ЕГЭ
Иктешлӹшӹ кугижäншӹ экзамен (ИКЭ руш. Единый государственный экзамен, ЕГЭ) — Россий Федераци мычкы, кӹдӓлӓш тыменьмӹ вӓрвлӓштӹ: школ, лицей дон гимназиштӹ тӹнг эртӓрӹмӹ экзамен. Тенгеок кӹдӓлӓш тӹшкӓ образованин тымдымы программывлӓжӹ доно КИА-м (ГИА) эртӓрӹмӹ форма ылеш[1]. Икӓнӓштӹ школ гӹц лыктын колтышы экзамен да вузыш пыраш йӧнӹм пушы экзамен ылеш. 2013 и якте ссузыш пыртен колтышы экзаменӓт ылын. Образовани шотышты у закон семӹнь тӹдӹм цӓрӹмӹ. Экзаменӹм Россий мычкы эртӓрӹмӹ годым ик йиш заданивлӓ пуалтыт дӓ пӓшӓ ик семӹнь тергӹмӹ метод доно ӓклӓлтеш. 2009 и гӹц ЕГЭ школ гӹц лыктын колтышы дӓ вузыш пыртен колтышы экзаменвлӓн иктӹ веле формыжы ылеш. Эче экзаменӹм вес ин угӹц сдаяш йӧн улы. ЕГЭ руш йӹлмӹ, математика, вес йӹлмӹвлӓ (английский, немецкий, французский, испанский, китайский), физика, хими, биологи, географи, литература, истори, обществознани, информатика доно эртӓрӓлтеш[2][3][4].
2015 ин математика доно экзамен тӹнг дон профильный уровеньӹш лош пайылымы лин[5]. Тӹнг уровеньӹм нӹнӹвлӓ кычат, кыдывлӓ аттестатым нӓлӓш кӱшӹл тымдышы заведениш ак кееп ӓли техень вузыш пырат, кышты вступительный экзаменӹм кычымы годым «математика» предмет ак кел. Профильный уровеньӹм тӹнӓм сдаят, кынам «математика» предмет вузыш пырымы годым керӓл ылеш.
2016 ин шӹжӹм амурский тыменьшӹвлӓ китайский йӹлмӹ доно пробный экзаменӹм российӹштӹшӹ кӱкшӹцӹштӹ сдаэнӹт. 2019 ин Россий Федерациштӹ китайский йӹлмӹ доно ЕГЭ-м пыртымы[6].
2024 ин 6 июньын ЛДПР, КПРФ дӓ СРЗП фракцивлӓн депутатышты Думыш ЕГЭ-м цӓрӹмӹ дӓ традиционный экзамен доно ваштымы гишӓн законопректӹм пыртенӹт[7].
ЕГЭ пыртымаш
Кӓндӓкш тымдымы дисциплина доно ЕГЭ-м пыртымы шотышты экспериментӹм пӹтӓришӹ гӓнӓ 2011 ин Суасламары дон Мары Эл республикӹвлӓштӹ, Якутиштӹ дӓ тенгеок Самарский дон Ростовский областьвлӓштӹ эртӓрӹмӹ ылын[8]. 2002 ин иктешлӹшӹ кугижäншӹ экзаменӹм пыртымы шотышты эксперимент сӓндӓлӹк мычкы 16 регионышты эртен[9]. 2003 ин эксперимент РФ-н 47 субъектшӹм ӓвӓлтен, 2004 ин — сӓндӓлӹкӹн 65 регионжым[10]. 2006 ин ЕГЭ-м Российӹн 79 регионыштыжы 950 тӹжем тыменьшӹ сдаэн. 2008 ин экзаменӹм цилӓ регионышты миллион утла тыменьшӹ кычен.
ЕГЭ-м эртӓрӓш министр Владимир Филиппов шанен лыктын, Владимир Хлебников ӹлӹмӓшӹш пыртен[11].
ЕГЭ-м эртӓрӹмӹм Образовани дӓ наука шотышты надзорым шоктышы федеральный служба Россий Федерациштӹшӹ субъектвлӓн исполнительный властьын образовани шотышты пӓшӓм виктӓрӹшы органвлӓжӹ доно иквӓреш видӓ[12].
2023 ин 17 ноябрьын Рособрнадзор 2026 и якте ЕГЭ-м эртӓрӹмӹ доно кӹлдӓлтшӹ системӹвлӓм отечественный программный обеспечениш ваштат манын увертӓрен[13].
2023 ин 29 ноябрьын Рособрнадзорын вуйлатышыжы Анзор Музаев ЕГЭ-м лишӹл 5-10 иштӹ онлайн форматыш вашташ ана тӹнгӓл манын келесен[14].
Примечани
- ↑ Приказ Минобрнауки России от 26.12.2013 N 1400. legalacts.ru. Дата обращения: 5 апрельӹн 2019. Архивировано 1 апрельӹн 2019 года.
- ↑ Федеральный закон от 09.02.2007 N 17-ФЗ "О внесении изменений в Закон Российской Федерации "Об образовании" и Федеральный закон "О высшем и послевузовском профессиональном образовании" в части проведения единого государственного экзамена" (с изменениями и дополнениями) (утратил силу) | ГАРАНТ. base.garant.ru. Дата обращения: 5 апрельӹн 2019. Архивировано 11 апрельӹн 2019 года.
- ↑ Об утверждении сроков и единого расписания проведения ЕГЭ в 2009 году | Педагогическая периодика. Каталог публикаций. periodika.websib.ru. Дата обращения: 5 апрельӹн 2019. Архивировано 17 июньын 2019 года.
- ↑ Порядок проведения ЕГЭ в 2009 году(недоступная ссылка)
- ↑ ЕГЭ по математике разделят на базовый и профильный уровень(руш), РИА Новости. Архивировано 13 ноябрьын 2017 года. Дата обращения: 16 майын 2017.
- ↑ ЕГЭ по китайскому языку свидетельствует о возрастающем интересе к Китаю — министр науки и высшего образования РФ, «Синьхуа» (4 июня 2019). Дата обращения: 23 декабря 2022.
- ↑ В Госдуму внесли проект об отмене ЕГЭ. РИА Новости (6 июньын 2024). Дата обращения: 6 июньын 2024.
- ↑ Е.В.Мишукова. Единый государственный экзамен. Идея, сущность, принципы. bank.orenipk.ru (декабрь 2001). Дата обращения: 22 майын 2010. Архивировано из оригинала 18 октябрьын 2018 года.
- ↑ Более половины школьников будут сдавать единый госэкзамен, Страна.RU (8 октября 2002). Архивировано 11 мартын 2012 года. Дата обращения: 22 майын 2010.
- ↑ ЕГЭ не может расцениваться в качестве единственного критерия, Российский общеобразовательный портал (18 октября 2004). Архивировано 29 июньын 2013 года. Дата обращения: 22 майын 2010.
- ↑ История Единого государственного экзамена в России. Дата обращения: 29 августын 2016. Архивировано 11 сентябрьын 2016 года.
- ↑ Положение о Федеральной службе по надзору в сфере образования и науки — Постановление Правительства РФ от 17.06.2004 № 300. Дата обращения: 18 декабрьын 2011. Архивировано из оригинала 5 августын 2011 года.
- ↑ Рособрнадзор планирует перевести системы ЕГЭ на российское ПО к 2026 году. РБК (17 ноябрьын 2023). Дата обращения: 17 ноябрьын 2023.
- ↑ В Рособрнадзоре исключили перевод ЕГЭ в онлайн-формат в ближайшие 5-10 лет. Росбалт (29 ноябрьын 2023).