Йӓрӓ комиксвлӓн кечӹ
Йӓрӓ комиксвлӓн кечӹ (англ. Free Comic Book Day) — и йӹде эртӓрӓлтшӹ промо-мероприяти, тӹдӹм комикс индустри эртӓрӓ, шанымашыжы — у лыдшывлӓм комикс лапкавлӓшкӹ ӱжӓш. Мероприятим ӹштӓш Конкордыштышы Flying Colors Comics-ӹн хозажы Джо Филд шанымашым пуэн, тӹдӹ тидӹн гишӓн Comics & Games Retailer журналын 2001 и 4 маяш выпускыштыжы сирен. Йӓрӓ комиксвлӓн кечӹ пӹтӓришӹ гӓнӓ 2002 ин 4 майын эртен дӓ тӹгодшен и йӹде майын пӹтӓришӹ кукшыгечӹн эртӓрӓлтеш. Мероприятин координаторжы — Diamond Comic Distributors.
Российӹштӹ Йӓрӓ комиксвлӓн кечӹ пӹтӓришӹ гӓнӓ 2019 ин 11 майын эртен[1], дӓ 2020[2][3] и гӹц август гӹц сентябрь якте нӹл ӓрня кӓнӹм кечӹвлӓн эртӓрӓлтеш. Мероприятин координаторжы — «Комильфо» издательство.
Описани
Йӓрӓ комиксвлӓн кечӹн акциштӹ участвуйышы лапкавлӓ айо лӹмеш йори лыкмы комиксӹн выпусквлӓм цилӓ кымыланлан такешок шӓлӓтӓт, тенгеок тошты выпусквлӓм шулдешрӓк выжалат[4]. А пӹркӓшӹквлӓ ӹшкежӹ комиксвлӓм издательство гӹц такеш ак нӓлеп: нӹнӹ каждый экземпляр тӓреш 12 гӹц 50 % якте тӱлӓт[5]. Юж лапкавлӓжӹ комиксвлӓ гӹц пасна эче вес хӓдӹрвлӓм шӓлӓтӓт, тидӹ мини-постер, брелок, Ыжар Фонарьвлӓн кольца дӓ т.м.[6]
Мероприятим эртӓрӹмӹ пӹтӓришӹ куд иштӹ 30 утла сӓндӓлӹкӹштӹ 2000 утла лапка 12 миллион нӓрӹ йӓрӓ комиксӹм шӓлӓтен. Акцин шукы эдемжок Йӓрӓ комиксвлӓн кечӹ комикс индустрилӓн кушкашыжы дӓ комиксвлӓм выжалаш палша манын ӹнянӓт[7][8].
Российӹштӹ Йӓрӓ комиксвлӓн кечӹ 2019 и гӹц эртӓрӓлтеш. Ти веремӓштӹ комикс-индустрин лидервлӓн дӓ блогервлӓн 50 тӹжем утла комиксӹм шӓлӓтӹмӹ. 2019 ин мероприяти майын кокшы кукшыгечӹн эртен, но 2020 и гӹц организаторвлӓ комикс айом кужемденӹт, тӹдӹм йӓрӓ комиксӓн ик тӹлзӹм ӹштенӹт. Акцивлӓм эртӓрӹмӹ кечӹн сакой комикс лапкавлӓштӹ комикс-квизвлӓ, лотерей, розыгрыш дӓ комиксвлӓн лӹмлӹ автор дон художниквлӓ доно, тенгеок ютуб дӓ киноиндустрин шӹдӹрвлӓ дон автограф-сессивлӓ эртӓт. Российӹштӹ Йӓрӓ комикс кечӹн организаторжы «Комильфо» комикс издательствын вуйлатышыжы Михаил Богданов ылеш.
Ти пӓшӓшкӹ «Коклы Кӓндӓкшшӹ» (28oi.ru), «Чук и Гек», Greek Trip, BUBBLE, «Комфедерация», «Рамона», «Зодиак», «Комильфо», «Альпака» издательствывлӓ, блогервлӓ Сыендук, Руслан Хубиев, Оптимисстер, Фёдор Комикс, Лина Килевая, Асинастра, Qewbite, тенгеок комикс авторвлӓ Виталий Терлецкий, Koro, Роман Котков дӓ шукы молат ушнат.
Примечани
- ↑ В России прошел первый "День Бесплатных Комиксов"(неопр.). Smi8 информационный портал (11 майын 2019). Тергӹмӹ кечӹ: 30 июльын 2021. Архивируйымы 30 июльын 2021 года.
- ↑ В России снова пройдет День бесплатных комиксов - 2x2, телеканал 2x2. Архивировано 30 июльын 2021 года. Дата обращения: 30 июльын 2021.
- ↑ В России наступает День Бесплатных Комиксов | GeekCity(неопр.). geekcity.ru. Тергӹмӹ кечӹ: 30 июльын 2021. Архивируйымы 30 июльын 2021 года.
- ↑ Doctorow, Cory Free Comic Book day this Saturday! BoingBoing (30 апрельӹн 2009). Тергӹмӹ кечӹ: 17 февральын 2010. Архивируйымы 26 сентябрьын 2012 года.
- ↑ Free Comic Book Day Free For Whom? Comics Worth Reading (5 мартын 2007). Тергӹмӹ кечӹ: 3 апрельӹн 2007. Архивируйымы 26 сентябрьын 2012 года.
- ↑ FCBD 2012 Merchandise. FreeComicBookDay.com. Архивируйымы 26 сентябрьын 2012 года.
- ↑ Free Comic Book Day: A Talk with Joe Field. Diamond Comic Distributors. Архивируйымы 26 сентябрьын 2012 года.
- ↑ Interview: Field on Free Comic Book Day. LoudPoet.com (18 февральын 2005). Тергӹмӹ кечӹ: 23 июньын 2012. Архивируйымы 17 октябрьын 2015 года.