Евдокимов, Виктор Фёдорович
| Виктор Фёдорович Евдокимов | ||
|---|---|---|
 | ||
| Шачмы кечӹ | 29 сентябрь 1942 (84 и) | |
| Шачмы вӓр | ||
| Пӓшӓн типшӹ | Алтай трактор заводын ӓпшӓт-штамповщикшӹ | |
| Награда дӓ премивлӓ |
 
|
|
Виктор Фёдорович Евдокимов (шач. 29 сентябрь 1942, Волжский район[d], Мары АССР[d]) — Алтай трактор заводын ӓпшӓт-штамповщикшӹ, Социалистический Пӓшӓн Геройжы (1986).
Ӹлӹмӓш корныжы
1942-шы ин 29-шӹ сентябрьӹн Мары АССР-ӹштӹшӹ Волжский районын Кабаксолаштыжы колхоз ӓпшӓтӹн семняэшӹжӹ шачын.
1961-шӹ ин «ирӹкӓн таптымашын ӓпшӓтшӹ» специальность доно Зеленодольскыштышы ПТУ-м (Татар АССР) тымень пӹтӓрен дӓ Алтай трактор заводын 1-шӹ № ӓпшӓткуды цехӹштӹ ӓпшӓт-штамповщикеш ӹштӓш тӹнгӓлӹн. 1963—1966-шы ивлӓн армиштӹ служен, запасыш увольняйӓлтмӹ паштек АТЗ-шты пакыла ровотаен, цехӹн комсомольский организацижӹн секретарешӹжӹ айыралтын[1].
1970-шы ин апрельӹн ӹшке кымылын 14-шӹ сӓмӹрӹквлӓн бригадыштым вуйлаташ шагалын, тӹдӹн вуйлатымыжы доно бригада коммунистический пӓшӓн бригадыжы лӹмӹм сылен нӓлӹн.
9-шӹ вӹциӓш заданим срок яктеок ӹштен шоктымы гишӓн Октябрь Революцин (1974) орденжӹ доно пӓлемдӓлтӹн. 1975-шӹ ин тӹдӹн бригадыжым СССР-ӹштӹ трактор дӓ сельхозмашинӓстроени министерствын сек яжо бригадешӹжӹ шотлымы.
Социалистический тӓнгӓшӹмӓшӹштӹ кого сӹнгӹмӓшкӹ шомыжылан Ленин орден доно (1977) пӓлемдӓлтӹн. 1982-шы ин СССР Кугижӓншӹ премин лауреатшыКугижӓншӹ премин лауреатшы лин.
11-шӹ вӹциӓшӹштӹ производствын кого пӓшӓ лӓктӹшӹшкӹжӹ шомы гишӓн Социалистический Пӓшӓн Геройжы (1986) лӹмӹм пумы.
1993-шы и гӹц завод оролымашты пӓшӓм ӹштен. 2006-шы и гӹц — пенсиштӹ[1].
«Кого должность» книгӓн авторжы (1980)[2].
Лӹм дон наградывлӓ
- Социалистический Пӓшӓн Геройжы (1986)
- Рубцовскын почётный гражданинжӹ (1986)
- Ленин орден (1977, 1986)
- Октябрь Революци орден (1974)
- СССР-ӹн кугижӓншӹ премижӹ (1982)
Примечани
- ↑ 1 2 Евдокимов Виктор Федорович, Марийская история в лицах. Дата обращения: 27 ноябрьын 2025.
- ↑ Книга Высокая должность — Николай Евдокимов (руш.). www.livelib.ru. Тергӹмӹ кечӹ: 27 ноябрьын 2025.
Литература
- Марийская биографическая энциклопедия: 3849 имён в истории Марийского краия и марийского народа.Валерий Александрович Мочаев. Марийский биографический центр, 2007 - Всего страниц: 486
- Энциклопедия Республики Марий Эл. Л. И. Маркелов, Марийский научно-исследовательский институт языка, литературы и истории им. В.М. Васильева. 2009 - Всего страниц: 870
- http://120.biblrub.ru/люди-нашего-города/item/20-евдокимов-виктор-фёдорович.html
- http://biblrub.ru/index.php?option=com_content&view=article&id=18&catid=5&Itemid=24
- https://www.altairegion22.ru/region_news/gubernator-altaiskogo-kraya-pozdravil-s-75letnim-yubileem-geroya-sotsialisticheskogo-truda-viktora-evdokimova_623549.html
- Сергеев М. Т., Краснов П. В., Мочаев В. А. Евдокимов Виктор Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 132. — 606 с. — 1500 экз. — ISBN 978-5-905314-35-3.