Австралин кечӹжӹ
| День Австралии | |
|---|---|
 Сиднейский бухтышты Австралин кечӹжӹм айымаш, 2004 и | |
| Пӓлемдӓт | Австралиштӹ |
| Кечӹ | 26 январь |
 Медиафайлы на РУВИКИ.Медиа | |
Австралин кечӹжӹ (первирӓк Идӓлыкын кечӹжӹ, Негӹцӹм пиштӹмӹ кечӹ дӓ Australian Natives’ Association кечӹжӹ семӹнь пӓлӹмӹ[1]) — Австралин официальный национальный айожы. Каждый ин 26-шы январьын пӓлемдӓлтеш, ти кечӹнок 1788-шӹ ин Икшӹ флот Сидней-Коувыш (У Кечӹвӓлвел Уэльс) толын дӓ Австралин ирвел сир тӹрӹштӹжӹ (тӹнӓм У Голланди семӹнь пӓлӹмӹ ылын[2]) британский суверенитетӹм увертӓрен.
Тидӹ айо курым утла анзыц Австралин кечӹжӹ семӹнь пӓлӹмӹ ылде гӹнят, 26-шы январьын айымаш гишӓн сведени 1808-шӹ ишкӹ пӧртӹлтӓ; У Кечӹвӓлвел Уэльслӓн негӹцӹм пиштӹмӹ кечӹм пӹтӓриш гӓнӓ 1818-шӹ ин пӓлемдӹмӹ. Айо австралиецвлӓм Австралин кечӹжӹ анзыц награждайымаш гӹц тӹнгӓлеш, почётан австралиецвлӓн лӹмӹштӹм увертӓрӹмӹ дӓ генерал-губернатор дон премьер-министрӹн кымылангдымы шамаквлӓ доно пӓлемдӓлтеш. Тӹдӹ Австралин каждый субъектӹштӹжӹ официальный государственный айо ылеш, кӓнӹмӹ кечӹш вӓрештеш гӹнь, вес шачмы кӓнӹмӹ кечӹ лиэш. Австралин кечӹжӹ сӓндӓлӹк мычкы кого дӓ изи общинӹвлӓ дон халавлӓштӹ фестиваль, концерт, гражданский церемони доно эртӓ. Австралин кечӹжӹ Австралиштӹ каждый ин эртӓрӹмӹ сек кого событи[3].
Истори
Икшӹ флотын толмыжы
1787-шӹ ин 13-шы майын Британский адмиралтейство Икшӹ флот семӹнь пӓлӹмӹ 11 корабль гӹц шалгышы флотым Англи гӹц Австралишкӹ колтен. Капитан Артур Филлипӹн видӹмӹ флотшы Ботани бухтышты, У Кечӹвӓлвел Уэльсӹн сир тӹрӹштӹжӹ каторжный поселеним ӹштӓш цацен. Ботани бухтым 1770-шӹ ин лейтенант Джеймс Кук ланзылен нӓлӹн, кыды ти мӱлӓндӹлӓн Великобританин праважы улы манын увертӓрен. Поселени Йыдпелвел Америкӹштӹ луаткым колоним ямдымы гишӓн керӓл лин[4]. Флот 1788-шӹ ин 18 дон 20 январь лошты толын, но тӹнӓмок ти гаваньӹн кычылташ лидӹмӹ ылмыжы кайын.
21-шӹ январьын Филлип дон икманяр офицер поселенилӓн яжорак вӓрӹм моаш манын, 12 километр йыдпелвелӹштӹ ылшы Порт-Джексоныш кенӹт. Нӹнӹ тӹштӹ 23-шы январь якте линӹт; Филлип шагалмы вӓрӹм кӧргӹ пӓшӓн министржӹ, Сиднейӹн 1-шӹ виконтшын Томас Таунсенд семӹнь Сидней-Коув манын лӹмден. Нӹнӹн тенгеок аборигенвлӓ доно кӹл ылын.
Примечани
- ↑ Australia Day in question (26 январьын 2008), С. 2. Архивировано 13 январьын 2009 года. Дата обращения: 26 январьын 2013.
- ↑ Australia Day - A History. Victoria State Government. Тергӹмӹ кечӹ: 26 январьын 2009. Архивируйымы 19 июльын 2008 года.
- ↑ National Australia Day Council Annual Report 2010-11 p3
- ↑ Ekirch, A. Robert. Great Britain's Secret Convict Trade to America, 1783–1784(англ.) // The American Historical Review : journal. — 1984. — December (vol. 89, no. 5). — P. 1291.
Литература
- Cheater Christine & Debenham Jennifer. The Australia Day Regatta(англ.). — Sydney: Издательство университета Нового Южного Уэльса, 2014. — 336 p. — (EBL ebooks online). — ISBN 1742246729. — ISBN 9781742246727.
Ссылкывлӓ
На РУВИКИ.Медиа есть медиафайлы по теме День Австралии