Келшӹмӓшӹн международный кечӹжӹ
| Келшӹмӓшӹн международный кечӹжӹ | |
|---|---|
 | |
| Кечӹ | 30 июль |
 Медиафайлы на РУВИКИ.Медиа | |
Келшӹмӓшӹн международный кечӹ руш. Международный день дружбы, ООН-н молы официальный йӹлмӹ доно: англ. International Friendship Day, араб. اليوم الدولي للصداقة, исп. Día Internacional de la Amistad, кит. 国际友谊日, франц. Journée internationale de l’amitié) — тидӹ икманяр сӓндӓлӹкӹштӹ пӓлемдӹмӹ айо кечӹ, 30 июльын келшӹмäшӹм празднуйымы лӹмеш эртäрäлтеш. ООН-н Генеральный Ассамблейӹжӹ 2011 ин 27 апрельӹн 65-шӹ сессиштӹ увертӓрен (A/RES/65/275 Резолюци)[1].
Сек анзыц ти кечӹм пуры шамакан кымылангдымы открыткым ӹштӹшӹ индустри видä ылын. Кечӹвäлвел Азиштӹ ти айом шӓрӹкӓлӹшӹвлӓ тӓнгвлӓ лӹмеш кечӹм пӓлемдӹмӹ овуца США-шты 1935 ин шачын машанат.
Истори
ООН-н Генеральный секретарьжы Пан Ги Мун 2014 ин 27 октябрьын ӹшке послаништӹжӹ тенге манын:
Ти ин Келшӹмӓшӹн международный кечӹ техень жепӹш вäрештӹн, кынам сäндäлӹк мычкы цилä вäре кого вырсывлä кеäт, эдемвлä лошты кредäлмäш дä ӹнянӹдӹмäш когоэмеш. Анзыц тырын ӹлӹшӹ эдемвлä ӹнде ӹшке пашкудывлä донышты ынгылыдымаш якте шоныт; эдемвлä, кыдывлӓн иквäреш ӹлӹмӹ гӹц пасна молы йӧнӹштӹ уке, иктӹ-весӹ гӹц со мӹндӹркӹ айырлат.
Кредäлмäшӹн дä оружиäн пӹзӹрӹмäшӹн керек-махан виржӹ ылеш гӹнят, керек-махань сирӹп ви шайылныжы шалга гӹнят, эдемӹн кöргӹ вижӹ цаткыдырак лин кердеш. Мäмнäн тӹнг долгна — тӹ кӧргӹ вин торжествожым переген кодаш.
Ти нелӹ дä цаклаш лидӹмӹ жеп годым нимахань ынгылыдымаш ӹнжӹ ли манын дä мирлӓн пингӹдӹ негӹцӹм пиштӓш манын, иктӹ-весӹлӓн кидӹм виктӓлтӓш келеш.
Келшӹмӓшӹн международный кечӹн расым, религим, полым, сексуальный ориентацим äли пӹсмäнӹм анжыде, ма мäмнäм цилäнäм иквäреш уша, äлдок äштӓлтенä. Ӓлдӓ иктӹ-весӹ доно келшен ӹлӹмӹм виӓнгдӓш цаценӓ, вет мӓ ӹшкӹмнäн ик планетӹштӹнӓ ик эдем семня ылына. Ӓлдок тӧр дä цаткыды келшӹмäш верц цацаш тӹнгӓлӹнӓ.
Айон овуцажы
Айо шукы сӓндӓлӹкӹштӹ пӓлемдӓлтеш, седӹндон тӹдӹн доно кӹлдäлтшӹ овуца, вӓрӹштӹшӹ культура доно ярлалтын, каждый кугижӓнӹштӹ сакой ылеш.
Келшӹмӓш кечӹн Российӹштӹ халыквлӓ лошты кӹлӹм пингӹдемдӹшӹ мероприятивлä эртäрäлтӹт[2][3]. Халавлӓн площадьвлäштӹштӹ, ӹшке ӹштӹмӹ сценывлäштӹ сäмӹрӹк актервлä халык сӹнäн театральный представленивлäм анжыктат, сакой конкурсвлäм дä викторинӹвлäм ӹштäт[4].
Иканьырак айовлӓ
- Тӓнгӹн кечӹжӹ (исп. Día del Amigo) — кечӹвӓлвел американский айо. 20 июльын Аргентинӹштӹ, Эквадорышты, Бразилиштӹ дӓ Уругвайышты, тенгеок 30 июльын Парагвайышты дӓ июльын пӹтӓришӹ кукшыгечӹнжӹ Перушты аят.
- Тӓнгвлӓн международный кечӹштӹ — Российӹштӹ 9 июньын пӓлемдӓлтшӹ айо[5].
Примечани
- ↑ Международный день дружбы | Организация Объединенных Наций, United Nations. Дата обращения: 3 декабрьын 2025.
- ↑ Акция «Международный день дружбы». «Цифровая культура» (30 июльын 2024). Тергӹмӹ кечӹ: 3 июльын 2024.
- ↑ Международный день дружбы. «Культура.РФ» (30 июльын 2024). Тергӹмӹ кечӹ: 3 июльын 2024.
- ↑ Полина Русак. Международный день дружбы в 2024 году: история и традиции праздника. Комсомольская правда. Тергӹмӹ кечӹ: 3 июльын 2024.
- ↑ День друзей и День дружбы. Когда и в каких странах отмечают, РБК Life. Дата обращения: 30 апрельӹн 2025.