Конфетӹн цилӓ сӓндӓлӹк лошты кечӹжӹ
| Конфетӹн цилӓ сӓндӓлӹк лошты кечӹжӹ | |
|---|---|
 | |
| Ӹштӓлтӹн | 2009 |
| Кечӹ | 18 октябрь |
Конфетӹн цилӓ сӓндӓлӹк лошты кечӹжӹ — тидӹ кондитерский производствым дӓ конфетӹн историжӹм макташ ӱжшӹ халыкын шанымашыжы ылеш[1]. Эртäрӹмӹ кечӹ — 18 октябрь[2]. И йӹде эртäрäлтеш.
Конфетӹн цилӓ сӓндӓлӹк лошты кечӹжӹ Интернетӹн руш йӹлмäн сегментӹштӹжӹ веле пäлäт.
Истори
Айом предлагайышылан Конфетӹн международный ассоциацижӹ шотлалтеш. Истори 2009 ин тӹнгäлӹн[3].
Ассоциацин сек тотлы, мӱäн индустри гишäн шайышташ веле агыл, махань улы ядмашвлäмäт кäнгäшäш кымылжы лӓктӹн.
Техень шанымашат улы: тидӹ кечӹ американский Sweetest Day (Сек мӱäн кечӹ) доно кӹлдäлтӹн, тӹдӹ октябрьын сакой кечӹнжӹ пäлемдäлтеш. США-н айожым мӱäн качкышым ӹштен лыкшывлä пуры пäшäм (благотворительностьым) ӹштäш манын шанен лыктыныт — нӹнӹ ӹшке товарыштым тылык, незер тетявлäлäн, шонгывлӓн пӧртӹш пуэденӹт[4].
США дон Великобритаништӹ Конфетӹн национальный кечӹжӹм (National Candy Day) 4 ноябрьын празднуят[5].
Мероприятивлӓ
Овуца доно келшен, ти кечӹн планетӹн сакой лыкыштыжы яратымы качкыш лӹмеш фестиваль, флешмоб, карнавал, тематический выставка дӓ мастарлык классвлӓ эртӓрӓлтӹт. Подарка шотеш конфет мешäкӹм кычыктат.
Российӹштӹ
Айо Российӹн сакой лыкыштыжы пäлемдäлтеш. Тетя садышты «Конфет айо» мадыш дä веселӓйӹктӹшӹ программывлä эртäрäлтӹт[6][7].
Техень вäшлимäшӹштӹ тетявлä яратымы качкышыштын историжӹ дон веле агыл пäлӹмӹ лит, шукы ум, ынгайым пäлен нäлӹт, «Конфетӹм намалшы», «Конфетӹм пӹтӹрäл» мадышвлӓ доно мадыт.
Айон сценариштӹжӹ техень мадышвлä ылыт, кышты тетявлä конфетӹм фантик цӹре доно айыркалат, прищепка палшымы доно иктӹ-весӹлäн пуэдӹлӹт, савала доно намалыт, пластилин гӹц конфетӹм ӹштäт.
Примечани
- ↑ 18 октября - Всемирный день конфет. 35медиа (18 октябрьын 2023). Тергӹмӹ кечӹ: 18 октябрьын 0123.
- ↑ Ирина Макеева. Всемирный день конфет празднуется 18 октября. Парламентская газета (18 октябрьын 2023). Тергӹмӹ кечӹ: 18 октябрьын 2023.
- ↑ Екатерина Иванова. 18 октября сладкоежки отмечают самый вкусный праздник – Всемирный день конфет. Сетевое издание «Учительская газета» (18 октябрьын 2023). Тергӹмӹ кечӹ: 18 октябрьын 2023.
- ↑ Всемирный день конфет, День женского счастья, День Харитины: Праздники и приметы 18 октября (18 октябрьын 2023). Тергӹмӹ кечӹ: 18 октябрьын 2023.
- ↑ NATIONAL CANDY DAY - November 4. National Day (12 июньын 2014). Тергӹмӹ кечӹ: 18 октябрьын 2023.
- ↑ Наталья Зайцева. В Большой Екатериновке в День конфет устроили праздник малышне (18 октябрьын 2022). Тергӹмӹ кечӹ: 18 октябрьын 2023.
- ↑ Всемирный день конфет отметили в Биробиджане. РИА Биробиджан (23 октябрьын 2021). Тергӹмӹ кечӹ: 18 октябрьын 2023.