Баженов, Василий Александрович
| Василий Александрович Баженов | ||||
|---|---|---|---|---|
 | ||||
| Шачмы кечӹ | 1919 и 10 апрель | |||
| Шачмы вӓр | Мунанга сола, Уржум уезд, Вятка губерня | |||
| Колымы кечӹ | 1987 и 6 апрель (67 и) | |||
| Колымы вӓр | Йошкар-Ола | |||
| Гражданство |
 СССР |
|||
| Пӓшӓн йиш | Слесарь-инструментальщик | |||
| Награда дӓ премивлӓ |
|
|||
Василий Александрович Баженов (1919 и 10 апрель, Мунанга сола, Уржум уезд, Вятка губерня — 1987 и 6 апрель, Йошкар-Ола, Мары АССР) — СССР-н Электрон промышленность министерствын Йошкар-Олаштышы полупроводник приборым лыкшы заводын слесарь-инструментальщикшӹ. Социалистический Пӓшӓн Геройжы (26.04.1971).
Ӹлӹмӓш корныжы
1919 ин 10 апрельӹн Вятка губернян Мунанга солашты руш семняэш шачын. Кӹдӓлӓш пӓлӹмӓшӹм тӹрӹс нӓлӹн шоктыде, У Торъял МТС-ӹштӹ мотористӹн пӓшӓм ӹштен. 1939 ин Якшар Армиш нӓлӹнӹт. Военный службым Забайкальештӹ сапёр подразделеништӹ эртен.
1945 ин августын Советско-японский вырсышты лин.
1946 ин демобилизаци паштек шачмы велӹш пӧртӹлӹн дӓ Йошкар-Олаштышы полупроводник прибор заводыш мотористӹн пӓшӓм ӹштӓш пырен. Варарак слесарь-инструментальщик специальностьым тыменьӹн. Пакыла мастерӹн пӓшӓм ӹштен, 1964 и гӹц — слесарь-инструментальщикӹн. Сӓмӹрӹк пӓшӓзӹвлӓн тымдышышты лин. 7-шӹ вӹциӓш пӓшӓн лӓктӹшӹжӹ семӹнь Ленин орден доно награждайымы ылын[1].
1971 ин 26 апрельӹн лыкмы указ семӹнь Василий Баженовлан вӹциӓш планым шоктымы годым кого заслуга гишӓн Социалистический Пӓшӓн Геройжы званим пумы, Ленин орден дон «Сарла дон Молыт» шӧртньӹ медальым кычыктымы.
1978 ин заслуженный кӓнӹмӓшкӹ лӓктӹн.
1987 ин 6 апрельӹн колен.
Мактымашвлӓ
Пӓшӓштӹ сӹнгӹмӓшӹш шомы гишӓн техень наградывлӓжӹ улы:
- Социалистический Пӓшӓн Геройжы (26.04.1971);
- Ленин орден (29.07.1966);
- Ленин орден (26.04.1971);
- «Почёт знак» орден (06.12.1957);
- Ӓтямӱлӓндӹ вырсын орден — II степень (11.03.1985).
В. А. Баженов заводышты пӓшӓм ӹштӹмӹ годым луаткым Почётан грамота доно награждайымы ылын.
Йошкар-Олан почётан гражданинжӹ (1969 и).
Примечани
- ↑ Они защищали родину. textarchive.ru. Дата обращения: 3 майын 2020. Архивировано 17 апрельӹн 2019 года.
Литература
- Баженов Василий Александрович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 236. — 872 с. — 3505 экз. — ISBN 978-5-94950-049-1.
- Краснов П. В., Мочаев В. А. Баженов Василий Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 41. — 606 с. — 1500 экз. — ISBN 978-5-905314-35-3.