Тымана попугай
Тымана попугай тенгеок какапо (лат. Strigops habroptilus) — У Зеланди попугайвлӓ йиш группын тымана попугайвлӓ (Strigopidae) лӹвӓл йыхыш пырышы У Зеландиштӹ вӓшлиӓлтшӹ йыд попугайвлӓ. Цилӓжӓт ик йиш тымана попугай веле улы. Кытшы 58–64 см лин кердеш. Попугайвлӓн сек нелӹц. Нелӹцшӹ 0.95–4 кг якте лин кердеш.
Лӹмжӹ
Какапо лӹмӹн этимологижӹ маорилӓ «kākā» (попугай) дон «pō» (йыд) шамаквлӓ гӹц лин.