Поханя театрын международный кечӹжӹ
| Поханя театрын международный кечӹжӹ | |
|---|---|
 | |
| Кын | Айо цилӓ обществын вниманижӹм поханя театрыш, тӹдӹн цилӓ сӓндӓлӹк вӹлнӹшӹ культурышты нӓлмӹ вӓрӹшкӹжӹ виктӓрӓ |
| Ӹштӓлтӹн | 2003 и |
| Ӹштӹшӹ | Маргарета Никулеску — УНИМА-н президентшӹ |
| Пӓлемдӓт | международный айо |
| Кечӹ | 21 март |
| Овуца |
Поханя спектакльым анжыктымаш; Сакой декорацин выставка-экскурсивлӓ ӹштӓлтӹт; Поханям ӹштӹмӹ шотышты мастар-классвлӓ эртӓрӓлтӹт; Тематический вӓшлиймӓш, йӹргешкӹ стӧл, конференцивлӓ эртӓрӓлтӹт. |
Поханя театрын международный кечӹжӹ (руш. Международный день театра кукол, англ. World Puppetry Day) — 2003 и гӹц каждый ин 21 мартын пӓлемдӹмӹ айо.
Истори
2000-шӹ ин УНИМА-н, Поханя театрын деятельвлӓжӹн международный ушемӹштӹн (Union Internationale de la Marionnette, UNIMA), XVIII Конгрессӹштӹ Магдебургышты поханя театрын кымдан пӓлӹмӹ деятельжӹ Дживад Золфагарио (Иран гӹц) Поханя театрын международный кечӹжӹм пӓлемдӹмӹ гишӓн шаям кӓнгӓшӓш лыктын. Айом эртӓрӹмӹ вӓр дӓ жеп гишӓн пиш шукы кӓнгӓшӹмӹ гӹнят, 2000-шӹ ин ти ядмаш вӓшештӹш гӹц пасна кодын[1].
Кок иштӹ веле, 2002-шы ин июнь тӹлзӹн Атлантышты, УНИМА-н Международный Советӹштӹжӹ, айом эртӓрӹмӹ кечӹ пӓлемдӹмӹ лин[2].
Поханя театрын международный кечӹжӹ пӹтӓришӹ гӓнӓ 2003-шы ин 21-шӹ мартын эртӓрӓлтӹн[2].
«Тек тидӹ кечӹн поханя спектакльвлӓм мадыт, кӓнгӓшӹмӓшвлӓм, вӓшлимӓшвлӓм эртӓрӓт, тек сек тошты искусствын — поханя театрын — профессионалвлӓ дӓ тӹдӹм яратышывлӓ иктӹш цымыргат! Тек цилӓн йӹрвӓш мӓмнӓн айош ушнат! Тек цилӓн поханя театрышты лит! — УНИМА-н президентшӹ (2000—2004) Маргарета Никулеску поханя театрын цилӓ деятельжӹм 21-шӹ мартым поханя театрым мактымы кечӹш сӓртӓш ӱжмӓшӹжӹ[3].
Айон цельжӹ — техень профессивлӓн керӓл ылмыштым анжыкташ[4]:
- поханя мастар,
- режиссёр,
- декоратор,
- актёр.
Айо цилӓ обществын вниманижӹм поханя театрыш, тӹдӹн цилӓ сӓндӓлӹк вӹлнӹшӹ культурышты нӓлмӹ вӓрӹшкӹжӹ виктӓрӓ[4].
Традици
«Поханя театрын международный кечӹжӹм» аяш шукы йиш театр, музейвлӓ ушнат[5][6].
Техень мероприятивлӓ эртӓрӓлтӹт[4][5]:
- Поханя спектакльым анжыктымаш;
- Сакой декорацин выставка-экскурсивлӓ ӹштӓлтӹт;
- Поханям ӹштӹмӹ шотышты мастар-классвлӓ эртӓрӓлтӹт;
- Тематический вӓшлиймӓш, йӹргешкӹ стӧл, конференцивлӓ эртӓрӓлтӹт.
Ти кечӹн спектакльым анжыктышы актёрвлӓмӓт, постановкышты кычылташ марионетка дон реквизитӹм йӓмдӹлӹмӓштӹ цацышывлӓмӓт кымылангдаш лиеш[5].
Примечани
- ↑ Международный день театра кукол - Новости - Красноярский театр кукол. teatrkukol24.ru. Тергӹмӹ кечӹ: 12 мартын 2025.
- ↑ 1 2 Черненкова, Марина. Международный день кукольника 2024: История и традиции праздника, Общественная служба новостей (20 мартын 2024). Дата обращения: 3 декабрьын 2025.
- ↑ День кукольного театра 2023, Кукморский район — дата и место проведения, программа мероприятия., Культура.РФ. Дата обращения: 12 мартын 2025.
- ↑ 1 2 3 Толкачева, Ольга. Международный день кукольника в 2025 году: все о празднике создателей волшебства, ВФокусе Mail (11 февральын 2025). Дата обращения: 12 мартын 2025.
- ↑ 1 2 3 Международный день кукольника - краткая история праздника » Краткая история России и мировая история, Краткая история России и мировая история. Дата обращения: 12 мартын 2025.
- ↑ Черненкова, Марина. Международный день кукольника 2024: История и традиции праздника, Общественная служба новостей (20 мартын 2024). Дата обращения: 12 мартын 2025.