӹ пӧрт адрес доно ӓшӹндӓрӹмӓш хангам сӓкӹмӹ.

Ынгылдарымаш

↑ Яран уездӹн Яран волостьышкыжы пырышы Изи Юхтунур сола вара Салобеляк районын Березники сола советӹшкӹжӹ пырен; перегӓлт кодде, кӹзӹт Кировский областьыштышы Яран районын территорижӹ^[1].

Примечани

↑ IvanS. Малый Юхтунур (руш.). Родная Вятка (16 майын 2015). Тергӹмӹ кечӹ: 19 сентябрьын 2019. Архивируйымы 14 июньын 2021 года.

Ссылкывлӓ

Алексей Александрович Красилов (руш.). Сайт «Герои страны».

[2] Яран уездӹн Яран волостьышкыжы пырышы Изи Юхтунур сола вара Салобеляк районын Березники сола советӹшкӹжӹ пырен; перегӓлт кодде, кӹзӹт Кировский областьыштышы Яран районын территорижӹ^[1].

[1] IvanS. Малый Юхтунур (руш.). Родная Вятка (16 майын 2015). Тергӹмӹ кечӹ: 19 сентябрьын 2019. Архивируйымы 14 июньын 2021 года.

[К 1]

[1]