Инвалидвлӓн международный кечӹ

Инвалидностьын флагшы инвалидвлӓн праваштым анжыкта

Инвалид эдемвлӓн международный кечӹштӹ ( ООН-ын вес официальный йӹлмӹвлӓ доно: англ. International Day of Disabled Persons, араб. اليوم الدولي للأشخاص ذوي الإعاقة, ‎исп. Día Internacional de las Personas con Discapacidad, кит. 世界残疾人日, франц. Journée internationale des personnes handicapées ) — Генеральный Ассамблей 1992 ин 47-шӹ сессиштӹ (A/RES/47/3 №-ӓн резолюци) 3 декабрьын аяш пӓлемден. Генеральный Ассамблей цилӓ кугижӓншӹм дӓ международный организацим ти кечӹм эртӓрӓш манын иквӓреш пӓшӓм ӹштӓш ӱжӹн.

Варарак, тӹдӹ сессишток, A/RES/47/88№-ӓн резолюциштӹ Генеральный Ассамблей ООН-шты ылшы кугижӓншӹвлӓм Инвалид эдемвлӓн международный кечӹштӹ лӹмеш, инвалидвлӓм обществӹн ӹлӹмӓшӹш пырташ манын, мероприятивлӓм эртӓрӓш ӱжӹн.

Инвалид эдемвлӓн международный кечӹштӹн темывлӓ

1998 — «Искусство, культура дӓ ирӹкӓн ӹлӹмӓш»
1999 — «У тӹжем ин цилӓ эдемвлӓлӓн кычылт кердмӓш»
2000 — «Информационный технологивлӓм ӹштӹмӓш, цилӓлӓн пӓшӓ»
2001 — «Тӹрӹснек ушнымаш дӓ икань лимӓш: прогрессӹм дӓ лӓктӹшӹм ӓклӹмӓштӹ у йӧнвлӓм ядмаш»
2002 — «Ӹшке вуя ӹлӹмӓш дӓ ӹнян пӓшӓдӓр»
2003 — «Ӹшке йукна»
2004 — «Мӓ гишӓннӓ мӓ гӹцнӓ пасна нимат»
2005 — «Инвалидвлӓн правашты»
2006 — «Электронный информацим кычылт кердмӓш»
2007 — «Инвалидвлӓлӓн яжо пӓшӓ»
2008 — «Инвалидвлӓн правашты гишӓн конвенци: мӓлӓннӓ цилӓлӓн достоинство дон справедливость»
2009 — «Тӹжем ишӹ декларациштӹ сирӹмӹ виӓнгмӓш шотышты цельым ӹлӹмӓшӹш пыртымаш: инвалидвлӓн дӓ нӹнӹн пырымы общинӹвлӓн праваштым цилӓ сӓндӓлӹкӹштӹ кымдаэмдӹмӓш»
2014 — «Пингӹдӹ виӓнгмӓш: технологин вижӹ»
2015 — «Лишемдӹмӓшӹн керӓл ылмыжы: цилӓ йиш семӹнь ӹлӹшӹ эдемвлӓлӓн прававлӓм кычылт кердмӓш дӓ нӹнӹм кымдаэмдӹмӓш»
2017 — «Цилӓлӓн пингӹдӹ дӓ ӹлен кердшӹ общество лижӹ манын вашталтмашым пыртымаш»
2018 — «Инвалидвлӓн йӧнӹштӹм кымдаэмдӹмӓш, пыртымаш дон икань лимӹм шӓрӹмӓш»
2019 — «Инвалидвлӓн обществын ӹлӹмӓшӹштӹ цацымаш — 2030 иеш виӓнгмӓш шотышты кечӹлык пӓшӓ»
2020 — «Инвалидвлӓн ядмашвлӓштӹм шотыш нӓлӹн, пандеми паштек инклюзивный дӓ ӹнян мир докы кемӹ корнышты»
2021 — «Инвалидвлӓн обществын ӹлӹмӓшӹштӹ цацымаш — 2030 иеш виӓнгмӓш шотышты кечӹлык пӓшӓ»

Тенгеок анжы

Ссылкывлӓ