Алексеев, Евсей Алексеевич

Ирӹкӓн энциклопеди Википеди гӹц материал
Евсей Алексеевич Алексеев
Евсей Алексеевич Алексеев.jpg
Шачмы кечӹ 1921 и 21 декабрь(1921-12-21)
Шачмы вӓр Сардаял, Сернур кантон, Мары автономный область, РСФСР[1]
Колымы кечӹ 1979 и 10 ноябрь(1979-11-10) (57 и)
Колымы вӓр Мамсинер йӓл, Мари-Турек район, Мары АССР, РСФСР, СССР[2]
Пырымаш  СССР
Войскан йиш артиллери
Служымы жеп 1940—1947
Звани изирӓк лейтенант
Часть Ӹрдӹ фронтыштышы 61-шӹ армин 76-шы гвардейский стрелковый дивизин 154-шӹ гвардейский артиллерийский полкын 5-шӹ батарей
Кредӓлмӓш/вырсы Кого Отечественный вырсы
Награда дӓ преми
Герой Советского Союза
Орден Ленина Медаль «За отвагу» (СССР) Медаль «За победу над Германией в Великой Отечественной войне 1941—1945 гг.» SU Medal Twenty Years of Victory in the Great Patriotic War 1941-1945 ribbon.svg
SU Medal Thirty Years of Victory in the Great Patriotic War 1941-1945 ribbon.svg
Отставкышты механизатор, трактор бригадын бригадиржӹ, совхозышты электростанцин мотористшӹ
Вӹлвӓл медиафайлвлӓ
Бойцы и командиры 154-го гвардейского артполка возле пушки БС-3 в Берлине (На фото первый слева – Алексеев Евсей Алексеевич

Евсей Алексеевич Алексеев (1921 и 21 декабрь — 1979 и 10 ноябрь) — советский артиллерист, Кого Отечественный вырсы жепӹштӹ гвардин изирäк сержантшы[3], Ӹрдӹ фронтыштышы 61-шӹ армин 76-шы гвардейский стрелковый дивизин 154-шӹ артиллерийский полкыштышы 5-шӹ батарейӹн военный наводчикшӹ. Советский Союзын Геройжы (15.01.1944), изирäк лейтенант.

Ӹлӹмӓш корныжы

Хресäнь семняштӹ шачын. 4 классым тымень пӹтäрен, колхозышты пäшäм ӹштен. 1940 ин Якшар Армиш нäлӹнӹт.

1941 и 22 июнь гӹц вырсын салтакшы. Одесса лӹвäлнӹ, Сталинградышты (тӹ кредäлмäш гишӓн «За отвагу» медальым нäлӹн), Курский дугашты, Шалахай Сирӹштӹшӹ Украинӹм ытарымашты кредäлӹн. Сӹнгӹмäш якте кредäлӹн кеен. Изирäк сержант звани якте служен.

1943 и 17 гӹц 21 сентябрьын Алексеев тышманын кым минометшӹм, танк ваштареш вооруженим, нӹл пулеметӹм, дä тышманын командный пунктшым шäлäтен. Толстолес село лишнӹ (Черниговский кымдемӹштӹшӹ Черниговский район) тышманын икманяр контратакыжым цäрен. 29 сентябрьын Днепр кымдемӹштӹшӹ Мысы село лишнӹ (Репин кымдем Черниговский область) плацдармвлä верц кредäлмäштӹ Днепр гач ванжышы подразделеним тыл доно äрен.

СССР Кӱшӹл Советский Президиумын 1944 и 15 январьыштышы «Якшар Армин генералжы, офицер, сержант дä рядовойвлäлäн Советский Союзын Геройжы лӹмӹм пумы гишäн» указжы негӹцеш Днепр äнгӹрӹм форсируйымы дä тидӹн годым командованин шӱдӹмӹжӹм шот доно шоктымы гишäн, лӱддӹмäшӹм дä патырлыкым анжыктымы гишäн гвардин изирäк сержантшы Алексеев Евсей Алексеевичлӓн Советский Союзын Геройжы мактымы званим дä Ленинӹн орден дон «Шӧртньӹ шӹдӹр» медальым пумы[4][5].

1944 ин июльын ВКП(б) пырен, 1945 ин 1-шӹ Белорусский фронтышты изирäк лейтенантвлäн курсыштым тымень лäктӹн.

Вырсы паштек вооруженный ви рӓдӹштӹ служен. 1947 ин запасыш колтенӹт. Шачмы вäрӹшкӹжӹ пӧртӹлӹн, «Мир верц» колхозын механизаторэш, трактор бригадын бригадирэшӹжӹ, электростанцин мотористэшӹжӹ пäшäм ӹштен. 1979 и 10 ноябрьын колен. Мамсинер селан шӹгерлӓш таенӹт.

Награда

  • Советский Союзын Геройын «Шӧртньӹ Шӹдӹр» медальжы (15.01.1944, 1667-шӹ №-ӓн медаль)
  • Ленин орден (15.01.1944)
  • Тенгеок медальвлä:
    • «За отвагу» медаль
    • «1941-1945-шӹ ивлäштӹшӹ Кого Отечественный вырсышты Германим сӹнгӹмӹлäн» медаль
    • «1941-1945-шӹ ивлäштӹшӹ Кого Отечественный вырсышты Сӹнгӹмäшлäн коклы и теммӹ лӹмеш» лӹмгечӹ медаль
    • «1941-1945-шӹ ивлäштӹшӹ Кого Отечественный вырсышты Сӹнгӹмäшлäн кымлы и теммӹ лӹмеш» лӹмгечӹ медаль

Ӓш

  • Алексеевын тыменьмӹ Мари-Турекский районыштышы Сардаял школ кабинетӹн стенäштӹжӹ Росийӹштӹжӹ вырсы-исторический обществын цацымыжы доно, герой äшеш кодшы манын, мемориальный хангам шӹндӹмӹ.

Примечани

  1. ↑ Кӹзӹт Мари-Турек район, Мары Эл, Россий.
  2. ↑ Кӹзӹт Мары Эл, Россий.
  3. ↑ На дату присвоения звания Героя Советского Союза.
  4. ↑ Газета «Известия» № 14 от 16 января 1944 года с опубликованным Указом о награждении.(недоступная ссылка)
  5. ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 январьын (№ 4 (264)). — С. 1. Архивировано 24 сентябрьын 2021 года.

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Алексеев Евсей Алексеевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 220. — 872 с. — 3505 экз. — ISBN 978-5-94950-049-1.
  • Мочаев. Алексеев Евсей Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 20—21. — 606 с. — 1500 экз. — ISBN 978-5-905314-35-3.
  • Алексеев Евсей Алексеевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 23—24. — 374 с. — 500 экз. — ISBN 978-5-94950-070-5.

Ссылкывлӓ

«https://mrj.ruwiki.ru/w/index.php?title=Алексеев,_Евсей_Алексеевич&oldid=311374» гӹц нӓлмӹ