Иванов, Анатолий Георгиевич
| Анатолий Георгиевич Иванов | |||
|---|---|---|---|
 | |||
| Шачмы кечӹ | 1 апрель 1983 (43 и) | ||
| Шачмы вӓр | Куженер район, Мары Эл Республика | ||
| Пырымаш |
 Россий |
||
| Кредӓлмӓш/вырсы | Украинӹштӹ военный действивлӓ | ||
| Награда дӓ преми |
|
||
Анатолий Георгиевич Иванов шач. 1 апрель 1983, Коклаял[d], Мары АССР[d] — Россий Федерацин Оборона министерствын десантно–штурмовой полкшын танк ваштареш кредӓлшӹ взводын изирӓк лейтенантшы. Россий Федерацин Геройжы[1].
Ӹлӹмӓш корныжы
Анатолий Георгиевич Иванов 1983 ин 1 апрельӹн Мары Эл Республикӹн Куженер районын Шорсолаэш шачын[2]. Семняштӹ кымшы тетя лин, ӹзӓжӹ — Николай, ӓкӓжӹ — Ольга. Ӓтяжӹ Георгий Платонович (23.08.1954) «Маяк» колхозышты 42,5 и пӓшӓлен. Ӓвӓжӹ, Нина Игнатьевна (14.06.1961), саснам анжен, вара школ-интернатышты нянька семӹнь пӓшӓм ӹштен. Анатолий Шорсола тетя садыш каштын, 1989 ин Шорсола школын икшӹ классышкыжы кеен. 2000 ин школым яжон тымень пытӓрен.
Военный карьера
- 2001 и 21 июнь гӹц Российӹн Армиш служаш нӓлӹныт.
- 2001—2003 ивлӓн военный обязанностьым Чечня Республикӹштӹ шоктен.
- 2003—2005 ийвлӓн Российӹн Оборона министерство доно контрат семӹнь Чечня Республикӹштӹ служен.
- 2007 и гӹц контракт семӹнь 7-шӹ Гвардейский десантно-штурмовой дивизин 108-шӹ гвардейский десантно-штурмовой полкыштыжы служа.
- 2008 ин Грузиштӹ мир гишӓн эртӓрӹмӹ операциштӹ лин.
- 2014 ин Крымым Российӹш уштарымы операциштӹ лин.
- 2018 ин Сириштӹ командировкышты лин.
- 2022 и 28 февраль гӹц СВО-шты ылеш. Херсоным ытараш манын боевой заданим шоктымы годым, Николаев халам штурм доно нӓлмӓштӹ, Херсон областьым перегӹмӓштӹ, ВСУ-н Запорожьештӹшӹ контрнаступленим темдӓлмӓштӹ, тиштӹшӹ Вербовое ӹлӹмӹ вӓрӹштӹшӹ кредӓлмӓштӹ лин.
- 2024 иӓш увер семӹнь, танк ваштареш кредӓлшӹ десантно-штурмовой полкышты Николай ӹзӓж доно иквӓреш служат, тӹдӹжӓт военный службым айыренм[3].
- 2024 ин Анатолий Иванов «Российӹн Геройжы» званим нӓлӹн. Наградым пумы церемони Кремльӹн Екатерининский залышты эртен. Россий Геройын «Шӧртньӹ Шӹдӹрӹм» Россий Федерацин Президентшӹ Владимир Путин ӹшкеок кычыктен (30.05.2024)[4].
Семняжӹ
Анатолий Георгиевич Иванов семнян ылеш, эргӹ дон ӹдӹрӹм анжен кушта. Ӓтяжӹ дон ӓвӓжӹ заслуженный кӓнӹмӓштӹ ылыт. Георгий Платонович «Салтакын ӓтяжӹ» медаль доно награждайымы ылын[5].
Наградывлӓ
Россий Федерацин Оборона министерствын медальвлӓ:
- «Боевой айыртем гишӓн»;
- «Патырлык гишӓн» II степенян;
- «Военный службышты айыртемӓлтмӹ гишӓн» II степенян;
- «Военный службышты айыртемӓлтмӹ гишӓн» III степенян;
- «Сириштӹ военный операциштӹ лимӹ гишӓн»;
- «Сӹнгӹмӓш кечӹн военный парадышты участвуйымы гишӓн».
Айыртемӓлтмӹ знаквлӓ:
- «Кавказышты служымы гишӓн» шим крестӹ;
- «Грузим неволя мирейӹктӹмӓш шотышты операцим шоктымы гишӓн»;
- Россий Федераци Геройын «Шӧртньӹ шӹдӹр» (30.05.2024)[4] — лӹмӹн эртӓрӹмӹ операцим шоктымы годым лӱддӹмӓшӹм дӓ героизмӹм анжыктымы гишӓн;
- Патырлык орден[3].
Примечани
- ↑ Владимир Путин наградил офицера из Марий Эл Звездой Героя России, Информационное агентство "Кулик" (31 майын 2024). Дата обращения: 25 сентябрьын 2025.
- ↑ Звание Героя России получил уроженец Республики Марий Эл. mk-mari.ru (31 майын 2024). Тергӹмӹ кечӹ: 25 сентябрьын 2025.
- ↑ 1 2 Всё о новом герое России из Марий Эл: репортаж из родной деревни Анатолия Иванова. Марийская правда (6 июньын 2024). Тергӹмӹ кечӹ: 25 сентябрьын 2025.
- ↑ 1 2 Церемония вручения государственных наград. kremlin.ru (30 майын 2024). Тергӹмӹ кечӹ: 25 сентябрьын 2025.
- ↑ Медаль «Отец солдата» вручили папе Героя России из Марий Эл Георгию Иванову. Дата обращения: 25 сентябрьын 2025.