Борисов, Юрий Александрович

Ирӹкӓн энциклопеди Википеди гӹц материал
Юра Борисов
Юра Борисов РБК.jpg
Шачмы кечӹ 1992 и 8 декабрь(1992-12-08) (33 и)
Шачмы вӓр Реутов, Москва область, Россий
Гражданство  Россий
Професси Актёр
Карьера 2010 — к. ж.
Наградывлӓ «Шӧртньӹ ӹлӹштӓш» (2013)
«Идӓлыкын событи» (2019)
«Идӓлыкын актёр» GQ (2020)
«Шӧртньӹ кучкыж» (2021)
Российӹн киноведвлӓн дӓ критиквлӓн гильди (2022)
IMDb ID 5426973
Кинопоиск ID 2286839
Логотип РУВИКИ.Медиа Медиафайлы на РУВИКИ.Медиа

Юрий Александрович Борисов — (шач. 8 декабрь 1992, Реутов[d], Москва область[d]), утларак Юра Борисов семӹнь пӓлӹмӹ — Российӹштӹшӹ киноактёр[1]. Тенгеок театр шӹндӹмӓшвлӓшты икманяр рольым мадын[2]. Борисов Российӹштӹшӹ актёрвлӓ логӹц сек пӹтӓришӹ престижӓн «Шӧртньӹ глобус» дӓ «Оскар» американский кинопремиэш номинируйымы ылын[3].

«Шӧртньӹ ӹлӹштӓш» (2013 и)[4] дӓ «Шӧртньӹ кучкыж» (2021 и)[5] премивлӓн лауреат. GQ журналын версижӹ семӹнь «Идӓлыкын актёр» (2020 и)[6].

2025 ин январьын «Анора» фильмӹштӹ кокшы планан роль гишӓн «Оскар» премиэш номинируялтын[7], но наградым нӓлде[8].

2025 ин 24 мартын «Ника» национальный кинематографческий преми доно «Сек яжо пӱэргӹ роль» номинациштӹ («Кончится лето» фильм)[9] пӓлемдӓлтӹн.

Биографи

1992 ин 8 декабрьын Москва областьын Реутов халашты шачын[1]. Борисов — актёрын ӓвӓжӹн фамилижӹ. Ӓтяжӹн фамилижӹ яжон шактыде — Сивуха — варарак тӹдӹ фамилижӹм вашталтен[10]. Юран ӓтяжӹ физкультурым дӓ трудым тымден, вара электрик дӓ сантехник пӓшӓм ӹштен. Ӓвӓжӹ риелтор ылын[10]. 90-шы ивлӓн Юран ӓтя-ӓвӓжӹ Черкизов пазарышты пеледӹшӹм выжаленӹт[10]. Школышты самодеятельностьышты участвуен, но ти пӓшӓм серьёзныеш шотлыде[10].

Луаткуд иӓш Щепкин лӹмеш Кӱшӹл театральный училищӹш (руш) (мар. тыменяш пырен (В.М.Бейлисӹн дӓ В.Н.Ивановын курс)[4] (2013 ин пӹтӓрен) дӓ тӹ инок Щепкин лӹмеш училищӹштӹ шӹндӹмӹ «Зойкан квартиржӹ» спектакльышты Аметистовын рольым мадмыжы гишӓн «Сек яжо пӱэргӹ роль» номинациштӹ «Шӧртньӹ ӹлӹштӓш» премин лауреат лин[11].

Киношты 2010 ин снимаялташ тӹнгӓлӹн. «Каждыйын вырсы» (2010 и), «Рискӓн зонышты» (2012), «Лӹпӹвлӓ» (2013 и)[1].

2013-2014 ивлӓн Москваштышы «Сатирикон» театрышты пӓшӓлен[4][12].

2015 ин «Сӓмӹрӹк гварди» телесериалышты Сергей Тюленинӹм мадын, тенгеок «Берлинӹш корны» киношты тӹнг рольым мадын[13]. Лач ти пӓшӓ Борисовым лӹмлӹм ӹштен.

2017 ин Юрий Борисов «Шачмы сир» сериалышты снимаялтын[1][14], 2018 ин — «Келтӹмӓшвлӓн шӹм пар»[15] дӓ «Т-34» фильмвлӓштӹ. «Ӱшкӱж» (2019 и)[16] киношты тӹнг рольым мадмыжы гишӓн «Киношты сек яжо пӱэргӹ роль» категориштӹ «Шӧртньӹ орёл» премиэш номинируялтын[17]. Тенгеок Юра Борисовын ти рольжы «Кинорепортёр» журналын «Идӓлыкын событи» премижӹ доно пӓлемдӓлтӹн («Идӓлыкын пачмаш» категори)[18]. 2019 и Юрийлӓн яжо лӓктӹшӓн лин, тӹдӹ «Ытарымаш ушем» дӓ «Ишкӹлӓлтмӓш» фильмвлӓштӹ кокшы планан рольвлӓм мадын[1][19].

2021 ин Юрий Борисов «Калашников» киношты (фильм прокатыш 2020 ин февральын лӓктӹн) тӹнг рольым мадмыжы гишӓн «Шӧртньӹ кучкыж»[20] премим нӓлӹн[1]. Шачмы элыштыш кинокритиквлӓ ти картинӹм пиш яжон вӓшлинӹт[21][22][23][24].

2021 ин сентябрьын Борисов мистификациштӹ участвуен. Писатель Виктор Пелевинӹш гриммируялтшы, тӹдӹ Москвашты автограф-сессим эртӓрен. Вес писатель, Сергей Минаев, ӹштӹмӹ фото СМИ-штӹ шӓрлен дӓ топ-уверӹш попазен. «Ынгылаш лидӹмӹ Пелевин Российӹш пӧртӹлӹн» манын сиренӹт. Тидӹн паштек Минаев Пелевин образышты ылшы Борисовын фотом Esquire журналын октябряш номереш вӓрӓнгден[25].

2023 ин Михаил Булгаковын «Мастар дӓ Маргарита» романын экранизациштӹ Бегемот котим юкангден[1], тенгеок «Кентавр» триллерӹштӹ тӹнг рольым мадын[26].

Юра Борисов «Анора» фильмӹштӹ

2024 ин «Анора» фильмӹштӹ кокшы плана рольым мадын[27]. Картин 77-шӹ Канныштышы кинофестивальышты «Шортньӹ пальма укшым» нӓлӹн. Юрий Борисов ти фильмӹштӹшӹ роль гишӓн «Шӧртньӹ глобус» премиэш[28] (нӓлде) дӓ «Оскареш» номинируялтын[7] (нӓлде[29]). Rolling Stone журналын увер семӹнь, «Анора» кино 2024-шӹ иӓш коклы сек яжо фильм лошты нылӹмшӹ вӓрӹм нӓлӹн[30].

2025 ин январьын «Анора» фильмӹштӹшӹ роль гишӓн BAFTA[31] (нӓлде[32]), США-н киноактёрвлӓн Гильдин[33] (нӓлде[34]), Ванкуверӹштӹшӹ кинокритиквлӓн кружок премивлӓэш номинируялтын[35].

Юра Борисов семняжы доно «Оскарлан» номинируйымы паштек интервью годым

2025 ин 23 январьын «Анора» фильмӹштӹшӹ роль гишӓн «Оскареш» номинируялтын[36]. «Оскар» дӓ «Шӧртньӹ глобусыш» номинацивлӓм нӓлшӹ Российӹштӹшӹ пӹтӓришӹ актёр лин. Тӹлец пасна, Борисов — СССР шӓлӓнӹмӹ паштек Америка киноакадемин премиэш номинируялтшы Россий гӹц пӹтӓришӹ артист. Юра дон иквӓреш кокшы планан сек яжо пӱэргӹ роль гишӓн «Оскарлан» номинацим Гай Пирс, Эдвард Нортон, Киран Калкин дӓ Джереми Стронг нӓлӹнӹт[7].

2025 ин 25 январьын «Кустенфорд» фестивальышты Эмир Кустурица Юра Борисов тӹдӹн «Кыце мӹнь «Преступлени дӓ наказаним снимайыделам» у фильмӹштӹжӹ тӹнг рольым мадаш тӹнгӓлеш манын пӓлдӓрен[37].

2025 ин февральын Санкт-Петербургышты «Битва моторов» художественный кинофильмӹм снимаяш тӹнгӓлӹнӹт, тӹдӹн сюжетшӹн негӹцеш 1911-1912 ивлӓн лачокок лишӹ событивлӓм пиштенӹт, кынам руш гонщик дӓ «Автомобиль» журналым лыкшы Андрей Нагель штурман Дмитрий Бондарев доно иквӓреш Монакошты эртӹшӹ раллиштӹ участвуяш Руссо-Балт 24/55 болид доно кыдалыныт. Тӹнг рольвлӓ гӹц иктӹжӹм — «штурманым», Юра Борисов мадеш[38].

2025 ин 10 апрельӹн Variety журнал увертӓрен: Борисов голливудский сек кого агентство United Talent Agency доно контрактым заключаен[39].

2025 ин 10 июньын пӓлӹ лин: Борисов Dennis фильмӹштӹ тӹнг рольым мадеш — актриса Эмилия Мортимерӹн режиссёрский дебютӹштӹжӹ[40]. Тидӹ A24 дӓ Fruit Tree студивлӓн проектӹштӹ, съёмочный площадкышты Борисовын партнёржы ирландский актриса Элисон Оливер лиэш. Фильм руш поэт дӓ британский студенткӹн 1990 ивлӓштӹшӹ Москван атмосферӹштӹ романтика сӹнӓн кӹлӹштӹ гишӓн шайыштеш[41].

2025 ин 27 июньын Кинематографический искусство дӓ наука америкӹштӹшӹ академи российӹштӹшӹ актёр Юрий Борисовым ӹшке составышкыжы пыраш ӱжӹн. 534 кино деятель спискӹш тенгеок «Анора» фильмӹштӹ иквӓреш пӓшӓлӹшӹ Майки Мэдисон дон Карен Карагулян пыренӹт. Борисов ти фильмӹштӹ кокшы планан роль гишӓн «Оскар» дӓ «Шӧртньӹ глобус» премивлӓэш номинируялтын. Ӱжмӓшӹм принимая гӹнь, 11120 член лиэш[42].

2025 ин 9 июльын Variety еженедельник увертӓрен: Борисовым «Искусственный» (Artificial) фильмӹштӹ рольым мадаш официально пингӹдемдӹмӹ, OpenAI-лӓн негӹцӹм пиштӹшӹ Сэм Альтманым пӓшӓ гӹц карангдымы дӓ пӧртӹлтӹмӹ[43]. Проектӹм Amazon MGM вуйлата, фильм «искусственный интеллект сӓндӓлӹкӹштӹ кешӹ собитивлӓ гишӓн комеди драма» ылеш[44].

Личный ӹлӹмӓш

  • Вӓтӹжӹ — Анна Шевчук, актриса. «Доктор Рихтер», «The Тёлки», «Ытаралтшывлӓ» дӓ т.м. гань рейтингӓн киновлӓштӹ снимаялтын[45][46].
  • Ӹдӹржӹ — Марфа.
  • Ӹдӹржӹ — Акулина[47].

Фильмографи

И Лӹм Роль
2010 ф Кредӓлмӓш: Колымаш доно тергӹмӓш Алексей Козлов сӓмӹрӹкшӹ годым
2010 с Шӹп канцеляри экспедиторын сирмӓшвлӓжӹ Петр Кокшын Паж
2011 с Ваштылмаш дӓ сулык Алексей
2011 с Каждыйын ӹшке вырсыжы Роберт Крохин
2012 с Риск зонышты Денис Тавардин
2012 с Фрейдын йӧнжӹ Сергей, шолы
2013 с Ӓвӓ-детектив Слава Кузин, стажёр
2013 с Лӹпӹвлӓ Павел Державин
2013 с Вӹд лӹвӓкӹ валымаш Дмитрий
2014 с Цеверӹн, яратымем! Кибиров, оперативник
2014 с Тошты пичӓл сапёр
2014 с Кешӹ натура Игорь Звонарёв
2015 с Лӱмӹ юк Паша Крутов
2015 ф Берлинӹш корны Сергей Огарков
2015 с Сӓмӹрӹк гварди Сергей Тюленин
2015—2017 с Кӱ джунглин законвлӓ Влад Зимовцев, «Тел»
2017 ф Немотка Ромыч
2017 с Шачмы сир Степан Морозов
2018—2023 с Ольга Лев Заевский
2018 ф Порт Ромыч
2018 ф Келтӹмӓшвлӓн шӹм пар Сбоев
2018 ф Хрусталь Алик
2019 ф Т-34 Серафим Ионов
2019 ф Ӱшкӱж Антон Быков
2019 ф Аванпост лейтенант Максим Касаткин
2019 ф Ытарышы ушем Антон Арбузов
2019 ф Ишкӹлтмӓш Иван Коробанов
2020 ф Калашников Михаил Калашников
2020 ф Ӧфи Банда вуйлатышы
2020—2024 с Мир! Келшӹмӓш! Жвачка! Александр Волков (Алик-афганец)
2020 ф Ши коньки Алекс
2021 ф Мӹньӹн ӹдӹремӹм иктӓ-кӱ ужын? Сергей
2021 ф Якшар призрак тӹнгшӹ
2021 ф Петроввлӓ гриппышты Саша
2021 ф Герда Олег
2021 ф Кудымшы номерӓн купе Лёша
2021 ф Капитан Волконогов кыргыжын капитан Волконогов
2021 ф Ӓви, мӹнь тонна ылам пӓлӹдӹмӹ
2021 ф Имитатор Сергей
2021 ф Пӓшӓм иквӓреш ӹштӹшӹвлӓ Пётр
2022 с Эпидеми (кокшы сезон) Женя
2022 с Нимат когонжы Лёха
2022 ф Лиза дӓ йозы макет Иван
2023 ф Кентавр Саша, таксист
2023 ф Шачмы и Сопля
2023 ф Октябрьын отпуск актёр съёмкышты
2024 ф Шӱдӹ и анзыц Глот
2024 ф Мастер дӓ Маргарита Мастер дӓ Маргарита
2024 ф Анора Игорь
2024 с Урок Антон
2024 с Руш революцин хроникӹжӹ Имя персонажа не указано
2024 с Анна К Константин Лёвин
2024 ф Кӓнгӹж пӹтӓ Кеша
2025 ф Пророк. Александра Пушкинӹн историжӹ Пушкин Пушкин[48]
2025 с Урок Антон

Юкангдымаш

  • 2023 и — «Мастер дӓ Маргарита» (Бегемот коти)[1]

Театрышты рольвлӓ

Изирӓк театр
  • Юнкер — «Шим лым», М.А.Булгаковын «Ош гварди» роман дӓ «Турбинвлӓн кечӹвлӓ» пьеса семӹнь (реж. Евгений Дмитриев)[4]
«Страстнойышты» Театральный центр
  • Митя Лавров — «Яратымывлӓ доно идӓ айырлы», А.М. Володин (реж. Вероника Родионова)[4]
Сатирикон
  • Людовико — «Отелло», У.Шекспир (оеж. Юрий Бутусов)[49]
  • Балтазар — «Ромео дӓ Джульетта», У Шекспир (реж. Константин Райкин[50]

Музыкан клипвлӓ

  • 2020 и — «Код» (Feduk)[51]

Наградывлӓ дӓ номинациявлӓ

И Награда Категори Пӓшӓ Лӓктӹш
2013 Шӧртньӹ ӹлӹштӓш Сек яжо пӱэргӹ роль «Зойкан квартиржӹ» Сӹнгӹмӓш
2020 Шӧртньӹ орёл Киношты сек яжо пӱэргӹ роль «Ӱшкуж» Номинаци
2020 Москваштышы международный кинофестиваль Chopard Talent Awards «Ӱшкӱж» Сӹнгӹмӓш
2020 Идӓлыкын событи Идӓлык пачмаш Сӹнгӹмӓш
2020 GQ журналын преми Идӓлыкын актёр Сӹнгӹмӓш
2021 Шӧртньӹ кучкыж Киношты сек яжо пӱэргӹ роль «Калашников» Сӹнгӹмӓш
2021 Ника Сек яжо кокшы планан пӱэргӹ роль «Ши коньки» Номинаци
2021 Европыштышы киноакадемин Преми Сек яжо актёр «Кудымшы номерӓн купе» Номинаци
2021 Сан-Паулушты Международный кинофестиваль Сек яжо актёр «Кудымшы номерӓн купе» Сӹнгӹмӓш
2021 Вальядолидештӹ Международный кинофестиваль Сек яжо актёр «Кудымшы номерӓн купе» Сӹнгӹмӓш
2021 Шӧртньӹ единорог Сек яжо актёр «Капитан Волконогов кыргыжын» Сӹнгӹмӓш
2022 Ош слон Сек яжо тӹнг пӱэргӹ роль «Капитан Волконогов кыргыжын» Сӹнгӹмӓш
2022 Шӧртньӹ кучкыж Киношты сек яжо пӱэргӹ роль «Капитан Волконогов кыргыжын» Номинаци
2022 Юсси Сек яжо актёр «Кудымшы номерӓн купе» Номинаци
2022 Ника Сек яжо пӱэргӹ роль «Капитан Волконогов кыргыжын» Номинаци
2022 Российӹн киноведвлӓн дӓ критиквлӓн гильди Сек яжо пӱэргӹ роль «Кудымшы номерӓн купе» Номинаци
2022 Российӹн киноведвлӓн дӓ критиквлӓн гильди Сек яжо пӱэргӹ роль «Капитан Волконогов кургыжын» Сӹнгӹмӓш
2024 Astra Film Awards Сек яжо кокшы планан роль «Анора» Номинаци
2024 Шӧртньӹ глобус Сек яжо кокшы планан роль «Анора» Номинаци
2025 Оскар Сек яжо кокшы планан роль «Анора» Номинаци
2025 Ника Сек яжо пӱэргӹ роль «Кӓнгӹж пӹтӓ» Сӹнгӹмӓш

Примечани

  1. ↑ 1 2 3 4 5 6 7 8 Юра Борисов. Кинопоиск. Тергӹмӹ кечӹ: 11 сентябрьын 2025.
  2. ↑ Кто такой Юра Борисов, которого номинировали на «Оскар»?, AiF (23.01.2025). Дата обращения: 11 сентябрьын 2025.
  3. ↑ Что известно о Юре Борисове - первом российском актере, номинированном на "Оскар", TACC (23.01.2025). Дата обращения: 11 сентябрьын 2025.
  4. ↑ 1 2 3 4 5 Юра Борисов. Кино-театр.ру. Тергӹмӹ кечӹ: 11 сентябрьын 2025.
  5. ↑ Юра Борисов — Награды. Кинопоиск. Тергӹмӹ кечӹ: 11 сентябрьын 2025.
  6. ↑ Премия «Человек года — 2020» по версии журнала GQ. РИА Новости Медиабанк. Тергӹмӹ кечӹ: 11 сентябрьын 2025.
  7. ↑ 1 2 3 Юру Борисова номинировали на «Оскар», РБК. Дата обращения: 11 сентябрьын 2025.
  8. ↑ Юра Борисов не получил «Оскар», РБК (03.03.2025). Дата обращения: 11 сентябрьын 2025.
  9. ↑ Борисов и Цыганов получили премию "Ника" за "Лучшую мужскую роль", TACC (24 мартын 2025). Дата обращения: 11 сентябрьын 2025.
  10. ↑ 1 2 3 4 Юра Борисов биография, фото, карьера, личная жизнь, РБК. Дата обращения: 11 сентябрьын 2025.
  11. ↑ Театральная премия «Золотой Лист 2013». Премия Золотой лист (30 майын 2013). Тергӹмӹ кечӹ: 11 сентябрьын 2025. Архивировано из оригинала 24 февральын 2020 года.
  12. ↑ За что мы любим Юру Борисова и как простой парень из Реутова стал номинантом на «Оскар», Т⁠—⁠Ж (23 январьын 2025). Дата обращения: 11 сентябрьын 2025.
  13. ↑ Ухов Е. Рецензия на фильм «Дорога на Берлин». Film.ru (12 майын 2015). Тергӹмӹ кечӹ: 11 сентябрьын 2025. Архивируйымы 3 мартын 2020 года.
  14. ↑ Фильмы и сериалы с Юрой Борисовым: 16 интересных картин, START. Дата обращения: 11 сентябрьын 2025.
  15. ↑ Никулин Н. На экраны вышла экранизация повести Каверина «Семь пар нечистых». Известия (8 декабрьын 2018). Тергӹмӹ кечӹ: 11 сентябрьын 2025. Архивируйымы 3 мартын 2020 года.
  16. ↑ Павлючик Л. То ли лошадь, то ли бык… Труд (23 августын 2019). Тергӹмӹ кечӹ: 11 сентябрьын 2025. Архивируйымы 3 мартын 2020 года.
  17. ↑ Объявлены номинанты на премию «Золотой орел – 2019». Интерфакс (22 декабрьын 2019). Тергӹмӹ кечӹ: 11 сентябрьын 2025. Архивируйымы 12 декабрьын 2020 года.
  18. ↑ Альперина С. Андрей Кончаловский за фильм «Грех» получил награду «Мастер-класс года». Российская газета (5 декабрьын 2019). Тергӹмӹ кечӹ: 11 сентябрьын 2025. Архивируйымы 25 декабрьын 2019 года.
  19. ↑ Субботина М. «Такого уровня графики у нас ещё не было»: кинокритик оценил «Вторжение». Пятый канал (10 январьын 2020). Тергӹмӹ кечӹ: 11 сентябрьын 2025.
  20. ↑ Юрий Борисов получил «Золотого орла» за лучшую мужскую роль, РИА Новости (22 январьын 2021). Дата обращения: 11 сентябрьын 2025.
  21. ↑ Фильм о Михаиле Калашникове выйдет в прокат 20 февраля. Интерфакс (30 декабрьын 2019). Тергӹмӹ кечӹ: 11 сентябрьын 2025. Архивируйымы 5 июньын 2020 года.
  22. ↑ Альперина С. Фильм о Михаиле Калашникове выйдет на российские киноэкраны в феврале. Российская газета (1 февральын 2020). Тергӹмӹ кечӹ: 11 сентябрьын 2025.
  23. ↑ В Ижевске прошла премьера фильма, посвящённого Михаилу Калашникову. ТАСС (15 февральын 2020). Тергӹмӹ кечӹ: 11 сентябрьын 2025. Архивируйымы 16 ноябрьын 2020 года.
  24. ↑ Корсаков Д. Ваше слово, товарищ Калашников. Комсомольская правда (20 февральын 2020). Тергӹмӹ кечӹ: 11 сентябрьын 2025. Архивируйымы 13 ноябрьын 2020 года.
  25. ↑ Рассказываем, кто раздавал автографы под видом Виктора Пелевина. Это герой обложки Esquire, актёр Юра Борисов. Esquire (26 сентябрьын 2021). Тергӹмӹ кечӹ: 11 сентябрьын 2025. Архивировано из оригинала 26 октябрьын 2021 года.
  26. ↑ «Кентавр»: Юра Борисов на «Драйве». Кинопоиск. Тергӹмӹ кечӹ: 11 сентябрьын 2025.
  27. ↑ Да кто такой ваш Юра Борисов? Почему весь мир влюбился в актера с каменным лицом и заурядной внешностью, www.e1.ru (23 январьын 2025). Дата обращения: 11 сентябрьын 2025.
  28. ↑ Юрия Борисова номинировали на премию «Золотой глобус», РБК. Дата обращения: 11 сентябрьын 2025.
  29. ↑ Фильм «Анора» получил «Оскар» за лучший оригинальный сценарий, Известия (3 мартын 2025). Дата обращения: 11 сентябрьын 2025.
  30. ↑ «Анора» вошла в топ фильмов года по версии Rolling Stone, Афиша. Дата обращения: 11 сентябрьын 2025.
  31. ↑ Юра Борисов и Марк Эйдельштейн вошли в лонг-лист кинопремии BAFTA, РБК (03.01.2025). Дата обращения: 11 сентябрьын 2025.
  32. ↑ Юра Борисов не получил премию BAFTA за роль в драме "Анора", TACC (16.02.2025). Дата обращения: 11 сентябрьын 2025.
  33. ↑ Юру Борисова номинировали на премию Гильдии киноактеров США. РБК (8 январьын 2025). Тергӹмӹ кечӹ: 11 сентябрьын 2025.
  34. ↑ Юра Борисов не получил награду на последней перед «Оскаром» кинопремии, РБК (24.02.2025). Дата обращения: 11 сентябрьын 2025.
  35. ↑ Актёра Борисова номинировали на премию Ванкуверского кружка кинокритиков, AiF (21 январьын 2025). Дата обращения: 11 сентябрьын 2025.
  36. ↑ Появилось видео, как Юра Борисов празднует номинацию на "Оскар". Сплетник.ру (24 январьын 2025). Тергӹмӹ кечӹ: 11 сентябрьын 2025.
  37. ↑ Юра Борисов сыграет в фильме Кустурицы по мотивам романа Достоевского. iz.ru (25 январьын 2025). Тергӹмӹ кечӹ: 11 сентябрьын 2025.
  38. ↑ В России начали снимать художественный фильм про гонщика на Руссо-Балте. news.drom.ru (6 февральын 2025). Тергӹмӹ кечӹ: 11 сентябрьын 2025.
  39. ↑ СМИ узнали о контракте Юры Борисова с крупнейшим голливудским агентством UTA, Известия (10 апрельӹн 2025). Дата обращения: 11 сентябрьын 2025.
  40. ↑ Юра Борисов снимется в еще одном зарубежном фильме. Кого он сыграет, РБК Life (10 июньын 2025). Дата обращения: 11 сентябрьын 2025.
  41. ↑ Юра Борисов получил главную роль в британском фильме про 90-е. otr-online.ru (10 июньын 2025). Тергӹмӹ кечӹ: 11 сентябрьын 2025.
  42. ↑ Американская киноакадемия пригласила Юру Борисова вступить в свой состав, TACC. Дата обращения: 11 сентябрьын 2025.
  43. ↑ Ritman, Alex. ‘Anora’ Breakout Yura Borisov Confirmed for Luca Guadagnino’s ‘Artificial’ at Amazon MGM, Variety (9 июльын 2025). Дата обращения: 11 сентябрьын 2025.
  44. ↑ Юру Борисова утвердили на роль в фильме про OpenAI, РБК (9 июльын 2025). Дата обращения: 11 сентябрьын 2025.
  45. ↑ Анна Шевчук. Вокруг ТВ. Тергӹмӹ кечӹ: 11 сентябрьын 2025.
  46. ↑ Анна Шевчук. Кинопоиск. Тергӹмӹ кечӹ: 11 сентябрьын 2025.
  47. ↑ Юрий Борисов о жене Анне, жизни на полной скорости и своей роли во «Вторжении» Фёдора Бондарчука. Hello! Russia (4 декабрьын 2019). Тергӹмӹ кечӹ: 11 сентябрьын 2025. Архивируйымы 8 августын 2020 года.
  48. ↑ Зрители в ожидании фильма «Пророк. История Александра Пушкина» с Юрой Борисовым. BFM. Тергӹмӹ кечӹ: 11 сентябрьын 2025.
  49. ↑ В «Сатириконе» состоялась премьера «Отелло». Сатирикон (23 октябрьын 2013). Тергӹмӹ кечӹ: 11 сентябрьын 2025. Архивируйымы 29 октябрьын 2020 года.
  50. ↑ Дебют. Сатирикон (23 октябрьын 2013). Тергӹмӹ кечӹ: 11 сентябрьын 2025. Архивируйымы 23 августын 2019 года.
  51. ↑ FEDUK — Останься. vk.com/video. Тергӹмӹ кечӹ: 11 сентябрьын 2025.

Ссылкывлӓ

«https://mrj.ruwiki.ru/w/index.php?title=Борисов,_Юрий_Александрович&oldid=314692» гӹц нӓлмӹ