Николаев, Пётр Павлович
| Пётр Павлович Николаев | ||||
|---|---|---|---|---|
 | ||||
| Шачмы кечӹ | 1927 и 12 июль | |||
| Шачмы вӓр | Изи Абаснур сола, Советский район, Мары Эл | |||
| Колымы кечӹ | 2008 и 29 февраль (80 и) | |||
| Колымы вӓр | Йошкар-Ола, Мары Эл, Россий | |||
| Гражданство |
 СССР, Россий |
|||
| Пӓшӓн типшӹ | башня кранын машинистшӹ | |||
| Награда дӓ премивлӓ |
|
|||
Пётр Павлович Николаев (12 июль 1927, Советский район[d] — 29 февраль 2008, Йошкар-Ола) — советский строительный отрасльын передовикшӹ, Мары строительный трестӹн башнян кранжын машинистшӹ, Мары АССР-ӹштӹшӹ Йошкар-Ола хала, Социалистический Пӓшӓн Геройжы (1965).
Ӹлӹмӓш корныжы
1927-шӹ ин 12-шы июльын Мары АССР-ӹштӹшӹ Советский район Изи Абаснур солашты руш семняэш шачын[1].
1941-шӹ ин «Ильичӹн согоньжы» вӓрӹштӹшӹ колхозышты пӓшӓм ӹштӓш тӹнгӓлӹн. Оршанский шӹмиӓш школым тымень пӹтӓрен. 1944-шӹ ин Якшар армиш кен. 1951-шӹ ин служба гӹц кен дӓ Йошкар-Олаштышы полупроводниковый приборвлӓм лыкшы заводын 116-шы №-ӓн строительный трестӹн 11-шӹ СМУ-жын слесарешӹжӹ пӓшӓм ӹштӓш пырен. 1951-шӹ ин сентябрьӹн «Марийскстрой» Трестӹн СМУ-2 кӹрпӹц оптышеш пӓшӓш ванжен.
1952-шы ин Харьков халашты крановщиквлӓм йӓмдӹлӹшӹ курсым тымень лӓктӹн. СМУ-11 пӓшӓм ӹштен, Мары АССР-ӹн башнян кранын икшӹ машинистшӹ ылын. Ӹлен-толын нелӹ техника доно пӓшӓм ӹштӹмӹ моштымашым нӓлӹн. Йошкар-Олаштышы 1-шӹ ден 2-шы микрорайонвлӓм лӱктӹмӓштӹ цацен. Тӹдӹ «Контакт», «Электроавтоматика», Выжалымы-нӓлмӹ машиностроительный заводвлӓн производственный корпусвлӓштӹм строен, политехнический институтын, Мары драма театрын зданивлӓштӹм лӱктен. Строительный техникӹм лӓктӹшӹш кычылтмы шотышты шукы кӓнгӓшӹм пуэн[2].
СССР-ӹн Кӱшӹл Кӓнгӓшӹжӹн Президиумжын 1965-шӹ иӓш 26-шы ноябряш указшы семӹнь Пётр Павлович Николаевлӓн производствышты дӓ объектвлӓм стройымашты кого лӓктӹшӹш шомылан Социалистический Пӓшӓн Геройжы лӹмӹм пумы, Ленин орден дон «Сарла дон Молот» шӧртньӹ медальым кычыктымы.
Стройкывлӓштӹ пӓшӓлен, 1971-шӹ и гӹц башнян кранвлӓм тӧрлӹмӹ дӓ обслуживайымы шотышты слесарьвлӓн бригадирӹштӹ ылын. 1992-шы и гӹц сылен нӓлмӹ кӓнӹмӓшӹштӹ[1].
СССР-ӹн Кӱшӹл Кӓнгӓшӹжӹн 7-шӹ созывшы годым депутатеш айыралтын, Йошкар-Ола Кӓнгӓшӹн депутатшы, КПСС Мары обкомын членжӹ ылын.
Йошкар-Олашты ӹлен. 2008-шӹ ин 29-шӹ февральын колен[1].
Наградывлӓ
Пӓшӓштӹ анзылтымашвлӓ гишӓн пӓлемдӓлтӹн:
- «Сарла дон Молот» шӧртньӹ медаль (26.11.1965)
- Ленин орден (26.11.1965)
- вес медальвлӓ
- Йошкар-Олан Почётный гражданинжӹ (17.04.1968)
Примечани
- ↑ 1 2 3 Сергей Кузоватов. Николаев Пётр Павлович (руш.). Сайт «Герои страны». Тергӹмӹ кечӹ: 3 июльын 2025.
- ↑ Николаев Пётр Павлович | Национальная библиотека имени С. Г. Чавайна Республики Марий Эл (руш.). nbmariel.ru. Тергӹмӹ кечӹ: 12 апрельӹн 2020. Архивируйымы 3 июльын 2025 года.
Литература
- Герасимов В., Речкин П. Высота / В.Герасимов, П. Речкин. — Йошкар-Ола,1968. — 62 с.
- 75 лет Строителям Марий Эл: 75 лет Строительной конторы «Маристрой» — Йошкар-Ола,2003. — 88 с.
- Николаев Пётр Павлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 577. — 872 с. — 3505 экз. — ISBN 978-5-94950-049-1.
- Конакова Н. Н., Мочаев В. А. Николаев Пётр Павлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 308. — 606 с. — 1500 экз. — ISBN 978-5-905314-35-3.
Ссылкывлӓ
- Пётр Павлович Николаев (руш.). Сайт «Герои страны».
Ти статьяш РУВИКИ-н вес статьявлӓжӹ ак колтеп. |
.svg){kind=link}