Иванов, Валерий Вячеславович
| Валерий Вячеславович Иванов | |||
|---|---|---|---|
 | |||
| Шачмы кечӹ | 1975 и 29 ноябрь | ||
| Шачмы вӓр | Волжск | ||
| Колымы кечӹ | 1995 и 19 май (19 и) | ||
| Колымы вӓр | |||
| Пырымаш |
 СССР → Россий |
||
| Служымы жеп | 1993—1995 | ||
| Звани | гвардин рядовой | ||
| Награда дӓ преми |
|
||
Валерий Вячеславович Иванов (1975 и 29 ноябрь, Волжск — 1995 и 19 май) — российӹштӹшӹ военнослужащи, гвардин рядовой, Россий Федерацин Геройжы.
Ӹлӹмӓш корныжы
1975 ин 29 ноябрьын Мары Эл Республикӹштӹ Волжск халашты пӓшӓзӹ семняэш шачын. Изи годшы жепшӹ Волжск районыштышы Кого Олыкъял солашты эртен. 1993 ин Волжск халан 2-шы №-ӓн школым тымень пӹтӓрен. Школышток спорт доно кӹлӹм яжон кычен, Йошкар-Олаштышы кӓпӹм перегӹшӹвлӓн школым тымень лӓктӹн. Армиш нӓлмӹ якте тетя клубышты тренерлӓн пӓшӓм ӹштен[1].
1993 ин 8 декабрьын Волжск районыштышы военный комиссариат Российӹштӹшӹ армиш нӓлӹн. Калининград халашты служаш тӹнгӓлӹн, 1994 и сентябрь гӹц — Йыдпелвел Кавказышты. Чечня Республикӹштӹ боевой действивлӓштӹ участвуен[2].
1995 ин 19 майын кокшы артиллерийский дивизион тышманым тыл монгырым пӹтӓрӹмӹ шотышты задачым шоктен. Дивизионын позицивлӓжӹ тышманын миномётный тыл доно лӱӓлтӹнӹт. Тидӹ гишӓн ӹшке каштшы установка йылаш тӹнгӓлӹн, тӹдӹн экипажыштыжы гвардин рядовой Иванов лин. Салтак, лӱддӹмӓшӹм дӓ инициативӹм анжыктен, установкым тыл позици гӹц ӧрдӹжӹш карангден. Тыл йылаш тӹнгӓлмӹ гишӓн установка пыдештӹн. Лӱддӹмӹ салтак колен, но ӹшке действижӹ доно шукы тӓнгӹн ӹлӹмӓшӹм ытарен[3].
Валерим Мары Эл Республикӹн Волжский районыштышы Никольский мыгилӓэш тайымы.
Россий Федерацин Президентӹн 1995 ишӹ 1 декабрьыштышы указшы доно заданим шоктымы годым лӱддӹмӓшӹм дӓ героизмӹм анжыктымы гишӓн гвардин рядовой Иванов Валерий Вячеславовичлӓн Россий Федерацин Геройжы званим пумы[4].
Тӹдӹ Мары Эл Республикӹн Россий Федерацин Геройжы званим нӓлшӹ икшӹ шачшыжы лин. Геройын лӹмжӹ доно тӹдӹн тыменьмӹ школжым, Волжск халан ик ӧлицӓжӹм лӹмдӹмӹ.
Ӓшӹндӓрӹмӓш
Валерий Ивановын лӹмжӹм Волжск халаштышы 2-шы №-ӓн школлан пумы. Советский Союз Герой музейӹштӹ 3. Прохоровын Волжский районыштышы Карай солашты Российӹн Геройжы Валерий Вячеславович Иванов лӹмеш стендӹм йӧндӓрӹмӹ[5][6].
Примечани
- ↑ Иванов Валерий Вячеславович (руш.). smartik.ru. Тергӹмӹ кечӹ: 25 сентябрьын 2025.
- ↑ Публикации. www.ruskalendar.ru. Тергӹмӹ кечӹ: 25 сентябрьын 2025.
- ↑ В Волжске вспоминали Героя России рядового Валерия Иванова (руш.). bbratstvo.com. Тергӹмӹ кечӹ: 25 сентябрьын 2025.
- ↑ Героя России чествовали в Марий Эл в память о смертельном подвиге, Про Город Йошкар-Ола. Дата обращения: 25 сентябрьын 2025.
- ↑ МОУ СШ № 2 г. Волжска РМЭ - ПАМЯТИ В. ИВАНОВА(неопр.). scv2.org.ru. Тергӹмӹ кечӹ: 25 сентябрьын 2025.
- ↑ Мемориальная доска Герою России Валерию Иванову открыта в Волжске - Новости (руш.). rvio.ru. Тергӹмӹ кечӹ: 25 сентябрьын 2025.
Литература
- Иванов Валерий Вячеславович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 389. — 872 с. — 3505 экз. — ISBN 978-5-94950-049-1.
- Краснов П. В., Мочаев В. А. Иванов Валерий Вячеславович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 165. — 606 с. — 1500 экз. — ISBN 978-5-905314-35-3.
Ссылкывлӓ
- Валерий Вячеславович Иванов (руш.). Сайт «Герои страны». Тергӹмӹ кечӹ: 25 сентябрьын 2025.