Артистӹн кечӹжӹ
| Артистӹн кечӹжӹ | |
|---|---|
 | |
| Тип | Профессиональный |
| Ӹштӹшӹ | РФ-н Правительствыжы |
| Пӓлемдӓт | и йӹде |
| Кечӹ | 17 январь |
Артистӹн кечӹжӹ (руш. День артиста) — Российӹштӹ 2025-шӹ ин июльын ӹштӹмӹ профессиональный айо. Айом РФ Театр пӓшӓзӹвлӓн ушемжӹн председательжӹ Владимир Машковын инициативӹжӹ доно ӹштӹмӹ. Айо кечӹ актёр мастарлык системӹм ӹштӹшӹ Константин Станиславскийӹн шачмы кечӹжӹлӓн келӹштӓрӓлтӹн[1]. Айо музыкант, мырызы, кино, театр дӓ циркӹштӹшӹ артиствлӓлӓн профессиональный празныкышты ылеш[2].
РФ-н Культура министерствыжылан ти пынзалтышым пингӹдемдӓш ведомственный нормативный актым лыкшашлык[3].
Истори
1917-шӹ ин Российӹштӹ пӹтӓриш гӓнӓ Руш актёрын кечӹжӹ эртӓрӓлтӹн, тӹдӹм Руш театр ушем театрым виӓнгдӓш дӓ актёрвлӓлӓн палшык семӹнь оксам погаш манын эртӓрен[4].
2024-шӹ ин декабрь тӹнгӓлтӹшӹн Владимир Машков РФ Театр пӓшӓзӹвлӓн ушемжӹн секретариатшын кымдаэмдӹмӹ заседаништӹжӹ Артистӹн кечӹжӹм ӹштӓш предлагаен. Тӹдӹн шаяжы семӹнь: «ти кечӹ театр пӓшӓзӹвлӓ лошты знаковый лиэш. Тӹдӹн лӹмжӹм такеш агыл айырен нӓлмӹ, тӹдӹ званивлӓ гӹц лӓктеш: халык дӓ заслуженный артист, техень лӹм театр, сем, цирк, эстрада дӓ кино искусствышты айыртемӓлтшӹ цацен ӹштӹмӹ пӓшӓ дон кого сӹнгӹмӓш гишӓн пуалтеш»[5].
Тенгеок Машков пӓлемден: тенге РФ-н Театр пӓшӓзӹвлӓн ушемжӹ Мария Гавриловна Савинан дӓ Театр ушемӹн историштӹжӹ ылшы цацымашыштым пӧртӹлтӹнежӹ, тӹнӓм Актёр кечӹн иэш ик гӓнӓ артиствлӓ спектакльым анжыктенӹт, тӹшец погымы окса Санкт-Петербургышты Сценӹн ветеранвлӓн пӹтӓришӹ пӧртӹм строяш колталтын[5].
Актёрвлӓн вес айовлӓштӹ
26-шы августын цилӓ сӓндӓлӹкӹштӹ, тенгеок Российӹштӓт, Актёрын международный кечӹжӹ пӓлемдӓлтеш, тӹдӹм мӓмнӓн курымын III курымыштыжы ӹлӹшӹ тошты Римӹштӹшӹ актёр Генезий Римскийӹм ӓшӹндӓрӹмӹ лӹмеш ӹштенӹт, тӹдӹ сцена вӹлнӹ христианвлӓм мыскылен, тӹнӓмшӹ у религиш ушнен дӓ ӹшкежӓт христианин лин, тидӹм халык анзылны увертӓрӹмӹжӹ гишӓн тӹдӹм казненӹт. Вара тӹдӹм канонизируенӹт дӓ актёр, музыкант дӓ эпилептиквлӓн святойышты семӹнь пӓлемденӹт[6][7].
Примечани
- ↑ В России 17 января будет отмечаться День артиста, Interfax.ru (3 августын 2025). Дата обращения: 3 августын 2025.
- ↑ В России 17 января будут отмечать новый праздник — День артиста, Коммерсантъ (3 августын 2025). Дата обращения: 3 августын 2025.
- ↑ В России будет отмечаться День артиста (руш.). government.ru (3 августын 2025). Тергӹмӹ кечӹ: 3 августын 2025.
- ↑ День русского актера. Проект 1917(неопр.). project1917.ru. Тергӹмӹ кечӹ: 3 августын 2025.
- ↑ 1 2 Машков предложил учредить День артиста, TACC. Дата обращения: 3 августын 2025.
- ↑ Генесий Мим. www.pravenc.ru. Тергӹмӹ кечӹ: 3 августын 2025.
- ↑ Catholic Encyclopedia: Genesius (англ.). www.newadvent.org. Тергӹмӹ кечӹ: 3 августын 2025.