Анимешникӹн цилӓ сӓндӓлӹк лоштышы кечӹжӹ
| Анимешникӹн цилӓ сӓндӓлӹк лоштышы кечӹжӹ | |
|---|---|
 | |
| Кечӹ | 11 апрель |
Анимешникӹн цилӓ сӓндӓлӹк лоштышы кечӹжӹ — японский анимаци лӹмеш шанен лыкмы айо. Тӹдӹм каждый ин цилӓ сӓндӓлӹк мычкы 11-шӹ апрельӹн пӓлемдӓт[1][2].
Халык лоштышы айош актёр, художник, анимацим яратышывлӓ дӓ ти искусствым жеплӹшӹвлӓ ушнат.
2023 ин Российӹштӹ Анимешникӹн цилӓ сӓндӓлӹк лоштышы кечӹжӹ 11 апрельӹн официальный агыл кӱкшӹцӹштӹ эртен.
Айон цельжӹ — анимем кымдан пӓлӹмӹм ӹштӓш, японский мультипликацин культурым виӓнгдӓш.
Тидӹ кечӹн анимем яратышывлӓ цымыргат, конкурс, костюмым чиэн каштмаш, актёрский мастарлыкым виӓнгдӹмӹ шотышты тыменьмӓш, флешмоб, акци эртӓрӓлтеш, японский кино дӓ анимаци анжыкталтеш.
Айон овуцажы
Ти кечӹн жанрын геройвлӓжӹ семӹнь чишӹвлӓ погынат. Жеплӹшӹвлӓ яратымы сирӹмӓшвлӓ, комикс дӓ подарка доно иктӹ-весӹ лошты вашталтылыт. Концерт (тӹнг вӓрвлӓштӓт, шамак толшеш, ВДНХ-н оранжерейӹштӹжӹ[3]), погынымаш, конкурс, костюмым чиэн каштмаш, актёрский мастарлыкым виӓнгдӹмӹ шотышты тыменьмӓш ӹштӓлтеш. Флешмобвлӓ, аниме овуцам шӓрӹкӓлӹшӹ акцивлӓ эртӓрӓлтӹт. СМИ-н эфирӹштӹ японский анимацим анжыктат.
Российӹштӹ
2014 ин Калуга халаштышы Сӹнгӹмӓш площадьышты айо лӹмеш костюм доно каштмы парад эртен[4].
Примечани
- ↑ Всемирный день анимешника. Культура.РФ. Тергӹмӹ кечӹ: 10 апрельӹн 2024.
- ↑ Какой праздник сегодня, 11 апреля. МИР24 (11 апрельӹн 2023). Тергӹмӹ кечӹ: 10 апрельӹн 2024.
- ↑ В оранжерее ВДНХ отметят Всемирный день аниме. Сетевое издание «TIMEOUT» (8 апрельӹн 2024). Тергӹмӹ кечӹ: 10 апрельӹн 2024.
- ↑ Полина Яковлева. В Калуге отметили День анимешника. Агентство «Комсомольская правда – Калуга (7 апрельӹн 2014). Тергӹмӹ кечӹ: 10 апрельӹн 2024.