Гуманитарный палшыкын цилӓ сӓндӓлӹкӹштӹшӹ кечӹжӹ
Гуманитарный палшыкын цилӓ сӓндӓлӹкӹштӹшӹ кечӹжӹм (ООН-н молы официальный йӹлмӹ доно: англ. World Humanitarian Day, араб. اليوم العالمي للعمل الإنساني, исп. Dia Mundial de la Asistencia Humanitaria, кит. 世界人道主义日, франц. la Journee mondiale de l’aide humanitaire) ООН-н Генеральный Ассамблейӹжӹ 2008-шӹ ин 11-шӹ декабрьын увертӓрен (A/RES/63/139 резолюци). 19-шӹ августын пӓлемдӓлтеш. Тидӹ кечӹн 2003-шы ин ООН-н Багдад халаштышы штаб-квартирӹштӹжӹ пыдештӓрӹмӓш гишӓн 22 эдем колен, нӹнӹ лошты ООН-н кымдан пӓлӹмӹ пӓшӓзӹжӹ Сержиу Виейра ди Меллу лин.
Генеральный Ассамблейӹштӹшӹ резолюциштӹ тенге сирӹмӹ:
 |
Гуманитарный палшыкын цилӓ сӓндӓлӹкӹштӹшӹ кечӹжӹ общественностьын цилӓ сӓндӓлӹкӹштӹ гуманитарный палшыкым пумы дӓ ти пӓшӓм цилӓ халык доно иквӓреш ӹштӹмӹ гишӓн пӓлӹмӓшӹжӹн кӱкшӹцшӹм кузыкташ ӹштӓлтӹн. Цилӓ гуманитарный персоналлан, тенгеок ООН-н персоналжылан дӓ тӹдӹ доно кӹлдӓлтшӹ персоналлан, кыды ӹлӹмӓшӹш гуманитарный идеалвлӓм пырташ цацен дӓ тӹдӹлӓн, кыды ӹшке долгшым шоктымы годым ӹлӹмӓшӹжӹм пуэн...
|
 |
Гуманитарный палшыкын цилӓ сӓндӓлӹкӹштӹшӹ кечӹжӹм увертӓрӹмӹ годым ООН-н Генеральный секретарьжы ти кечӹ «нужда доно ӹлӹшӹ эдемвлӓ гишӓн, нӹнӹлӓн заслуженный палшыкым пумы гишӓн ӓшӹндӓрӹктӓш» келеш манын пӓлемден.
2009-шӹ ин икшӹ гӓнӓ пӓлемдӹмӹ Гуманитарный палшыкын цилӓ сӓндӓлӹкӹштӹшӹ кечӹжӹ эдемвлӓм ытарымы годым колышывлӓм ӓшӹндӓрӹмӹ лӹмеш эртӓрӓлтӹн.
Каждый ин увертӓрӹмӹ тема
- 2009 и — Гуманитарный палшыкын цилӓ сӓндӓлӹкӹштӹшӹ кечӹжӹм икшӹ гӓнӓ пӓлемдӹмӓш
- 2010 и — кокшы айо
- 2011 и — «Иктӹ-весӹлӓн палшаш»
- 2012 и — «Мӹнь тиштӹ ылынам»
- 2013 и — «Мирлӓн шукырак келеш»
- 2014 и — «Мирлӓн шукырак келеш»
- 2015 и — «Сӓндӓлӹкӹштӹшӹ эдем йыхым кымылангден
- 2016 и — «Ик эдем йых»
- 2017 и — «Гражданский населени цель семӹнь ак шотлалт»
- 2018 и — «Гражданский лицӓ #NotAMilitaryTarget»
- 2019 и — «Гуманитарный палшыкышты ӹдӹрӓмӓшвлӓ» #гуманитарный пӓшӓзӹвлӓ»
- 2020 и — «Тӧр ӹлӹмӓшӹн геройвлӓжӹ»
- 2021 и — «Эдем йых верц цацымаш»