Йоган международный кечӹжӹ

Ирӹкӓн энциклопеди Википеди гӹц материал
Йоган международный кечӹжӹ
The Yoga Guru, Baba Ramdev and the Union Minister for Urban Development, Housing and Urban Poverty Alleviation and Parliamentary Affairs, Shri M. Venkaiah Naidu at a yoga camp ahead of the International Day of Yoga - 2016 (1).jpg
Тип Йога, медитаци, культурный мероприятивлӓ, шулык, путешестви.
Официально International Day of Yoga
Кын Йога гишӓн, шулыкан ӹлӹмӓш сем семӹнь, информацим шӓрӹкӓлӹмӓш
Ӹштӓлтӹн 2014 и 11 декабрь
Ӹштӹшӹ ООН-н Генеральный Ассамблей
Пӓлемдӓт Международный айо
Кечӹ 21 июнь
Кӹлдӓлтӹн 21 июнь — кӓнгӹжшӹ солнцестоянин кечӹжӹ.
Логотип РУВИКИ.Медиа Медиафайлы на РУВИКИ.Медиа

Йоган международный кечӹжӹ (англ. International Day of Yoga) — йӓнгӹм дӓ кӓп-кӹлӹм яжоэмдӓш палшышы практикӹм яратышы дӓ профессионалвлӓн айошты, 2015 и гӹц тӹнгӓлӹн, и йӹде 21 июньын эртӓрӓлтеш.

Истори

2014 ин 27 сентябрьын ООН-н Генеральный Ассамблейжӹн 69-шӹ сессиштӹжӹ Индин премьер-министржӹ Нарендра Моди «Йоган международный кечӹжӹм» пӓлемдӓш тӹнгӓлӓш ӱжӹн[1][2].

Йога — Индин ӓкрет годшы традицин ӓкдӹмӹ подаркажы. Тӹдӹ йӓнгӹн дӓ кӓпӹн, шанымаш дон действин икышын ылмыштым, тенгеок эдем дон пӧрттӱ лоштышы гармоним анжыкта; шулык дӓ благополучи докы видӓ. Мӓ физический упражненивлӓ гишӓн агыл, а ӹшке доно, цилӓ сӓндӓлӹк дӓ пӧрттӱ доно икышын лимӹ шижмӓшӹм пачмы гишӓн шайыштына. Мӓ ӹлӹмӓшнӓм вашталтенӓ дӓ ынгылымашнам уангденӓ гӹнь — тидӹ цилӓлӓн благополучим ӹштӓш палша. Ӓлдӓ "Йоган международный кечӹжӹм" пӓлемдӓш попен шоктенӓ.Нарендра Моди, [3]

2014 ин 11 декабрьын ООН-ын Генеральный Ассамблейӹжӹ «Йоган международный кечӹжӹм» увертӓрен (69/131 Резолюци). Резолюцим 175 кугижӓншӹ поддерживаен[1][4].

21 июньым Йоган международный кечеш увертӓрен, Генеральный Ассамблей ти ӓкрет годшы практикӹн тагачшы мирӹштӹнӓ шулык дон цӓшлӓн цилӓ монгырым пайдам кандымашкыжы внимани айырен.Пан Ги Мун, [5]

Айо кечеш 21 июньым, кӓнгӹжшӹ солнцестоянин (ин сек кужы) кечӹжӹм айырымы. Шукы сӓндӓлӹкӹштӹ, шамак толшеш, эдемвлӓ ти кечӹн Мӱлӓндӹн дӓ тӹдӹн ӹлӹшӹвлӓн энергиштӹ сек кӱшкӹ лӱктӓлтеш, ти жепӹн ӹштӹмӹ цилӓ пуры пӓшӓн пасна ви улы манын шаненӹт[3].

Тиде айом йога гишӓн, шулыкан ӹлӹмӓш сем семӹнь, информацим шӓрӹкӓлӓш ӹштенӹт[5].

2015 ин ти айом пӹтӓриш гӓнӓ официально айенӹт[3].

Ӓшӹндӓрӹмӓш

2015 ин «Йоган международный кечӹжӹ» лӹмеш Индин Резервный банкшы 10 рупиӓш тӓнгӓм лыктын[6].

2017 ин айо лӹмеш ООН-ын Почта администрацижӹ «асан» изображениӓн 10 почта маркым лыктын[7].

«Йоган международный кечӹжӹ» лӹмёш лыкмы Индин почта маркыжы, 2015 и

Лозунгвлӓ

ООН «Йоган международный кечӹжӹм» и йӹде сакой тема доно эртӓрӓ:

  • 2015 — «Йога мирӹм иктӹш уша»[8];
  • 2016 — «Индийский „пышкыды ви“ пӓшӓм ӹштӓ»[9];
  • 2017 — «Йога шулык верц»[10];
  • 2018 — «Йога цилӓ сӓндӓлӹк верц»[11];
  • 2019 — «Климатын вашталтмашыжы доно кредӓлмӓш»[12];
  • 2020 — «Йога тоны. Йога семня доно иквӓреш»[13];
  • 2021 — «Йога цӓш верц»[14];
  • 2022 — «Йога эдем йыхлан»[15];
  • 2023 — «Йога Васудхайва Кутумбакамлан» (санскрит — "мир — тидӹ ик семня")[16];
  • 2024 — «Йога ӹшкӹлӓн дӓ обществылан».

Примечани

  1. ↑ 1 2 Nations, United. Международный день йоги | Организация Объединенных Наций, United Nations. Дата обращения: 28 майын 2025.
  2. ↑ Индуистский депутат вносит резолюцию в Конгресс США в честь Международного дня йоги (англ.). www.ndtv.com (23 июньын 2017). Тергӹмӹ кечӹ: 28 майын 2025.
  3. ↑ 1 2 3 Международный день йоги 2025: какого числа, история и традиции праздника. Дата обращения: 28 майын 2025.
  4. ↑ Резолюция 69/131 "Международный день йоги". docs.yandex.ru. Тергӹмӹ кечӹ: 28 майын 2025.
  5. ↑ 1 2 ООН назначила Международный день йоги, Lenta.RU. Дата обращения: 28 майын 2025.
  6. ↑ RBI to issue Rs 10 coins to mark International Yoga Day (англ.). The Economic Times. Тергӹмӹ кечӹ: 28 майын 2025.
  7. ↑ ООН выпустит 10 марок с изображением «асан» в Международный день йоги (англ.). www.business-standard.com (2017). Тергӹмӹ кечӹ: 28 майын 2025.
  8. ↑ В Нью-Дели прошли массовые празднования по случаю Дня йоги, Рамблер/новости. Дата обращения: 28 майын 2025.
  9. ↑ Падмаприя Говиндараджан. Индийская «мягкая сила» в действии: Международный день йоги привлекает внимание всего мира (англ.). translated.turbopages.org (23 июньын 2016). Тергӹмӹ кечӹ: 28 майын 2025.
  10. ↑ Йога на благо здоровья – тема Международного дня йоги, Новости ООН (21 июньын 2017). Дата обращения: 28 майын 2025.
  11. ↑ Longo, Steve. International Yoga Day 2018: All you need to know, Mail Online. Дата обращения: 28 майын 2025.
  12. ↑ International Yoga Day 2019: History of Celebration, Theme for This Year, News18. Дата обращения: 28 майын 2025.
  13. ↑ Международный день йоги 2020: смотрите на фотографиях, как его отмечают (англ.). translated.turbopages.org (21 июньын 2020). Тергӹмӹ кечӹ: 28 майын 2025.
  14. ↑ International Yoga Day 2021 Date: Theme, History and Significance, News18. Дата обращения: 28 майын 2025.
  15. ↑ Послание Генерального секретаря по случаю Международного дня йога (21 июня 2022 г.) (руш.). www.unic.ru. Тергӹмӹ кечӹ: 28 майын 2025.
  16. ↑ Международный день йоги 2023: значение, история и тема (англ.). translated.turbopages.org (21 июньын 2023). Тергӹмӹ кечӹ: 28 майын 2025.

Ссылки

«https://mrj.ruwiki.ru/w/index.php?title=Йоган_международный_кечӹжӹ&oldid=305579» гӹц нӓлмӹ