Андреева, Мирра Александровна

Ирӹкӓн энциклопеди Википеди гӹц материал
Мирра Андреева
Andreeva M. WMQ23 (53062105200).jpg
Шачмы кечӹ 29 апрель 2007(2007-04-29) (19 и)
Шачмы вӓр Красноярск, Россий
Гражданство
Ӹлӹмӹ вӓр Канн, Франци
Кӱкшӹц 175
Карьерӹн тӹнгӓлтӹшӹжӹ 2022
Пӓшӓ кид вургымла
Шалахай вел гӹц лыпшымаш кок кид доно
Тренер Кончита Мартинес
Марина Павлова
Кирилл Крюков
Призовой, долл. 13 270 407[1]
Ӹшкет разряд
Матч в/п 189–63[1]
Титул 3 WTA, 6 ITF
Сек кӱкшӹ позици 5 (14 июль 2025)
Кого шлем серин турнирвлӓ
Австрали 4-шӹ раунд (2024, 2025)
Франци 1/2 финал (2024)
Уимблдон 1/4 финал (2025)
США 2-шы раунд (2023, 2024)
Мыжыран разряд
Матч в/п 58–35[1]
Титул 2 WTA
Сек кӱкшӹ позици 18 (31 март 2025)
Кого шлем серин турнирвлӓ
Австрали 1/2 финал (2025)
Франци 1/4 финал (2024)
Уимблдон 1-шӹ раунд (2024)
США 3-шы раунд (2024)
Награды и медали
Теннис
Олимпийский мадмаш
Ши Париж 2024 мыжыр разряд
Ведомствын наградывлӓ

Мирра Александровна Андреева (шач. 29 апрель 2007, Красноярск[d]) — руш теннисистка. Вӹц WTA турнирӹн сӹнгӹшӹжӹ (нӹнӹ логӹц кымытыштыжы — ӹшкет разрядышты) — WTA 1000 Дубайышты дӓ Индиан-Уэлсышты, WTA 500 Брисбенӹштӹ (мыжырышты), WTA 250 Яссышты. 2024 ишӹ Олимпиада мадмашвлӓштӹ мыжыран разрядышты ши призёр.

Юниорвлӓлӓн Кого шлем ик турнирӹштӹжӹ ӹшкет разрядышты финал якте шон (Австралин пачмы чемпионатшы-2023), 2023 ин юниорвлӓн рейтингӹштӹ мирӹн пӹтӓришӹ ракеткӹжӹ ылын. WTA 1000 категориӓн турнирӹштӹ сек сӓмӹрӹк сӹнгӹшӹ.

2024 ин и йӹде эртӓрӓлтшӹ Forbes «30 якте 30» Российӹштӹшы рейтингӹштӹ «Спорт дӓ киберспорт» категориштӹ сӹнгӹшӹвлӓ лошкы попазен[2].

Ӹлӹмӓш корныжы

Мирра Андреева 2007 ин 29 апрельӹн Красноярскышты шачын. Ӓтяжӹ — Александр[3], ӓвӓжӹ — Раиса[4]. Ӓкӓжӹ Эрика Андреева тенгеок теннисистка ылеш.

Мирра дон Эрика теннислӓ Красноярскыштышы «Теннис Холл» клубышты Марина Павлова тренер доны мадаш тӹнгӓлӹнӹт[5]. Вара вес вӓре ӹлӓш ванженӹт дӓ Сочиштӹ Кирилл Крюков доны, Москвашты J-Pro академиштӹ[6], Каннышты академиштӹ тренируядтыныт.

Спорт карьера

Юниор карьера

2022 ин октябрьын Тунисӹштӹ WTA 250 турнирӹштӹ тӹнг сеткӹштӹ пӹтӓришӹ гӓнӓ мадын, уайлд-кардым нӓлӹн. 2022 ин нӹл ITF турнирӹштӹ сӹнген — Испаништӹшӹ Эль-Эспинарышты, Израильӹштӹшӹ Мейтарышты дӓ кок гӓнӓ Турциштӹшӹ Антальяшты[7].

2023 и тӹнгӓлтӹшӹн Австралиштӹ Кого шлем турнирӹштӹ юниорвлӓ лошты Андреева ӹдӹрӓмӓшвлӓн мыжыран разрядышты полуфинал якте шон (вес руш теннисистка Алина Корнеева дон иквӓреш), тенгеок тӹ Корнееваланок ӹшкет разрядышты финал турнирӹштӹ мадын колтен: 7-6 4-6 5-7[8][9].

Кого карьерӹшкӹ пӹтӓришӹ ашкылвлӓ

2023 ин апрельӹн Швейцариштӹ эртӓрӓлтшӹ — Кьяссошты дӓ Беллинцонышты — кок рок вӹлнӹшӹ ITF турнирӹштӹ сӹнген, пӹтӓришӹ гӓнӓ WTA топ-200-шкӹ пырен. Андреева ITF историштӹ 16 им темӹмешкӹ ITF W60 ӓли кӱкшӹрӓк икманяр титулым сӹнген нӓлшӹ лач ӹшкетшӹ веле лин (теннисисткӹн техень титулжы кымыт)[10].

ITF турнирвлӓштӹ сӹнгӹмӹжӹ гишӓн Андреева Мадридӹштӹшӹ турнирӹн тӹнг сеткӓшкӹжӹ попазен, уайлд-картым нӓлӹн. Пӹтӓришӹ крӱгӓштӹ мирӹн 49-шӹ ракеткӹжӹм — Канада гӹц Лейла Фернандесӹм — сӹнген дӓ WTA 1000 категориӓн турнирӹштӹ 2009 и гӹц матчым сӹнгӹшӹвлӓ логӹц кымшы сек сӓмӹрӹк теннисистка лин[11]. Кокшы крӱгӓштӹ турнир гӹц мирӹн 14-шӹ ракеткӹжӹм — Бразили гӹц Беатрис Аддад Майям — лыктын шуэн, а кымшышты — Польша гӹц мирӹн 19-шӹ ракеткӹжӹ Магда Линеттӹм. Тенге, Мирра WTA 1000 турнирӹн финалжын 1/8-шкӹжӹ кынам-гӹнят лӓкшӹ сек сӓмӹрӹк теннисистка лин[12]. Финалын 1/8-штӹжӹ кок сетӹштӹ мирӹн кокшы ракеткӹжӹ белорусс Арина Соболенколан мадын колтен[13].

2023 ин майын пӹтӓришӹ гӓнӓ Кого шлемӹн тӹнг сеткӓшкӹжӹ лӓктӹн, финалышты Францин пачмы чемпионатшын квалификацивлӓм пӹтӓришӹ сеяный Камила Осорио гӹц сӹнген нӓлӹн[14]. Андреева 1995 и гӹц Ролан Гароссышты квалификацим эртен кердшӹ сек сӓмӹрӹк теннисистка лин[15].

Францин пачмы чемпионатшы-2023-ын пӹтӓришӹ крӱгӓштӹжӹ Андреева Кого шлемӹн турнирвлӓштӹжӹ тӧрӧк пӹтӓришӹ сӹнгӹмӓшӹшкӹ шон, американка Элисон Рискӹм 6-2 6-1 шот доно сӹнген. Кокшы крӱгӓштӹ Мирра Франци гӹц Диан Паррим техеньок 6-2 6-1 шот доно сӹнген[16]. Кымшы крӱгӓштӹ Андреева мирӹн кымшы ракеткӹжӹ Кори Гауффлан 7-6 1-6 1-6 шот доно мадын колтен.

2023 ин июньын квалификаци гач Уимблдонын тӹнг сеткӓшкӹжӹ лӓктӹн, иктӹ паштек весӹм Роза Висенс Массым, Хлоя Пакем дӓ Тамара Корпачым сӹнген. Пӹтӓришӹ раундышты Андреева китаянка Сиюй Ваным 6-4 3-6 7-5 шот доно сӹнген. Кокшы раундышты Мирра мирӹн 11-шӹ ракеткӹжӹ Барбора Крейчиковам 6-3 4-0 шот доно сӹнген (чешка 2-шы сетӹштӹ шушыргымыжы гишӓн мадмаш гӹц карангын). Вара Андреева Россий гӹцӹнок ылшы Анастасия Потаповам 6-2 7-5 шот доно сӹнген кердӹн, тидӹ тӹдӹлӓн нӹлӹмшӹ раундыш лӓктӓшӹжӹ палшен, тенге тӹдӹ Кого шлемӹн турнирвлӓштӹ ӹшке лӓктӹшӹжӹм яжоэмден дӓ Мария Шарапован рекордшым угӹц ӹштен, тидӹн якте тӹдӹ XXI курымын 17 и якте Уимблдон финалын 1/8-шкӹжӹ лӓкшӹ теннисистка лач ӹшкетшӹ веле ылын. Финалын 1/8-штӹжӹ Андреева мирӹн 18-шӹ ракеткӹжӹ американка Мэдисон Кизлӓн 6-3 6-7 (4-2) 2-6 шот доно мадын колтен[17]. Матч годым ик очкаэш шуэн колтымы ракеткӹжӹ гишӓн штрафуйымы ылын, седӹндоно матчбол лин, тӹдӹм Киз сӹнген[18]. Уимблдон-2023-шты Мирра 265 тӹжем приз долларым нӓлӹн[19].

Тенгеок 2023 ин июньын «Россий спортын мастаржы» лӹмӹм нӓлӹн[20].

2023 ин августын Мирра США-н пачмы чемпионатыштыжы пӹтӓришӹ гӓнӓ ӹшкӹмжӹм терген. Пӹтӓришӹ раундышты россиянка кым сетӹштӹ Австрали гӹц Оливия Гадеким сӹнген, но кокшышты турнирӹштӹ сӹнгӹшӹ лишӹ Кори Гауффлан мадын колтен.

2023 ин ӹдӹрӓмӓш турышты Мирра Андреева тӹнг пачмаш (открыти) лин. Тӹдӹ 45 матчым эртӓрен, нӹнӹ логӹц 36-шым сӹнген. WTA титулвлӓм россиянка нӓлде, но сезонышты нӹл гӓнӓ мирӹштӹшӹ рейтингӹн Топ-20 гӹц теннисисткӹвлӓм сӹнген. Андреева ӹшкежӹ календарь иштӹ планетӹн сек виӓн теннисисткӹвлӓн спискӹштӹ тӧрӧк 359 позициэш кузен: 405-шӹ гӹц 46-ымшышкы. Тидӹ 2023 ин сек кого прогрессшӹ[21].

2023 ин декабрьын Андреева WTA премин (руш) (мар. «Идӓлыкын у эдемжӹ» («Новичок года») номинациштӹжӹ сӹнген[22].

2024 и. Пӹтӓришӹ титул дӓ Олимпиада мадмашвлӓ

2024 ин апрельӹн 17 и якте теннислӓ мадшывлӓ лошты WTA1000 турнирвлӓн рекордшым эртен, ти категориӓн турнирвлӓштӹ шӹм гӓнӓ сӹнген[23].

2024 ин июньын Мирра Андреева пӹтӓришӹ гӓнӓ Кого шлем турнирӹн четвертьфиналышкыжы лӓктӹн. Тӹдӹ Франци верц мадшы Варвара Грачёвам (мирӹн 88-шӹ ракеткӹжӹ) 7:5, 6:2 шот доно сӹнген[24]. 5 июньын Мирра Андреева «Ролан Гаросс» турнирӹн полуфиналышкыжы лӓктӹн. Четвертьфиналышты 17 иӓш спортсменка Белорусси гӹц мирӹн 2-шы ракеткӹжӹ Арина Соболенком 6:7 (5:7), 6:4, 6:4 шот доно сӹнген[25]. 6 июньын полуфиналышты Андреева итальянка Ясмин Паолинилӓн 3:6, 1:6 шот доно мадын колтен[26].

2024 ин июльын Уимблдон турнирӹштӹ Андреева тӓнгӓшӹмӓш гӹц пӹтӓришӹ грӱгӓшток лӓктӹн вазын, Бренда Фрухвиртовалан 6-1, 3-6, 2-6 шот доно мадын колтен[27][28].

18 июльын ФОК Андреевалан Парижӹштӹ Олимпиада мадмашвлӓштӹ выступаяш разрешӓйен[29].

26 июльын Мирра карьерӹштӹжӹ пӹтӓришӹ WTA титулым мадын нӓлӹн. Румыништӹшӹ турнирӹн финалышты Андреева эче ик рушым Элина Аванесяным сӹнген[30].

2024 ин 29 июльын Олимпиада-2024-ӹштӹ Андреева дон Медведев микстӹштӹ мадын колтенӹт.

2024 ин 1 августын Диана Шнайдер доно иквӓреш олимпиада чемпионкывлӓ Барбора Крейчикова дон Катерина Синяковам 6:1, 7:5 шот доно сӹнгенӹт дӓ Кӓнгӹж Олимпиада мадмашвлӓн полуфиналышкыжы лӓктӹнӹт[31]. Матч паштек Андреева анжаш толшывлӓлӓн нӹнӹ верц ылмышты гишӓн таум келесен:

«Тагачы мӓмнӓм пиш яжон вӓшлинӹт. Чешкывлӓм шукыракын кымылангденӹт, но мӓмнӓнӓт техень (кого) кычыкна ылын. Мӓ верцнӓ ылшывлӓлӓн кого тау[32].»

Мирра Андреева

Финалышты Андреева дон Шнайдер Сара Эррани дон дон Жасмин Паолини итальянкывлӓлӓн мадын колтенӹт, ши медальвлӓм мадын нӓлӹнӹт.

2024 ин 2 октябрьын 17 иӓш дӓ 156 кечӓш Мирра Андреева Китайын пачмы чемпионатыштыжы ӹдӹрӓмӓшвлӓ лошты ӹшкет разрядыштышы четвертьфиналын сек сӓмӹрӹк участницӹжӹ ылын. Тӹдӹ Мария Шарапован достиженижӹм ӹштен, тӹдӹлӓнӓт 2004 ин лач тинӓрок ылын[33].

2024 ин октябрьын Мирра Андреева пӹтӓришӹ гӓнӓ Ӹдӹрӓмӓш теннис ассоциацин (WTA) мирӹштӹшӹ рейтингжӹн топ-20-шкыжы пырен. Тӹдӹ уэмдӹмӹ рейтингӹштӹ 19-шӹ вӓрӹм нӓлӹн[34].

9 октябрьын Уханьын пачмы чемпионатыштыжы ӹшкет разрядышты (руш) (мар. кокшы раундышты ӓкӓжӹлӓн 3-6, 1-6 шот доно мадын колтен[35].

20 октябрьын Нинбоштышы турнирӹштӹ финал якте шон, тӹштӹ Дарья Косаткиналан мадын колтен[36].

2025 и

4 январьын Андреева Диана Шнайдер доно мыжырышты Брисбенӹштӹ WTA 500 турнирӹштӹ сӹнгенӹт, финалышты Присцилла Хон дон Анна Калинскаям сӹнгенӹт[37]. Тидӹн гишӓн карьерӹштӹжӹ пӹтӓришӹ гӓнӓ WTA рейтингӹн 15-шӹ вӓрӹш кузен[38].

Австралин пачмы чемпионатыштыжы Андреева пӹтӓришӹ крӱгӓштӹ Мария Боузковам сӹнген, кокшышты — Моюка Утидзимам[39]. Кымшы раундышты россиянка кым сетӹштӹ Польша гӹц Магдалена Френх гӹц силанрак ылын[40]. Мельбурнышты ӹшкет разрядышты мадмашыжым Андреева нӹлӹмшӹ крӱгӓштӹ пӹтӓрен, тӹштӹ Арина Соболенколан мадын колтен[41][42]. Мыжыран тӓнгӓшӹмӓшвлӓштӹ Диана Шнайдер доно иквӓреш Андреева карьерӹштӹжӹ пӹтӓришӹ гӓнӓ Кого шлем турнирӹн полуфиналышкыжы лӓктӹн[43]. Но финалыш руш дуэт попазен кердде, Катерина Синякова дон Тейлор Таунсендлӓн мадын колтен[44].

Февральын Андреева Дубайышты Элина Аванесяным сӹнген, тидӹ WTA 1000 турнирвлӓштӹшӹ матчвлӓштӹ 18-шӹ сӹнгӹмӓшӹжӹ лин. Тенге россиянка 18 иӓш якте ти категорин турнирвлӓштӹ сӹнгӹмӹ матчвлӓн шот доно Кори Гауффын рекордшым эртен кеен[45]. Четвертьфиналышты Андреева мирӹн кокшы ракеткӹжӹм Игу Свёнтекӹм сӹнген дӓ карьерӹштӹжӹ тӹжемшӹн (тысячник) пӹтӓришӹ полуфиналышкыжы лӓктӹн[46]. Турнирӹн тӹнг матчышкыжы вӓрештмӹ верц мадмашты россиянка кым сетӹштӹ Елена Рыбакина гӹц виӓнрӓк ылын[47], тенге турнирӹн WTA 1000 категориштӹжӹ сек сӓмӹрӹк финалистка лин (17 и дӓ 298 кечӹ).

2025 ин 22 февральын Андреева Дубайышты эртӓрӓлтшӹ WTA 1000 категорин турнирӹн финалышты сӹнгӹшӹ лин, матчышты мирӹн 38-шӹ ракеткӹжӹм, датчанка Клара Таусоным, 7:6 (7:1), 6:1 шот доно сӹнген[48]. Приз оксажы 600 тӹжем доллар лин. Тидӹн годым Андреева WTA 1000 турнирвлӓн финалыш лӓкшӹ сек сӓмӹрӹк теннисистка (17 и дӓ 298 кечӹ), тенгеок сек сӓмӹрӹк сӹнгӹшӹ лин[49].

Мирра Андреева Дубайын теннис доно чемпионатшын трофейжӹ доно, 2025

Мирра Андреева 2025 ин Дубайышты эртӓрӓлтшӹ чемпионатыштышы трофейжӹ доно Ти триумф паштек Андреева Индиан-Уэльсыштышы эче ик тӹжемжӹш кеен. Тӹштӹ Варвара Грачёвам, Клара Таусоным эртен, а нӹлӹмшӹ крӱгӓштӹ Топ-10 гӹц Елена Рыбакиналан лач кым геймым веле пуэн, тенге ӹшке сӹнгӹмӓш серижӹм ӹндекш матч якте шоктен[50]. Четвертьфиналышты россиянка Элина Свитолинам сӹнген, тидӹ лушы сӹнгӹмӓшӹжӹ лин, тенге тӹдӹ Мария Шарапова паштек турнирӹн сек сӓмӹрӹк полуфиналисткӹжӹ лин[51]. Полуфиналышты кым сетӹштӹ Ига Свёнтекӹм сӹнген. Финалышты кым сетӹштӹ мирӹн пӹтӓришӹ ракеткӹжӹм Арина Соболенком[52] 2-6, 6-4, 6-3 шот доно сӹнген дӓ карьерӹштӹжӹ ӹшкет рӓзрядышты кымшы титулым сӹнген нӓлӹн[53]. Ти сӹнгӹмӓш гишӓн Мирра пӹтӓришӹ гӓнӓ WTA рейтингӹштӹ 6-шы вӓрӹш кузен[54].

Арина Соболенко дон Мирра Андреева 2025 ин Индиан-Уэлсышты финал турнир азыц

WTA 1000 Майамиштӹшӹ вес турнирӹштӹжӹ кымшы крӱгӓ якте шон, Аманда Анисимовалан кым сетӹштӹ мадын колтен дӓ иктӹ паштек весӹ ылшы 13 сӹнгӹмӓшӹжӹн сери цӓрнен[55]. А мыжыр турнирӹштӹ Диана Шнайдер доно мадшы Андреева титулым мадын нӓлӹн кердӹн. Финалышты руш дуэт Кристина Букшам дӓ Мия Катом сӹнген[56].

Апрельӹн Штутгартышты эртӓрӓлтшӹ турнирӹштӹ пӹтӓришӹ крӱгӓштӹ Андреева карьерӹштӹжӹ кокшы гӓнӓ ӹшке Эрика ӓкӓжӹ доно мадын. Эртӹшӹ матч доно тӓнгӓштӓрӹмӓштӹ, тӓнгӓшӹмӓш лиӓлтде. Когорак Андрееван ялжы шушыргышы ылын, дӓ тӹдӹлӓн мадаш нелӹ ылын, седӹндоно тӹдӹ турнир гӹц лӓктӹн[57]. Но кокшы раунд гӹц пакы Мирра ванжен кердде, тӹдӹ Екатерина Александровалан мадын колтен[58].

Мадридӹштӹ WTA 1000 турнирӹштӹ ӹшкет разрядышты Мирра четвертьфинал якте шон, тӹштӹ Кори Гауффлан мадын колтен[59]; мыжыран разрядышты Диана Шнайдер доно кокшы крӱгӓштӹ лӓктӹнӹт, Беатрис Хаддад-Майя дон Лаура Зигемундлан мадын колтенӹт[60].

Майын Италин пачмы чемпионатыштыжы ӹшкет разрядышты Андреева четвертьфиналвлӓн стадиштӹ лӓктӹн, Кори Гауффлан мадын колтен[61]. Мыжыран разрядышты Диана Шнайдер дон полуфиналышты лӓктӹн вазыныт, итальянкывлӓ Сара Эррани дон Жасмин Паолинилӓн мадын колтенӹт[62].

27 майын «Ролан Гарросышты» сӹнгӹмӓш гӹцӹн тӹнгӓлӹн, испанка Кристина Букшам 6:4, 6:3 шот доно сӹнген[63]. Тидӹ Андреевалан мирӹштӹшӹ рейтингӹн пӹтӓришӹ лужы гӹц Францин пачмы чемпионатыштыжы сек сӓмӹрӹк сӹнгӹшӹ лиӓшӹжӹ палшен. Тӹнӓм Мирралан 18 и дӓ 26 кечӹ ылын[64]. 4 июнын турнирӹн четвертьфиналыштыжы Франци гӹц Лоис Буассонлан мадын колтен[65]. Мыжыран разрядышты полуфиналышты Андреева дон Шнайдер эчеӓт Эррани дон Паолини итальянкывлӓлӓн мадын колтенӹт[66].

Июльын Уимбдон турнирӹштӹ Диана Шнайдер доно мыжыран разрядышты кымшы раунд гӹц лӓктӹн вазыныт, Сорана Кырстя дон Анна Калинскаялан мадын колтенӹт[67]. Ӹшкет разрядышты Маяр Шерифӹм, Лючия Бронцеттим, Хейли Баптистӹм, Эмма Наварром сӹнген дӓ четвертьфиналыш лӓктӹн, тӹштӹ Белинда Бенчич ваштареш мадын[68]. Но Швейцари гӹц теннисисткӹм сӹнген кердде дӓ Уимблдонышты выступленижӹм пӹтӓрен[69]. Турнир пӹтӹмӹкӹ, мирӹн вӹзӹмшӹ ракеткӹжӹ лиэш[70]. Вара Канадын пачмы чемпионатыштыжы мыжыран разраядышты Диана Шнайдер доно пӹтӓришӹ раунд гӹцӹн лӓктӹнӹт[71], ӹшкет разрядышты кымшы крӱгӓштӹ мадын колтен[72].

Августын Андреева карьерӹштӹжӹ пӹтӓриш гӓнӓ США-н Пачмы чемпионатшын кымшы крӱгӓшкӹжӹ лӓктӹн[73]. Турнир тӹнгӓлмӓштӹ тӹдӹ Алисия Парксым сӹнген, а кокшы раундышты Анастасия Потапова гӹц виӓнрӓк лин.

Личный ӹлӹмӓшӹжӹ

2023 ин июльын юж СМИ-штӹ Андрееван ӹшке спорт гражданствыжым французыш вашталташ шанымыжы гишӓн увер лӓктӹн[74], но шукышты агыл агент, теннисисткӹн ӓвӓжӹ[75], дӓ Мирра ӹшкежӓт ти шаям шӧренӹт[76].

«Мӹнь Российӹштӹ шачынам дӓ анзыли якте Красноярск, Сочи дӓ Москва халавлӓштӹ ӹленӓм. Теннис расписани гишӓн йӓмдӹлӓлтмӹ процесс кӹзӹт тӹнг шотышты Каннышты кеӓ, мӹньӹн студент визем улы. Гражданствым вашталташ ам шаны. Каникул годым токына Красноярскыш чонгештӹлӹнӓм.»

2025 ин январьын Андреева Rolex брендӹн амбассадоржы лин[77].

Турнирвлӓштӹ мадмаш

Ӹшкет разрядышты WTA турнирвлӓн финалвлӓ (4)

Сӹнгӹмӓш (3)

№ Кечӹ Турнир Вӹлвӓл Финалышты тӓнгӓшӹшӹ Шот
1. 26 июль 2024 Яссы, Румыни Рок Россий Элина Аванесян 5-7 7-5 4-0 — отказымаш
2. 22 февраль 2025 Дубай, ОАЭ Хард Дани Клара Таусон 7-6(1) 6-1
3. 16 марта 2025 Индиан-Уэлс, США Хард Белорусси Арина Соболенко 2-6, 6-4, 6-3

Мадын колтымаш (1)

№ Кечӹ Турнир Вӹлвӓл Финалышты тӓнгӓшӹшӹ Шот
1. 20 октябрь 2024 Нинбо, Китай Хард Россий Дарья Касаткина 0-6 6-4 4-6

Ӹшкет разрядышты ITF турнирвлӓн финалышты(7)

Сӹнгӹмӓш (6)

№ Кечӹ Турнир Вӹлвӓл Финалышты тӓнгӓшӹшӹ Шот
1. 10 апрель 2022 Анталья, Турци Рок Итали Мартина Колменья 6-7(6) 6-0 6-2
2. 17 апрель 2022 Анталья, Турци Рок Германи Сильвия Амброзио 7-5 6-2
3. 31 июля 2022 Эль-Эспинар, Испани Хард Испани Ева Герреро Альварес 6-4 6-2
4. 20 ноябрь 2022 Мейтар, Израиль Хард Швеци Ребекка Петерсон 6-1 6-4
5. 16 апрель 2023 Кьяссо, Швейцари Рок Швейцари Селин Неф 1-6 7-6(3) 6-0
6. 23 апрель 2023 Беллинцона, Швейцари Рок Франци Фиона Ферро 2-6 6-1 6-4

Мадын колтымаш (1)

№ Кечӹ Турнир Вӹлвӓл Финалышты тӓнгӓшӹшӹ Шот
1. 27 февраль 2022 Шарм-эш-Шейх, Египет Хард Гонконг Коди Вонг 4-6 1-6

Ӹшкет разрядышты Кого шлем юниор турнирвлӓн финалвлӓ (1)

Мадын колтымаш (1)

№ Кечӹ Турнир Вӹлвӓл Финалышты тӓнгӓшӹшӹ Шот
1. 2023 Австралин пачмы чемпионатшы Хард Россий Алина Корнеева 7-6(2) 4-6 5-7

Ӹдӹрӓмӓшвлӓн мыжыран разрядышты Олимпиада турнир финалвлӓ (1)

Мадын колтымаш (1)

№ Кечӹ Турнир Вӹлвӓл Финалышты тӓнгӓшӹшӹ Шот
1. 2024 Париж, Франци Рок Россий Диана Шнайдер Итали Жасмин Паолини
Итали Сара Эррани 		6-2 1-6 [7-10]

Мыжыран разрядышты WTA турнирвлӓн финалвлӓ (2)

Сӹнгӹмӓш (2)

№ Кечӹ Турнир Вӹлвӓл Финалышты тӓнгӓшӹшӹ Шот
1. 4 январь 2025 Брисбен, Австрали Хард Россий Диана Шнайдер Россий Анна Калинская
Австрали Присцилла Хон 		7-6(6) 7-5
2. 31 марта 2025 Майами, США Хард Россий Диана Шнайдер Испани Кристина Букша
Япони Мию Като 		3-6 77−65 [10]-[2]

Мадын колтымаш (1)

№ Кечӹ Турнир Вӹлвӓл Финалышты тӓнгӓшӹшӹ Шот
1. 4 август 2024 Олимпиада Рок Россий Диана Шнайдер Итали Жасмин Паолини
Итали Сара Эррани 		6-2 1-6 [7-10]

Ивлӓ йӹде WTA рейтингӹштӹ вӓр

И Ӹшкет
рейтинг 		Мыжыран
рейтинг
2024 16 69
2023 46 414
2022 405 —

Наградывлӓ

  • 2023 — «Идӓлыкын у эдемжӹ» WTA-н версижӹ семӹнь[78];
  • 2023 — «Идӓлыкын сек яжо юниоржы» Российӹн теннис федерацижӹн версижӹ семӹнь[79];
  • 2024 — Российӹштӹшӹ и йӹде ӹштӓлтшӹ Forbes «30 якте 30» рейтингӹштӹ «Спорт дӓ киберспорт» номинациштӹ кым сӹнгӹшӹ гӹц иктӹжӹ[2].

Примечани

  1. ↑ 1 2 3 4 сайт WTA
  2. ↑ 1 2 30 до 30. «З0 до 30» Forbes. Тергӹмӹ кечӹ: 26 майын 2024.
  3. ↑ «Призовые отдам папе» (руш.). Коммерсантъ (4 майын 2023). Тергӹмӹ кечӹ: 11 июльын 2024. Архивируйымы 6 майын 2023 года.
  4. ↑ Раиса Андреева о карьере дочерей и сложностях в теннисе — Больше! Лайв (руш.). Тергӹмӹ кечӹ: 11 июльын 2024. Архивируйымы 14 июльын 2023 года.
  5. ↑ Павел Ниткин. 15-летняя россиянка покоряет теннис: побеждает топов и мечтает взять больше «Шлемов», чем Джокович. И любит гулять под дождём, Sports.ru (29 апрельӹн 2023). Дата обращения: 17 мартын 2025.
  6. ↑ Русские девушки произвели фурор в Австралии. В юниорском финале — сразу две «нейтральные теннисистки». Тергӹмӹ кечӹ: 10 февральын 2023. Архивируйымы 29 январьын 2023 года.
  7. ↑ Mirra Andreeva Women's Singles Titles. Тергӹмӹ кечӹ: 10 февральын 2023. Архивируйымы 10 февральын 2023 года.
  8. ↑ Korneeva wins Australian Open junior title after marathon final (англ.). Women's Tennis Association. Тергӹмӹ кечӹ: 7 февральын 2023. Архивируйымы 1 февральын 2023 года.
  9. ↑ Russians Korneeva and Andreeva reached the final of the Australian Open junior. Athletistic.com. Тергӹмӹ кечӹ: 10 февральын 2023. Архивируйымы 30 январьын 2023 года.
  10. ↑ 15-летняя Мирра Андреева ворвалась в ТОП-200 мирового рейтинга, выиграв второй подряд 60-тысячник в Швейцарии. Sports.ru. Тергӹмӹ кечӹ: 26 апрельӹн 2023. Архивируйымы 26 апрельӹн 2023 года.
  11. ↑ Юная российская теннисистка одержала первую победу на турнире WTA (руш.). РИА Новости Спорт (20230426T1330). Тергӹмӹ кечӹ: 26 апрельӹн 2023. Архивируйымы 26 апрельӹн 2023 года.
  12. ↑ Екатерина Родионова. Мирра Андреева установила рекорд турниров WTA-1000 (руш.). www.championat.com. Тергӹмӹ кечӹ: 30 апрельӹн 2023. Архивируйымы 30 апрельӹн 2023 года.
  13. ↑ Сказка Мирры подошла к концу. Но Андреева все равно крутая. Тергӹмӹ кечӹ: 1 майын 2023. Архивируйымы 1 майын 2023 года.
  14. ↑ Мирра Андреева впервые сыграет в основной сетке «Большого шлема». Sports.ru (25 майын 2023). Тергӹмӹ кечӹ: 27 майын 2023. Архивируйымы 27 майын 2023 года.
  15. ↑ Спорт Mail.ru. Россиянка стала самой молодой теннисисткой в основной сетке «Ролан Гаррос» (руш.). Спорт Mail.ru (26 майын 2023). Тергӹмӹ кечӹ: 1 июньын 2023. Архивируйымы 1 июньын 2023 года.
  16. ↑ Чемпионат. 16-летняя Мирра Андреева вышла в третий круг «Ролан Гаррос». Чемпионат. Тергӹмӹ кечӹ: 1 июньын 2023. Архивируйымы 1 июньын 2023 года.
  17. ↑ Россиянка упустила шанс побить рекорд Шараповой на Уимблдоне в 16 лет, РБК Спорт. Дата обращения: 10 сентябрьын 2025.
  18. ↑ Бурная реакция на скандал с Андреевой на Уимблдоне. Чемпионат. Чемпионат (10 июльын 2023).
  19. ↑ 16-летняя Мирра Андреева ответила, как потратит призовые $265 тыс. с Уимблдона, РБК Спорт. Дата обращения: 10 сентябрьын 2025.
  20. ↑ Приказ Министерства спорта РФ от 29.06.2023 г. № 96-нг. msrfinfo.ru. Статистика и аналитика развития спорта в России (29 июньын 2023). Тергӹмӹ кечӹ: 22 февральын 2025.
  21. ↑ Кирилл Плышевский. Рывок на 359 мест в рейтинге совершила за год 16-летняя Мирра Андреева! Кто ещё отличился? championat.com (8 декабрьын 2023). Тергӹмӹ кечӹ: 8 декабрьын 2023.
  22. ↑ Российская теннисистка Мирра Андреева признана новичком года по версии WTA. Матч ТВ (11 декабрьын 2023). Тергӹмӹ кечӹ: 11 декабрьын 2023.
  23. ↑ Теннисистка Андреева побила рекорд турниров WTA-1000, AiF (26 апрельӹн 2024). Дата обращения: 26 апрельӹн 2024.
  24. ↑ Мирра Андреева впервые вышла в четвертьфинал турнира «Большого шлема». РБК (3 июньын 2024). Тергӹмӹ кечӹ: 4 июньын 2024.
  25. ↑ 17-летняя Мирра Андреева сенсационно вышла в полуфинал «Ролан Гаррос». РБК (5 июньын 2024). Тергӹмӹ кечӹ: 5 июньын 2024.
  26. ↑ Теннисистка Андреева проиграла итальянке Паолини в полуфинале «Ролан Гаррос». Известия (6 июньын 2024). Тергӹмӹ кечӹ: 7 июньын 2024.
  27. ↑ Худший старт турнира «Большого шлема» в карьере. Мирра в слезах покинула Уимблдон. Сетевое издание «www.sportbox.ru» (2 июльын 2024). Тергӹмӹ кечӹ: 11 июльын 2024.
  28. ↑ Tennis Majors. Brenda Fruhvirtova battles past highly touted teen Mirra Andreeva to reach the second round (англ.). Tennis Majors (1 июльын 2024). Тергӹмӹ кечӹ: 11 июльын 2024.
  29. ↑ 15 российских спортсменов выступят на Олимпиаде-2024 в Париже. МОК опубликовал окончательный список, Sports.ru. Дата обращения: 18 июльын 2024.
  30. ↑ Сосно, Георгий. Мирра Андреева завоевала первый титул на уровне WTA. Дата обращения: 27 июльын 2024.
  31. ↑ Российские теннисистки Андреева и Шнайдер вышли в полуфинал Олимпиады‑2024 в парном разряде (1 августын 2024). Дата обращения: 2 августын 2024.
  32. ↑ Теннисистка Андреева поблагодарила болельщиков за поддержку во время четвертьфинала Олимпиады‑2024 в парном разряде, Матч ТВ (1 августын 2024). Дата обращения: 2 августын 2024.
  33. ↑ Мирра Андреева повторила уникальное достижение Марии Шараповой. championat.com (2 октябрьын 2024). Тергӹмӹ кечӹ: 3 октябрьын 2024.
  34. ↑ Мирра Андреева в 17 лет впервые вошла в топ-20 теннисисток мира, РБК. Дата обращения: 7 октябрьын 2024.
  35. ↑ Мирра Андреева сенсационно проиграла сестре в их первом матче турнира WTA, РБК (9 октябрьын 2024). Дата обращения: 9 октябрьын 2024.
  36. ↑ Певнева, Дарья. Дарья Касаткина обыграла Мирру Андрееву в финале турнира WTA-500 в Нинбо. Дата обращения: 21 октябрьын 2024.
  37. ↑ Дарья Певнева. Мирра Андреева и Диана Шнайдер выиграли турнир WTA-500 в Брисбене (руш.). championat.com. Чемпионат (4 январьын 2025). Тергӹмӹ кечӹ: 4 январьын 2025.
  38. ↑ Мирра Андреева впервые вошла в топ-15 рейтинга WTA, РИА Новости Спорт (6 январьын 2025). Дата обращения: 6 январьын 2025.
  39. ↑ Андреева первой из россиянок вышла в третий круг Australian Open, Блинкова выбыла, matchtv. Дата обращения: 15 январьын 2025.
  40. ↑ Петров, Степан. Мирра Андреева обыграла Магдалену Френх и вышла в 1/8 финала Australian Open — 2025. Дата обращения: 17 январьын 2025.
  41. ↑ Мирра Андреева проиграла 4-й из 5 матчей против Соболенко. Дата обращения: 20 январьын 2025.
  42. ↑ Андреева проиграла первой ракетке мира в 1/8 финала Australian Open, BFM.ru (20 январьын 2025). Дата обращения: 21 январьын 2025.
  43. ↑ Мирра Андреева и Диана Шнайдер впервые вышли в полуфинал «Большого шлема». Дата обращения: 22 январьын 2025.
  44. ↑ Радюк, Алексей. Мирра Андреева и Диана Шнайдер уступили в парном полуфинале Australian Open — 2025. Дата обращения: 24 январьын 2025.
  45. ↑ Мирра Андреева побила рекорд Гауфф на турнирах WTA-1000 - Sport24. Дата обращения: 18 февральын 2025.
  46. ↑ Певнева, Дарья. Мирра Андреева обыграла Игу Швёнтек в четвертьфинале турнира WTA-1000 в Дубае. Дата обращения: 20 февральын 2025.
  47. ↑ Шаврикова, Мария. Мирра Андреева вышла в финал турнира WTA-1000 в Дубае, обыграв Елену Рыбакину. Дата обращения: 21 февральын 2025.
  48. ↑ Андреева стала самой молодой в истории WTA победительницей «тысячника», РБК Спорт (22.02.2025). Дата обращения: 22 февральын 2025.
  49. ↑ Насонов, Александр. Мирра победила в финале «тысячника» в Дубае! 17-летняя россиянка ворвалась в топ-10, 22.02.2025. Дата обращения: 22 февральын 2025.
  50. ↑ Мирра Андреева отдала 3 гейма Рыбакиной в Индиан-Уэллс – это ее 9-я победа подряд. Дата обращения: 12 мартын 2025.
  51. ↑ Мирра Андреева – самая молодая полуфиналистка в Индиан-Уэллс после Шараповой. Дата обращения: 14 мартын 2025.
  52. ↑ Новая Шарапова. В теннисном мире загорается яркая звезда из России, BFM.ru (17 мартын 2025). Дата обращения: 18 мартын 2025.
  53. ↑ Мирра Андреева победила Арину Соболенко и выиграла турнир WTA в Индиан-Уэллсе, TACC. Дата обращения: 16 мартын 2025.
  54. ↑ Мирра Андреева поднялась на шестое место в рейтинге WTA, РИА Новости Спорт (17 мартын 2025). Дата обращения: 17 мартын 2025.
  55. ↑ Мирра Андреева проиграла в третьем круге турнира в Майами, РИА Новости Спорт (24 мартын 2025). Дата обращения: 24 мартын 2025.
  56. ↑ Насонов, Александр. Мирра и Диана — чемпионки Майами! Россиянки завоевали крупнейший титул в карьере. Дата обращения: 31 мартын 2025.
  57. ↑ Певнева, Дарья. Эрика Андреева из-за травмы снялась с матча с Миррой Андреевой в первом круге Штутгарта. Дата обращения: 16 апрельӹн 2025.
  58. ↑ Томаев, Батраз. Екатерина Александрова одолела Мирру Андрееву и вышла в 1/4 финала турнира в Штутгарте. Дата обращения: 17 апрельӹн 2025.
  59. ↑ Мирра Андреева не смогла выйти в полуфинал турнира в Мадриде, РИА Новости Спорт (30 апрельӹн 2025). Дата обращения: 30 апрельӹн 2025.
  60. ↑ Валерий Иванов. Магия МиДи не сработала. Карма не позволила россиянкам победить, Советский спорт (27 апрельӹн 2025). Дата обращения: 30 апрельӹн 2025.
  61. ↑ Шаврикова, Мария. Мирра Андреева не смогла выйти в полуфинал «тысячника» в Риме, уступив Гауфф, championat.com (14 майын 2025). Дата обращения: 15 майын 2025.
  62. ↑ Андреева и Шнайдер не сумели выйти в финал парного турнира в Майами, TACC (16 майын 2025). Дата обращения: 16 майын 2025.
  63. ↑ Мирра Андреева с победы стартовала на «Ролан Гаррос», РБК (27 майын 2025). Дата обращения: 27 майын 2025.
  64. ↑ Бобков, Андрей. Мирра Андреева стала самой юной теннисисткой топ-10 в ХХI веке, выигравшей матч на «РГ». Дата обращения: 27 майын 2025.
  65. ↑ Мирра Андреева проиграла 361-й ракетке мира в четвертьфинале Roland Garros, TACC (4 июньын 2025). Дата обращения: 4 июньын 2025.
  66. ↑ Андреева и Шнайдер не вышли в финал Roland Garros в парном разряде, TACC (6 июньын 2025). Дата обращения: 7 июньын 2025.
  67. ↑ Андреева и Шнайдер проиграли в третьем круге Уимблдона в парном разряде, РИА Новости Спорт (6 июльын 2025). Дата обращения: 7 июльын 2025.
  68. ↑ Теннисистка Мирра Андреева вышла в четвертьфинал Уимблдона, TACC (7 июльын 2025). Дата обращения: 7 июльын 2025.
  69. ↑ Андреева вылетела с Уимблдона на глазах у королевы. Какой шанс упустила россиянка! (9 июльын 2025). Дата обращения: 10 июльын 2025.
  70. ↑ Мирра Андреева впервые в карьере войдет в топ-5 рейтинга WTA, РБК (12 июльын 2025). Дата обращения: 12 июльын 2025.
  71. ↑ Монреаль (WTA). Мирра Андреева и Диана Шнайдер уступили на старте парного турнира, GoTennis.ru (30 июльын 2025). Дата обращения: 31 июльын 2025.
  72. ↑ Мирра Андреева не смогла выйти в четвертый круг теннисного турнира в Монреале, TACC (31 июльын 2025). Дата обращения: 31 июльын 2025.
  73. ↑ Мирра Андреева впервые вышла в третий круг US Open, Спортс’’. Дата обращения: 28 августын 2025.
  74. ↑ СМИ узнали о решении теннисистки Андреевой сменить спортивное гражданство, regnum.ru (13 июльын 2023). Дата обращения: 17 мартын 2025.
  75. ↑ «Не знаю откуда появились слухи о смене спортивного гражданства» — мать теннисистки Андреевой (руш.). news.sportbox.ru (13 июльын 2023). Тергӹмӹ кечӹ: 11 июльын 2024. Архивируйымы 14 июльын 2023 года.
  76. ↑ На кортах зажглась новая звездочка российского тенниса Мирра Андреева, Российская газета (16 августын 2023). Дата обращения: 17 мартын 2025.
  77. ↑ Красноярская теннисистка Мирра Андреева стала амбассадором бренда Rolex, Проспект Мира (29 январьын 2025). Дата обращения: 29 январьын 2025.
  78. ↑ Анна Сатдинова. WTA признала 16-летнюю российскую теннисистку новичком года, РБК (11 декабрьын 2023). Дата обращения: 23 апрельӹн 2025.
  79. ↑ Мирра Андреева и Ярослав Демин стали юниорами года по версии Федерации тенниса России, TACC (23 декабрьын 2023). Дата обращения: 23 апрельӹн 2025.

Ссылкывлӓ

«https://mrj.ruwiki.ru/w/index.php?title=Андреева,_Мирра_Александровна&oldid=314833» гӹц нӓлмӹ