Башкортостан Республикӹн кечӹжӹ
| Башкортостан Республикӹн кечӹжӹ | |
|---|---|
 | |
| Тип | кугижӓншӹ айо |
| Пӓлемдӓт | и йӹде |
| Кечӹ | 11 октябрь |
| Пӓлемдӹмӓш | халык мырен каштмаш, концерт, выставка дӓ йӓрмингӓвлӓ |
Башкортостан Республикӹн кечӹжӹ (башк. Башҡортостан Республикаһы көнө) — Башкортостан Республикӹн тӹнг кугижӓншӹ айожы.
Айон историжӹ
Башкортостан Республикӹн кечӹжӹ и йӹде 11 октябрьын пӓлемдӓлтеш. Ти айо Башкортостан Республикӹн кугижӓншӹ суверенитетшӹ гишӓн декларацим, кыды 1990 ин 11 октябрьын подписӓйӹмӹ ылын, пыртымы лӹмеш ӹштӓлтӹн. Республикӹн кечӹжӹ Башкортостанын кугижӓншӹ ӹрдӹ айовлӓжӹ логӹц иктӹжӹ ылеш. Тӹдӹм сакой мероприяти, концерт, спорт тӓнгӓшӹмӓш дӓ халык мырен каштмаш доно аят.
Айон историжӹ 1990 ин республикӹн СССР гӹц кугижӓншӹ ирӹкӓн ылмыжым увертӓрӹмӹ паштек тӹнгӓлеш. Тӹ жепӹн Башкирский АССР, тӹнӓм Советский Союзын республикӹжӹ, ӹшке суверенитетшӹм дӓ кугижӓншӹ стройымашым ӹшке вуя ӹштӓш тӹнгӓлмӹм пингӹдемден. Тидӹ событи кӹзӹтшӹ Башкортостаным, Россий Федерацин самостоятельный субъектшӹ семӹнь, ӹштӹмӓш докы лишемден[1] .
Айымаш
Республикӹн кечӹжӹм, культурный дӓ спорт доно кӹлдӓлтшӹ сакой меропрятим эртӓрен, аят. Овуца семӹнь Уфашты, Правительство тома анзылнышы площадьышты, Башкортостанын флагшым лӱктӓт. Тенгеок парад, шестви, халык творчествын выставка, йӓрмингӓ, спорт тӓнгӓшӹмӓш эртӓрӓлтӹт, вӓрӹштӹшӹ артист дон коллективвлӓ концертвлӓштӹ выступаят.
Кого внимани Башкортостанын историжӹлӓн дӓ культурыжылан айыралтеш. Ти кечӹн музейӹштӹ экскурсим эртӓрӓт, кого событи дӓ республикӹн лӹмлӹ эдемвлӓ гишӓн лекцим дӓ шаям видӓт[2].
Республикӹн цилӓ вӓрӹштӹжӹ айо лӹмеш халык мырен каштмаш кеӓ, спорт тӓнгӓшӹмӓшвлӓ эртӓрӓлтыт. Тенгеок йӓрмингӓвлӓ пачылтыт. Тӹштӹ сельскохозяйственный продукци дон сакой товарым нӓлӓш лиэш. Эче республикӹштӹ ӹштӹмӹ кӹзӹтшӹ сельскохозяйственный техникӹм анжалаш лиэш. Тидӹ кечӹн халык литературный дӓ музыкальный вадым, лыдмаш конференцим, сакой тематикӓн вӓшлимӓшӹм дӓ выставкым эртӓрӓш ярата. Концертӹн программышкыжы руш дӓ башкир поэт дон композиторвлӓн сирӹмӹ рушла дӓ башкирлӓ лыдышвлӓштӹ дон мырывлӓштӹ пырат[3].
Башкортостан Республикӹн кечӹжӹ регионыштышы халыкын цымыр ылмыжым дӓ ӹшке шачмы-кушмы вӓр верц когоэшнӹмӓшӹжӹм анжыкта, седӹндон ти кечӹ нӹнӹлӓн керӓл ылеш. Айо халыкын иквӓреш лимӹм дӓ культура шотышты паян ылмым ынгылымашыжым дӓ патриотизмӹм пигӹдемдӓ, тенгеок Башкортостанышты ӹлӹшӹ халыкын культура дон овуцажым виӓнгдӓ.
Примечани
- ↑ Акманов И.Г. История Башкортостана с древнейших времён до наших дней / Н. С. Ахметов; пер. с англ. А. Б. Васильева. — Уфа: Китап, 2004. — 490 с. — ISBN 5-295-03488-7.
- ↑ День Башкирии в Уфе: что, где, когда. МедиаКорСеть (19 сентябрьын 2024).
- ↑ Концертная программа «Цвети, родной Башкортостан!» Министерство культуры Российской Федерации (2 октябрьын 2024).
Ссылкывлӓ
- Как жители Башкирии будут отдыхать в 2024 году? Официальный портал Республики Башкортостан (11 декабрьын 2023).
- День республики — день принятия Декларации о государственном суверенитете Башкирской Советской Социалистической Республики. Региональный интерактивный энциклопедический портал «Башкортостан» (11 декабрьын 2023).
- В Башкортостане состоится большой праздничный концерт в честь Дня Республики. Глава Республики Башкортостан (11 декабрьын 2023).