Айзенворт, Анатолий Карпович
| Анатолий Карпович Айзенворт | |
|---|---|
 | |
| Шачмы годшы лӹм | Анатолий Карпович Деревяшкин |
| Шачмы кечӹ | 6 март 1910 |
| Шачмы вӓр | Шуарсола, Советский район, Мары Эл |
| Колымы кечӹ | 25 декабрь 1942 (32 и) |
| Колымы вӓр | Клычково, Волгоградский область, СССР |
| Гражданство (подданство) | |
| Пӓшӓн типшӹ |
сирӹзӹ, сӓрӹшӹ, журналист, тымдышы |
Анатолий Карпович Айзенворт (паспорт доно Деревяшкин 1910 и 21 февраль (6 март), Шуарсола, Советский район, Мары Эл — 1942 и 25 декабрь, Сталинградский фронт) — мары советский сирӹзӹ, сӓрӹшӹ, журналист, тымдышы. СССР-ын писательвлӓн Союзын членжӹ.
Ӹлӹмӓш корныжы
Школ директор К.А. Деревяшкинӹн семняштӹжӹ шачын[1]. II ступенян Оршанский школышты тыменьӹн, 1931 ин Казанский Восточно-педагогический институтым пӹтӓрен.
МарНИИ-н научный сотрудникшӹ, Мары АССР-ын советский писательвлӓн Союзым цымырышы оргкомитетӹн членжӹ, Союзын правленижӹн членжӹ ылын. Журналист пӓшӓмӓт нӓнгеен: «У вий» («Новая сила») журналын редакцижӹн членжӹ, «Марийская правда» дӓ «Марий коммуна» газетвлӓн членжӹ ылын.
1937 и гӹц Н.К. Крупская лӹмӓн Мары кугижӓншӹ педагогический институтышты мары литературым тымден.
1942 и гӹц — фронтышты. 1942 ин 25 декабрьын Сталинградский фронтышты колен, Волгоградский областьышты Клычково сола сага тайымы.
Литературный корныжы
1926 и гӹц сирӓш тӹнгӓлӹн. Анзыц руш йӹлмӹ доно сирен. Пыт публицист лин (литературный шӹмлӹмӹ пӓшӓвлӓм, книгӓвлӓлӓн дӓ театральный постановкывлӓлӓн рецензивлӓм сирен). Тенге гӹнят, пӓлдӹртӓш келеш, вульгарно-социологический критика жеп лимӹ велдӹк ӹшкӹмжӹн литературно-критический пӓшӓвлӓшкӹжӹ кынамжы самыньвлӓм пыртен. Кыды-тидӹжӹ нӹнӹ логӹц йори ӹштӓш шӱдӹмӹвлӓ линӹт дӓ сталинский репрессивлӓ жепӹн мары писательвлӓн пуйырымашыштышты худа рольым мадыныт[2].
А. Айзенворт «Вӹц патыр» («Пятеро смелых») повестьӹм сирен, М. Горькийӹн, Л. Толстойын, А. Чеховын, В. Маяковскийӹн дӓ молынат произведенивлӓштӹм мары йӹлмӹшкӹ сӓрен, руш йӹлмышкӹ М. Шкетанын «Эренгер» романжым, С. Чавайнын «Октябрь» поэмыжым, Ш. Осыпын, О. Ипайын, Г. Ефрушын произведенивлӓштӹм сӓрен.
Тӹдӹ тенгеок тымдымы пособивлӓм йӓмдӹлен: 1939 ин Учпедгиз тӹдӹн йӓмдӹлӹмӹ кым «Лыдашлан книгӓвлӓ» пӓшӓжӹм лыктын.
Псевдонимвлӓмӓт кычылтын: А. Зет, А. К., А. Д[3].
1939 и гӹц СССР-ын писательвлӓн Союзын членжӹ лин.
Тӹнг произведенивлӓжӹ
Марла
- Ӹлӹмӓш мыра: айырен нӓлмӹ произведенивлӓ (Жизнь поёт: избранные произведения). Йошкар-Ола, 1950.
- Вӹц патыр: повесть (Пятеро смелых). Йошкар-Ола, 1954. 106 с.
- Вӹц патыр: повесть (Пятеро смелых). Йошкар-Ола, 1987. 94 с.
Руш йӹлмӹшкӹ сӓрӹмӹ
- Пятеро смелых: повесть/ пер. М.А. Шамбадала. Йошкар-Ола, 1955. 56 с.
Анатолий Айзенвортын сӓрӹмӹ произведенивлӓжӹ
- Али-Баба дӓ нӹллӹ разбойник: арабский ямак. М., 1938.32 с.
- Андерсен Г. Дюймовочка: ямак. М., 1938. 32 с.
- Гауф В. Халиф-аист гишӓн ямак. М., 1938. 16 с.
- Чуковский К. Мӧскӓ дон Тӹлзӹ: ямак. Йошкар-Ола, 1946. 16 с.
- Андерсен Г. Пӹрцӹк ӹдӹр: ямак. Йошкар-Ола, 1953. 20 с.
Примечани
- ↑ Мочаев, 2007, с. 16.
- ↑ Писатели МЭ, 2008, с. 37.
- ↑ Писатели МЭ, 2008, с. 36.
Литература
- Александров А. М., Беспалова Г. Е., Васин К. К. А. Айзенворт // Писатели Марийской АССР: биобиблиографический справочник. — Йошкар-Ола: Марийское книжное издательство, 1976. — С. 15—16. — 368 с. — 5000 экз.
- Беспалова Г. Е., Васин К. К., Зайниев Г. З. А. Айзенворт // Писатели Марийской АССР: биобиблиографический справочник / Отв. А. В. Селин. — Йошкар-Ола: Марийское книжное издательство, 1988. — С. 9—11. — 376 с. — 5000 экз.
- Зайниев Г. З. Айзенворт (Деревяшкин) Анатолий Карпович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 16. — 2032 экз. — ISBN 5-87898-357-0.
- Анатолий Айзенворт // Писатели Марий Эл: биобиблиографический справочник / Сост. А. Васинкин, В. Абукаев и др. — Йошкар-Ола: Марийское книжное издательство, 2008. — С. 35—36. — 752 с. — 3000 экз. — ISBN 978-5-7590-0966-5.
- Зайниев Г. З., Мочаев В. А. Айзенворт (Деревяшкин) Анатолий Карпович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 14. — 606 с. — 1500 экз. — ISBN 978-5-905314-35-3.
- Анатолий Айзенворт (Деревяшкин Анатолий Карпович) // Писатели Марий Эл: биобиблиографический справочник / Сост. Г. Сабанцев, Ю. Соловьёв и др. — Йошкар-Ола: Марийское книжное издательство, 2020. — С. 10—11. — 423 с. — 1000 экз. — ISBN 978-5-7590-1285-6.